Jeremias 20:16 - Marahay na Bareta Biblia

¹⁶ An tawong idto magin arog logod sa mga syudad na mayong herak na rinaot nin Kagurangnan. Mga pagtangis logod an madangog niya sa pagkaaga asin kurahaw nin gera sa pagkaodto,

Jeremias 20:16 ပူးပေါင်းရင်းမြစ်များ

Jeremias 18:22

Magpadara ka nin mga tawo na mayo nin patanid na masamsam kan saindang mga harong; pakurahawa sinda sa takot. Nagkalot sinda tanganing mahulog ako asin nagbugtak sinda nin mga litag tanganing madakop ako.

Jeremias 18:8

alagad an nasyon na iyan magtalikod sa saiyang kasalan, dai ko idadagos an sinabi kong gigibohon ko.

Jeremias 23:14

Alagad orog pa an karatan na ginigibo kan mga propeta sa Jerusalem: nakikidorog sinda sa bako nindang agom saka nagtataram nin mga kaputikan; tinatabangan ninda an mga tawo sa paggibo nin maraot, kaya mayo nin minaontok sa paggibo nin karatan. Para sako, gabos sinda maraot arog kan mga taga Sodoma saka mga taga Gomorra.

Jeremias 26:13

Dapat nindong bagohon an saindong mga gawe asin mga gibo, dangan kuyogon nindo an Kagurangnan na saindong Dios. Kun gibohon nindo iyan, babagohon niya an saiyang desisyon manongod sa paggaba na itinaram niyang dadarahon saindo.

Jeremias 4:19

Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Mga Panambitan 4:6

Mas orog an padusa sa sakong banwaan ki sa padusa sa mga taga Sodoma, na bigla sanang buminagsak huli kan kapangyarihan nin Dios.

Ezekiel 21:22

Sa too niyang kamot yaon an bosog na may ngaran ‘Jerusalem’! Sinasabihan siya kaini na magbugtak nin mga trosong panrumpag nin trangkahan, magtambak nin daga asin magkalot nin mga trinsera.

Oseas 10:14

madatong sa saindong banwaan an gera dangan magagaba an gabos nindong bantayan. An aldaw na iyan makakaagid sa aldaw na rinaot ni Hadeng Salman an syudad nin Bet-arbel sa sarong gera; nagkaroronot kaidto an mga ina kaiba an saindang mga aki.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Oseas 13:14

Dai ko ililigtas an banwaan na ini sa kinaban kan mga gadan o sa kapangyarihan nin kagadanan. Kagadanan, padagosa an pagpapasakit mo! Kinaban kan mga gadan, padagosa an panggagaba mo! Dai ko na nanggad maheherakan an banwaan na ini.

Amos 1:14

kaya papadarahan ko nin kalayo an mga kudal kan syudad nin Rabba asin susuloon ko an mga bantayan kaiyan. Dangan magkakaigwa nin kinurahaw sa aldaw nin gera, asin an ralaban magigin mangirhat siring sa sarong bagyo.

Amos 2:2

Papadarahan ko nin kalayo an daga nin Moab asin susuloon ko an mga bantayan nin Keriot. An mga taga Moab magagadan sa tahaw nin karibokan nin gera mantang nagkukurahaw an mga soldados asin nagtatanog an mga trompeta.

Amos 4:11

“Tinunaw ko an iba sa saindo arog kan ginibo kong pagtunaw sa Sodoma saka sa Gomorra. An mga natada sa saindo nakaarog sa naglalaad na sanga na kinua sa kalayo, alagad dai man giraray kamo nagbalik sa sako,” an sabi nin Kagurangnan.

Jonas 3:4

Nagpoon sa paglakaw sa syudad si Jonas, asin pakalakaw niya nin sarong aldaw, nagpahayag siya, “Matutunaw an Nineve pakalihis nin kwarentang aldaw!”

Jonas 4:2

Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Sofonias 1:16

aldaw nin pagtanog kan trompeta asin nin pagkurahaw para sa gera kan mga soldados na nagsasalakay sa pinapusog na mga syudad saka haralangkaw na mga tore.

Sofonias 2:9

Mantang ako an Dios na buhay, an Dios nin Israel, minasumpa ako na matutunaw an Moab asin an Ammon arog sa Sodoma saka Gomorra. An mga lugar na iyan magigin mga kalot nin asin, dangan magigin raot sagkod lamang, na pano nin mga doot. An mga natatada sa sakong banwaan iyo an masamsam dangan masakop kan saindang daga.”

Lukas 17:29

Alagad kan aldaw na maghale si Lot sa Sodoma, nag-uran nin kalayo saka asupre; nagadan sinda gabos.

Deuteronomio 29:22

“Sa maabot na mga henerasyon, an saindong mga kapagarakian sagkod an mga dayuhan na gikan sa mga harayong lugar makakahiling kan mga kasakitan saka mga kahelangan na ipinadara nin Kagurangnan sa saindong daga.

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.

2 Pedro 2:6

Pinadusahan man nin Dios na magin abo an mga syudad nin Sodoma saka Gomorra nganing ipahiling an mangyayari ngapit sa mga tawong maraot.

Judas 1:7

Giromdoma nindo an Sodoma saka an Gomorra asin an mga kataed na syudad, na naggibo man nin karigsokan saka kadustaan, kaya pinadusahan sa paagi nin kalayong daing kataposan. Ini sarong patanid sa gabos.