Jeremias 20:8 - Marahay na Bareta Biblia

⁸ Kun ako minataram, kaipuhan kosogon ko an sakong tingog saka kumurahaw, “Kadahasan! Pagkagaba!” Kagurangnan, tinutuyatuya ako asin dinudusta sa gabos na panahon huli ta ipinapahayag ko an saimong tataramon.

Jeremias 20:8 ပူးပေါင်းရင်းမြစ်များ

2 Mga Hade 2:23

Naghale siya sa Jerico tanganing magduman sa Betel. Mantang naglalakaw siya, nagluwas an mga aking lalaki asin pinagtuyatuya siya. “Humale ka digdi, kalbo!” an kurahaw ninda.

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

Isaias 57:4

Siisay an saindong pinag-oolog-olog? Kamong mga putikon, siisay an saindong pinagngingisihan?

Jeremias 15:10

Mamondo ako nin marahay! Tadaw ta inaki pa ako kan sakong ina sa kinaban na ini? Danay akong may kaiwal asin kadiskutiran sa bilog na daga. Dai ako nagpasubli nin kwarta ni nagsubli, alagad minamaldisyon ako kan gabos.

Jeremias 15:15

Dangan nagsabi ako, “Kagurangnan, ika an nakakaaram. Giromdoma ako asin tabangi. Ibalos mo ako sa mga nagpasakit sako. Dai ka magmaboot sainda huli ta tibaad magadan ninda ako. Giromdoma na nagtios ako nin kasosopgan huli saimo.

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 20:7

Kagurangnan, dinaya mo ako, asin ako nadaya mo. Mas makosog ka ki sa sako, asin dinaog mo ako. Nagin ngingisihan ako sa bilog na aldaw; pinag-oolog-olog ako kan lambang saro.

Jeremias 28:8

An mga propetang naenot sato nagpropesiya na magkakaigwa nin gera, gutom, saka peste sa dakul na nasyon asin sa darakulang kahadean.

Jeremias 5:1

Mga taga Jerusalem, liboton nindo an saindong mga tinampo! Pagmasdan nindo dangan aramon an nasa palibot. Siyasaton nindo an mga plasa. Igwa daw kamo nin nahiling na tawo na naggigibo kan matanos asin naghihingowang magin maimbod sa Dios? Kun igwa kamong mahiling, papatawadon nin Kagurangnan an Jerusalem.

Jeremias 5:6

Kaya gagadanon sinda kan mga leon na hale sa kadlagan; roronoton sinda kan mga lobo na hale sa desyerto, saka maglilibot sa mga banwa ninda an mga leopardo. Kun magluwas an mga tawong idto, roronoton sinda, huli ta kadakul na kan saindang kasalan asin kadakul nang beses na tinalikodan ninda an Dios.

Jeremias 6:10

Nagsimbag ako, “Siisay an madangog sako kun kaolayon ko sinda saka patanidan? Matagas an saindang mga payo. Habo nindang hinanyogon an saimong tataramon asin pinagngingisihan ninda an ipinapahayag ko sainda.

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Habakkuk 1:3

Tano ta itinutugot mong mahiling ko an mga kasakitan na ini? Paano mo natatagalan an pagmasid sa mga salang gibong ini? Nasa palibot ko an karatan saka kadahasan; an pagralaban saka pag-iriwal yaon sa gabos na lugar.

Lukas 11:45

Nagsabi an saro kan mga abogado kan Katogonan, “Maestro, sa itinaram mong iyan, pati kami sinosopog mo!”

Hebreyo 11:26

Aram niya na an pagtios nin pag-olog-olog para ki Cristo mas mahalaga ki kan gabos na kayamanan sa Egipto, huli ta pinaglalaom niya an balos sa maabot na panahon.

Hebreyo 13:13

Kaya magduman kita sa luwas kan kampo saka makidamay kita sa saiyang kasosopgan.

1 Pedro 4:14

Kun kamo pag-olog-ologon huli ki Cristo, paladan kamo, huli ta nangangahulogan iyan na an mapangyaring Espiritu nin Dios nasa saindo.