Jeremias 20:7 - Marahay na Bareta Biblia

⁷ Kagurangnan, dinaya mo ako, asin ako nadaya mo. Mas makosog ka ki sa sako, asin dinaog mo ako. Nagin ngingisihan ako sa bilog na aldaw; pinag-oolog-olog ako kan lambang saro.

Jeremias 20:7 ပူးပေါင်းရင်းမြစ်များ

2 Mga Hade 2:23

Naghale siya sa Jerico tanganing magduman sa Betel. Mantang naglalakaw siya, nagluwas an mga aking lalaki asin pinagtuyatuya siya. “Humale ka digdi, kalbo!” an kurahaw ninda.

An Libro ni Job 12:4

Ako nagin ngingisihan ngunyan kan sakong mga katood; ako, na nag-apod sa Dios asin sinimbag niya, ako, na matanos saka mayong sala.

An Libro ni Job 30:9

“Ngunyan, ako an saindang nginingisihan, ako an ginibo nindang subahan.

Salmo 119:51

Danay akong pinag-oolog-olog kan mga mapaabaw-abaw, alagad dai ako minatalikod sa saimong katogonan.

Isaias 8:11

Huli kan saiyang dakulang kapangyarihan, pinatanidan ako nin Kagurangnan na dai magsunod sa dalan na sinusunod kan mga tawo. Nagsabi siya,

Jeremias 15:10

Mamondo ako nin marahay! Tadaw ta inaki pa ako kan sakong ina sa kinaban na ini? Danay akong may kaiwal asin kadiskutiran sa bilog na daga. Dai ako nagpasubli nin kwarta ni nagsubli, alagad minamaldisyon ako kan gabos.

Jeremias 15:18

Tadaw ta dai na natatapos an sakong kasakitan? Tadaw ta dai na nabobolong an sakong mga lugad? Tinutuyo mo daw na, para sako, ika magin arog sa sarong sapa na nagmamara sa tig-init?”

Jeremias 17:16

Alagad, Kagurangnan, dai ko hinagad saimo na padarahan mo sinda nin kasakitan. Dai ako nagmamawot nin panahon nin kahorasaan para sainda. Kagurangnan, naaaraman mo ini; naaaraman mo an sinabi ko.

Jeremias 20:9

Alagad kun minasabi ako, “Lilingawan ko an Kagurangnan saka dai na ako mataram sa saiyang ngaran,” garo kalayong naglalaad sa puso ko an saimong tataramon. Hiningowa ko nanggad na itago iyan, alagad dai ko na iyan mapupugol.

Jeremias 29:26

An Kagurangnan iyo an nagbugtak saimo bilang padi na kasalihid ni Jehoiada asin ika ngunyan an pamayong opisyal sa Templo. Katongdan mo na mabugtakan nin kadena saka lansang na kwelyo an liog kan lambang bua-bua na nagsasagin-sagin na propeta.

Jeremias 38:19

Nagsimbag an hade, “Natatakot ako sa mga Judio na nag-apil sa mga taga Babilonia. Tibaad itao ako sainda saka pasakitan.”

Mga Panambitan 3:14

Nagin ngingisihan ako kan gabos na banwaan; bilog na aldaw, ako an nagin saindang subahan.

Ezekiel 3:14

Makosog na nag-abot sakuya an kapangyarihan nin Kagurangnan asin dinara ako kan saiyang espiritu. Mantang dinadara ako, namatean ko an kapaitan nin boot asin kaaanggotan.

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

Jonas 4:2

Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Mikas 3:8

Alagad pinapano ako nin Kagurangnan kan saiyang espiritu, hustisya saka kosog tanganing sabihan an banwaan nin Israel kun ano an saindang kasalan.

Lukas 16:14

Nadangog ini gabos kan mga Fariseong makikwarta, kaya pinagngisihan ninda si Jesus.

Lukas 23:11

Pinag-olog-olog saka pinagbasang-basang siya ni Herodes asin kan mga soldados kaini; dangan sinulotan siya nin magayon na gubing saka ibinalik ki Pilato.

Mga Gibo 17:18

Nakipagdebate man siya sa mga pilosopong Epicureo asin sa mga pilosopong Estoico. An nagkapira nagsabi, “Ano an pinagtataram kan nagmamadonong na ini?” An iba man nagsabi, “Garong dapit sa mga dios nin ibang lugar an pinagtataram niya.” Sinabi ninda ini huli ta naghuhulit si Pablo dapit ki Jesus asin dapit sa pagkabuhay liwat.

Mga Gibo 17:32

Kan madangog ninda an sinabi ni Pablo dapit sa pagkabuhay liwat, pinagtuya-tuya siya kan iba, alagad an iba man nagsabi, “Boot ming magtaram ka giraray dapit kaini.”

1 Corinto 9:6

Kami daw sana ni Bernabe an mayo nin deretso na mag-ontok sa paghahanap buhay?

Hebreyo 11:36

May pinagtuya-tuya saka pinaghampak; may ginapos asin binilanggo.