Jeremias 2:37 - Marahay na Bareta Biblia

³⁷ An Egipto babayaan mo na nakaduko an saimong payo huli sa sopog. Ako, an Kagurangnan, an nagsikwal kan mga sinasarigan mo; dai kang papakinabangon sainda.”

Jeremias 2:37 ပူးပေါင်းရင်းမြစ်များ

2 Samuel 11:12

Nagsabi si David, “Kun siring, digdi ka ngona ngunyan na aldaw. Sa aga pababalikon taka sa ralaban.” Kaya nag-ontok si Urias sa Jerusalem kan aldaw na idto asin kan masunod pang aldaw.

2 Samuel 13:19

Nagbugtak siya nin abo sa saiyang payo, ginisi an saiyang halabang gubing, dangan naglakaw na naghihibi mantang tinatahoban kan mga kamot an saiyang lalawogon.

2 Mga Cronica 13:12

An Dios kaibahan mi asin iyo an samong pamayo; andam an saiyang mga padi sa pagpatanog kan mga trompeta tanganing labanan nyamo kamo. Banwaan nin Israel, hare kamo pagtumang sa Kagurangnan, an Dios kan saindong mga ginikanan, huli ta dai kamo manggagana!”

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 28:18

Dangan mawawaraan nin halaga an pakipagtipan nindo sa kagadanan, asin mawawaraan nin halaga an pakipag-oyon nindo sa kinaban kan mga gadan. Pag-agi kan kasakitan, madadaog kamo.

Jeremias 14:3

Sinugo kan mayayaman an saindang mga sorogoon tanganing magharok; nagduman sinda sa mga bubon, alagad mayo sinda nin nakuang tubig; nagbalik sinda na mayo nin laog an mga tapayan. Huli sa kasosopgan saka pagkaribong, tinahoban ninda an saindang mga lalawogon.

Jeremias 14:4

Huli ta dai nag-uuran asin alang na an daga, nagkasoropog an mga paraoma kaya tinahoban ninda an saindang mga lalawogon.

Jeremias 17:5

Nagtataram an Kagurangnan, “Kokondenaron ko an tawong minatalikod sako asin minasarig sa saiyang kapwa, sa kosog nin sarong tawo na magagadanon.

Jeremias 2:36

Hinalean mo nin halaga an saimong sadiri huli sa pagsunod sa mga dios-dios kan ibang mga nasyon. Sosopogon ka kan Egipto, siring kan ginibo saimo kan Asiria.

Jeremias 22:20

Mga taga Jerusalem, dumuman kamo sa Lebanon saka magkurahaw, dumuman kamo sa daga nin Basan saka magtangis; mag-apod kamo hale sa kabukidan nin Moab, huli ta nadaog na an gabos nindong kaalyansa.

Jeremias 22:30

“An tawong ini kinondenar tanganing mawaraan nin mga aki, tanganing magin sarong tawo na dai nanggad mag-uuswag. Dai siya magkakaigwa nin mga kapagarakian na maghahade sa Juda bilang mga kasalihid ni David. Ako, an Kagurangnan an nagtaram.”

Jeremias 32:5

Dadarahon si Zedekias sa Babilonia saka magdadanay duman sagkod na magiromdoman ko siya. Maski pa labanan niya an mga taga Babilonia, dai siya manggagana. Ako, an Kagurangnan, an nagtaram.”

Mga Panambitan 4:17

Nagdiklom na an samong panhiling sa paghanap nin tabang na dai man nag-abot; nagparahalat kami nin tabang hale sa sarong nasyon na mayo man nin ikakatao.

Mga Bilang 14:41

Alagad nagsabi si Moises, “Tadaw ta linalapas nindo ngunyan an pagboot nin Kagurangnan? Mayo nin marahay na mangyayari saindo.