Jeremias 2:7 - Marahay na Bareta Biblia

⁷ Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Jeremias 2:7 ပူးပေါင်းရင်းမြစ်များ

Nehemias 9:25

Sinakop kan saimong banwaan an mga pinapusog na syudad, sarong mayaman na daga saka mga harong na pano nin kayamanan, mga bubon na dati nang kinalot, mga olibahan, mga kahoy na namumunga, asin mga ubasan. Nagkarakan sinda kan boot ninda asin sinda, nagtaraba; nag-orogma sinda sa dakulang karahayan na itinao mo sainda.

Nehemias 9:26

“Alagad an saimong banwaan nagrebelde asin dai nagkuyog saimo; nagtalikod sinda sa saimong katogonan. Ginadan ninda an mga propeta na nagpatanid sainda, na nagtaram sainda na dai magtalikod saimo. Dakul na beses sindang naglanghad saimo,

Isaias 19:25

Bebendisyonan sinda nin Kagurangnan nin mga hukbo asin masabi, “Bebendisyonan taka, Egipto, sakong banwaan; ika Asiria, na sakong linalang; asin ika, Israel, na sakong piniling banwaan.”

Jeremias 16:18

Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Jeremias 3:2

Hilinga an alitoktok kan mga bulod. Igwa daw nin lugar duman na dai mo dinigtaan? Naghalat ka nin mga lalaki sa gilid kan tinampo, arog kan Arab na naghihipa nin mga mabibiktima sa kalangtadan. Dinigtaan mo an daga huli kan saimong karigsokan.

Jeremias 3:9

Dai man lamang niya ikinasopog an saiyang gibo. Dinigtaan niya an daga, dangan nagkasala siya nin adulteryo sa pagsamba sa mga gapo asin mga kahoy.

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Jeremias 32:30

Magpoon sa kapinonan pinauyam na ako saka pinaanggot kan mga taga Israel asin taga Juda huli kan saindang mga gibo.

Ezekiel 20:24

huli ta dai ninda kinuyog an sakong mga pagboot; linapas ninda an sakong mga togon asin an Sabbath, saka sinamba ninda an parehong mga dios-dios na pinaglingkodan kan saindang mga ginikanan.

Ezekiel 20:28

Dinara ko sinda sa daga na ipinanuga ko sainda. Kan mahiling ninda an mga halangkaw na bulod asin an mga berdeng kahoy, dinolotan ninda nin sakripisyo an mga ini. Pinaanggot ninda ako huli kan saindang mga tinutong na sakripisyo asin mga dolot na arak.

Ezekiel 20:6

Kan aldaw na idto nanuga ako na iluluwas ko sinda sa Egipto asin dadarahon sa dagang pinili ko para sainda, sarong mayaman na daga, an pinakamarahay sa gabos na daga.

Ezekiel 23:35

Kaya ini an itinataram kan Kagurangnan Dios: “Huli ta nalingawan mo ako asin nagtalikod ka sako, titioson mo an bunga kan saimong kadustaan asin karompotan.”

Ezekiel 36:17

“Aki nin tawo, kan an mga Israelita mag-erok sa sadiri nindang daga, dinigtaan ninda ini sa paagi kan saindang pamumuhay saka mga gibo. An saindang gawe ibinilang kong arog sa pagkani-maati nin sarong babae na nasa panahon nin pagregla.

Oseas 9:3

Dai magdadanay an banwaan nin Israel sa daga nin Kagurangnan, kundi mapipiritan na magbalik sa Egipto asin magkakan kan ipinangalad na kakanon sa Asiria.

Mikas 2:10

Bangon kamo asin lakaw; mayo na nin kaligtasan digdi para sa saindo. Ipinahamak kan saindong mga kasalan an lugar na ini, kaya raraoton ini.

Mga Bilang 13:27

Nagsabi sinda ki Moises, “Siniyasat mi an daga asin nahiling ming matubang idto; uya an mga prutas na kinua mi duman.

Deuteronomio 21:23

dai iyan dapat pagpaagahan. Kaipuhan ilubong an bangkay sa aldaw man sanang iyan, huli ta an bangkay na nabibitay sa kahoy nagdadara sa daga kan maldisyon nin Dios. Ilubong nindo an bangkay tanganing dai madigtaan an daga na itatao saindo nin Kagurangnan na saindong Dios.

Deuteronomio 32:9

Huli ta an kapagarakian ni Jacob saiyang pinili na magin saiyang sadiring kahirasan.

Deuteronomio 6:18

Gibohon nindo an matanos asin an marahay sa atubang nin Kagurangnan tanganing mapakarahay kamo dangan masadirihan nindo an mayaman na daga na ipinanuga nin Kagurangnan sa saindong mga ginikanan,