Jeremias 2:6 - Marahay na Bareta Biblia

⁶ Dai ninda ako nagiromdoman maski ako an nagluwas sainda hale sa Egipto saka nangenot sainda sa kalangtadan: sarong daga nin mga desyerto asin mga kalot, sarong dagang alang saka pano nin pag-alaman, na mayo nin tawong nag-eerok saka nag-aagi.

Jeremias 2:6 ပူးပေါင်းရင်းမြစ်များ

2 Mga Hade 2:14

Pinakol niya an tubig kan alikboy saka nagsabi, “Haen an Kagurangnan, an Dios ni Elias?” Dangan pinakol niya giraray an tubig, asin nabanga ini; naglakaw si Eliseo pasiring sa ibong kan salog.

An Libro ni Job 3:5

Giboha idtong magin sarong aldaw nin kamondoan saka mahibog na kadikloman; tahobi idto nin mga panganoron, asin paraa an aldaw.

An Libro ni Job 35:10

Alagad mayo nin naghahapot, ‘Haen an Dios na sakong Kaglalang, na nagtatao sako nin paglaom sa panahon nin kasakitan,

Salmo 23:4

Maski ako maglakaw sa dalan nin kadikloman, dai ako matatakot, Kagurangnan, huli ta ika sakong kaibahan. An saimong badas asin sugkod iyo sako nag-aataman.

Salmo 77:5

Iniisip-isip ko an nakaaging mga aldaw, naroromdoman ko an nakaaging mga taon.

Exodo 20:2

“Ako an Kagurangnan na saindong Dios na nagdara saindo sa luwas kan daga nin Egipto, sa luwas kan harong nin kaoripnan.

Isaias 63:9

sa saindang kasakitan. Bakong sarong anghel, kundi an Kagurangnan mismo an nagligtas sainda. Sa saiyang pagkamoot saka pagkaherak, tinubos niya sinda. Inataman na niya sinda kaidto pang panahon,

Isaias 64:7

Mayong namimibi saimo; mayong nadolok saimo sa paghagad nin tabang. Tinagoan mo kami asin pinabayaan huli kan samong mga kasalan.

Jeremias 13:16

Omawon nindo an Kagurangnan na saindong Dios, bago niya darahon an kadikloman, asin madapa kamo sa kabubuldan; bago niya gibohon na mahibog na kadikloman an liwanag na saindong pinaglalaoman.

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Jeremias 2:8

An mga padi dai naghapot, ‘Haen an Kagurangnan?’ Dai ako midbid kan sadiri kong mga padi. Nagrebelde sako an mga pamayo; an mga propeta nagpropesiya sa ngaran ni Baal, saka nagsamba sa mga ladawan na mayo nin halaga.

Jeremias 5:12

An Kagurangnan pinagnegaran kan saiyang banwaan. An sabi ninda, “Mayo siya nin gigibohon na ano man. Mayo nin karatan na maabot samo; dai kami magkakaigwa nin gera o gutom.”

Jeremias 5:2

Maski nagsasabi kamo na sinasamba nindo an Kagurangnan, iyan bakong tudok sa saindong puso.

Jeremias 51:43

An mga banwa nagin sarong tanawon na nakakatakot. Garo sinda mga desyertong mayo nin tubig, na mayo nin siisay man na nag-eerok ni nag-aagi.

Oseas 12:13

Nagsugo an Kagurangnan nin sarong propeta tanganing iluwas an banwaan nin Israel sa Egipto asin tanganing atamanon sinda.

Oseas 13:4

Nagsasabi an Kagurangnan, “Ako an Kagurangnan na saindong Dios, na nangenot saindo paluwas sa Egipto. Mayo kamo nin ibang Dios kundi ako sana. Ako sana an saindong paraligtas.

Amos 2:10

Ilinuwas ko kamo hale sa Egipto, pinangenotan sa desyerto sa laog nin kwarentang taon, dangan tinawan kan daga na pagsadiri kan mga Amoreo.

Mateo 4:16

An mga nag-eerok sa kadikloman makakahiling nin dakulang ilaw! An liwanag masirang sa mga nag-eerok sa madiklom na daga nin kagadanan!”

Deuteronomio 1:19

“Sinunod ta an pagboot nin Kagurangnan na satong Dios. Naghale kita sa Bukid nin Sinai asin naglakaw sa mahiwas asin makatakot na desyerto pasiring sa mabulod na daga kan mga Amoreo. Kan nakaabot kita sa Kades-barnea,

Deuteronomio 32:10

“Nakua niya sindang naglalagalag sa desyerto, sarong mapungaw saka madoros na kalangtadan. Ilinigtas niya sinda asin inataman, namotan asin pinadangat nin marahay.

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.

Hukom 6:13

Nagsabi si Gideon, “Kun pwedeng maghapot, kagurangnan, tano ta nangyayari sa samo an gabos na ini kun totoong yaon an Kagurangnan sa samo? Ano na an nangyari sa makangalas na mga bagay na inosip samo kan samong mga magurang manongod sa mga ginibo nin Kagurangnan—kun paano niya sinda ilinigtas sa Egipto? Ngunyan pinabayaan na kami nin Kagurangnan asin itinao sa kamot kan mga Midianita.”