Jeremias 20:12 - Marahay na Bareta Biblia

¹² Alagad, Kagurangnan nin mga hukbo, matanos mong binabalo an mga tawo; naaaraman mo an nasa saindang mga puso saka isip. Kaya pabayaan mong mahiling ko an pagbalos mo sa sakong mga kaiwal, huli ta ibinugtak ko sa saimong mga kamot an sakong ipinaglalaban.

Jeremias 20:12 ပူးပေါင်းရင်းမြစ်များ

2 Mga Cronica 24:22

Nalingawan kan hade an karahayan na ipinahiling saiya ni Jehoiada na ama ni Zacarias, asin ipinagadan niya ini. Kan naghihingagdan na si Zacarias, nagkurahaw siya, “Mahiling logod nin Kagurangnan an saimong ginigibo asin padusahan ka!”

Salmo 11:5

Binabalo nin Kagurangnan an matanos asin an maraot; anggot siya sa mga namomoot sa dahas.

Salmo 139:23

Siyasata ako, O Dios, asin midbida an sakong puso; baloa ako asin midbida an mga kaisipan ko.

Salmo 17:3

Kun baloon mo an sakong puso, kun dalawon mo ako pagbanggi, kun baloon mo ako, mayo kang makukuang karatan sako. Dai nagkasala an sakuyang ngoso,

Salmo 54:7

Huli ta ilinigtas mo ako sa gabos kong kasakitan, asin nahiling ko an pagkadaog kan sakong mga kaiwal.

Salmo 58:10

An matanos mag-oogma kun mahiling niya an pagpadusa sa makasalan; mahanaw siya kan saiyang mga bitis sa dugo kan tampalasan.

Salmo 59:10

Huli kan danay na pagkamoot nin Dios, ako saiyang raranihan; tutugotan niyang mahiling ko an pagkadaog kan mga kaiwal.

Salmo 62:8

Sa gabos na panahon, magsarig kamo sa Dios, O sakong banwaan. Isabi nindo saiya an gabos nindong kasakitan, huli ta siya an satong pailihan.

Salmo 7:9

O Dios na matanos, ika na naghuhukom kan samong kaisipan asin kamawotan. Paontoka an karatan kan mga tampalasan; alagad bendisyonan mo an mga banal.

Salmo 86:4

Paogmaha an saimong sorogoon, Kagurangnan, huli ta sa saimo iniitaas ko an sakuyang kalag.

Isaias 37:14

An surat inako ni Hadeng Ezekias sa mga sugo dangan binasa. Pakatapos naglaog siya sa Templo, biniklad idto sa atubangan nin Kagurangnan,

Isaias 38:14

Sadit asin maluya an sakong tingog, asin nag-aguro ako arog sa sarong salampati. Napagal an sakong mga mata sa kahihiling sa langit. Kagurangnan, ligtasan ako sa gabos na kasakitan na ini.

Jeremias 11:20

Dangan namibi ako, “Kagurangnan nin mga hukbo, saro kang matanos na hukom; binabalo mo an puso asin isip nin tawo. Ibinugtak ko an sakong kaso sa saimong kamot; kaya pahilingan sako an pagbalos mo sainda.”

Jeremias 12:8

Nagtumang sako an nasyon na pinili ko; arog sa sarong leon sa kadlagan nginaroban ninda ako, kaya naoongis ako sainda.

Jeremias 17:10

Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

1 Pedro 2:23

Kan pag-olog-ologon siya, dai siya nagbalos; kan pinasakitan siya, dai siya naghoma, kundi nanarig siya sa Dios, an matanos na Hukom.

1 Pedro 4:19

Kaya, an mga nagdudusa sosog sa kabotan nin Dios sainda, dapat maggibo nin matanos asin magdusay kan saindang kalag sa maimbod na Kaglalang.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.

Kapahayagan 6:10

Nagkurahaw sinda, “Mapangyaring Kagurangnan, banal asin totoo! Nuarin mo huhukoman asin papadusahan an mga tawong guminadan samo?”

1 Samuel 1:15

Alagad nagsimbag si Hanna, “Bako man akong burat. Mamondo sana ako nin marahay asin ipinapahayag ko an sakong problema sa Kagurangnan.