Jeremias 20:6 - Marahay na Bareta Biblia

⁶ Ika, Pasur, sagkod an saimong pamilya dadakopon saka dadarahon sa Babilonia. Duman kamo magagadan saka ilulubong, kaiba an gabos mong katood na sinabihan mo nin mga kaputikan.’”

Jeremias 20:6 ပူးပေါင်းရင်းမြစ်များ

Isaias 9:15

An mga gurang asin mga ginagalangan na lalaki iyo an payo—asin an mga propeta na nagtutukdo nin kaputikan iyo an ikog!

Jeremias 14:13

Dangan nagsabi ako, “Kagurangnan Dios, aram mong sinasabihan sinda kan mga propeta na dai magkakaigwa nin gera o gutom, huli ta nanuga ka na magkakaigwa nin katoninongan sa samong daga.”

Jeremias 14:16

An mga tawong pinagsabihan ninda kan mga bagay na ini magagadan man sa gera saka sa gutom. Itatapok sa mga tinampo nin Jerusalem an saindang mga bangkay asin mayo nin malubong sa sainda. Ini an mangyayari sainda gabos—pati sa saindang mga agom, saka mga aking lalaki asin babae. Papabayadon ko sinda kan saindang mga karatan.”

Jeremias 20:1

Kan madangog kan padi na si Pasur, na aking lalaki ni Immer asin pangenot na opisyal kan Templo, na nagpopropesiya ako kan mga bagay na ini,

Jeremias 20:4

An Kagurangnan mismo nagtaram, ‘Gigibohon takang katakotan kan saimong sadiri asin kan saimong mga katood. Mahihiling mo an pagkagadan ninda sa paagi nin espada kan mga kaiwal. Ipapairarom ko an gabos na taga Juda sa kapangyarihan kan hade nin Babilonia; dadarahon kaini an iba bilang mga bihag sa saiyang daga asin an iba gagadanon niya.

Jeremias 23:32

Hinanyoga nindo an sinasabi ko! Laban ako sa mga propeta na nagtataram kan saindang mga pangatorogan na pano nin mga kaputikan. Ipinapangosip ninda an mga pangatorogan na ini saka linalagalag ninda an sakong banwaan huli kan saindang mga kaputikan asin kahambogan. Dai ko sinda sinugo ni pinagbotan na maglakaw. Mayo lamang sinda nin ikakatabang sa banwaan. Ako, an Kagurangnan, an nagtaram.”

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Mga Panambitan 2:14

An saimong mga propeta mayong sinabi saimo kundi kaputikan; dai ninda ihinayag an saimong kasalan tanganing dai ka makabalik sa dati mong kamugtakan, kundi pinatubod kang an pagsolsol dai na kaipuhan.

Ezekiel 22:28

Tinahoban kan mga propeta an mga kasalan na ini, siring sa sarong pinaputing lanob. Nakakahiling sinda nin bako totoong mga bisyon asin nagpuputik sinda sa saindang mga pahayag manongod sa maabot na panahon. Nagsasabi sinda na yaon sainda an tataramon nin Kagurangnan Dios, maski ako, an Kagurangnan, dai man kaiyan nagtaram sainda.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Mikas 2:11

“Mawot kan mga tawong ini an propetang naglilibot, na mahambog saka madaya asin nagsasabing, ‘Hinuhulaan kong mabulos an arak saka makosog na inomon para sa saindo.’

Zacarias 13:3

Dangan kun igwa nin tawong boot pa giraray na magpropesiya, sasabihan siya kan sadiri man sana niyang mga magurang na kaipuhan gadanon siya, huli ta nagsabi siyang tataramon nin Kagurangnan an saiyang itinataram, alagad kaputikan palan an saiyang sinambit. Kun magpropesiya siya gagadanon siya kan sadiri man sana niyang magurang.

Deuteronomio 28:25

“Ipapadaog kamo nin Kagurangnan sa saindong mga kaiwal. Masalakay kamo sainda hale sa sarong direksyon, alagad madulag kamo pasiring sa gabos na direksyon; mangalas an gabos na tawo sa daga kun mahiling ninda an nangyari saindo.