Jeremias 2:36 - Marahay na Bareta Biblia

³⁶ Hinalean mo nin halaga an saimong sadiri huli sa pagsunod sa mga dios-dios kan ibang mga nasyon. Sosopogon ka kan Egipto, siring kan ginibo saimo kan Asiria.

Jeremias 2:36 ပူးပေါင်းရင်းမြစ်များ

2 Mga Cronica 28:16

Kan panahon na iyan, nagsugo si Hadeng Ahaz tanganing maghagad nin tabang sa emperador nin Asiria,

Isaias 20:5

Dangan panruruluyahon saka magkakamurongnan sinda huli ta ibinugtak ninda an saindang paglaom sa Etiopia asin ipinag-orgulyo ninda an Egipto.

Jeremias 2:18

Ano an papakinabangon mo sa pagduman sa Egipto, tanganing mag-inom kan tubig kan Salog nin Nilo? Ano an papakinabangon mo sa pagduman sa Asiria, tanganing mag-inom kan tubig nin Eufrates?

Jeremias 2:23

Paanong nakakasabi ka na dai ka nadigtaan, na dai ka lamang nagsamba ki Baal? Hilinga kun paano ka nagkasala sa kapantayan; hilinga kun ano an saimong ginibo. Garo ka lalaw na babaeng kamelyo na hinahabagat na nagdadalagan sa gabos na direksyon,

Jeremias 2:33

Israel, aram mo kun paano mandagka nin mga ilusyon. Kaya maski an pinakamaraot na babae, pwedeng mag-adal saimo.

Jeremias 22:20

Mga taga Jerusalem, dumuman kamo sa Lebanon saka magkurahaw, dumuman kamo sa daga nin Basan saka magtangis; mag-apod kamo hale sa kabukidan nin Moab, huli ta nadaog na an gabos nindong kaalyansa.

Jeremias 22:22

Ipapalid kan doros an saindong mga lider, bibihagon an saindong mga kaalyansa, mawawaraan nin onra an saindong syudad asin mapapasopog, huli kan gabos na karatan na saindong ginibo.

Jeremias 31:22

Sagkod nuarin ka magduduwa-duwa, banwaan na bakong maimbod? Naglalang ako nin bagong bagay sa ibabaw nin kinaban, siring kabago sa babae na iyo na an nag-iingat sa lalaki.”

Jeremias 37:7

na sabihan si Zedekias nin siring, “Nagdadangadang na an hukbo nin Egipto tanganing tabangan ka, alagad mabalik sinda sa Egipto.

Jeremias 46:12

Nabaretaan kan mga nasyon an kasosopgan mo; nadangog nin lambang saro an saimong kinurahaw. Nabangga kan sarong soldados an kapwa niya soldados, asin sabay sindang natumba.

Mga Panambitan 4:17

Nagdiklom na an samong panhiling sa paghanap nin tabang na dai man nag-abot; nagparahalat kami nin tabang hale sa sarong nasyon na mayo man nin ikakatao.

Mga Panambitan 5:6

Tanganing mabuhay, nakilimos kami nin pagkakan sa Egipto asin sa Asiria.

Ezekiel 16:28

“Huli ta dai ka nakontento sa iba, nakidorog ka man sa mga taga Asiria. Nagin kadorogan ka ninda, alagad dai ka man giraray nakontento sainda.

Ezekiel 29:7

Nabari ka kan kapotan ka ninda dangan natusok an saindang mga yukyuk; nabari ka kan sandigan ka ninda dangan nabari an saindang piad.

Oseas 10:6

Dadarahon iyan sa Asiria bilang buhis sa dakulang emperador. Mapapasopog an Israel huli kan hatol na saiyang sinunod.

Oseas 12:1

An gabos na ginigibo kan banwaan nin Israel poon sa pagkaaga sagkod sa pagkabanggi, mayong halaga asin nakakaraot. An lambang saro sainda orog na nagigin mapasaluib asin madahas; nakikipagtipan sinda sa Asiria asin nakikipagnegosyo sa Egipto.”

Oseas 14:3

Dai nanggad kami ikakaligtas nin Asiria, asin dai man kami matatabangan kan mga kabayong panggera. Dai na nanggad kami masabi sa samong mga dios-dios na sinda an samong Dios. Huli ta sa saimo, Kagurangnan, nakakakua nin pagkaherak an mga ilo.”

Oseas 5:13

“Kan mamatean nin Israel an saiyang helang, asin kan mahiling nin Juda an sadiri niyang mga lugad, nagduman an Israel sa Asiria sa paghahagad nin tabang sa emperador, alagad dai niya kayang paomayan an Israel o bolongon an lugad nin Juda.

Oseas 7:11

Nakakaarog sinda sa sarong salampati, mangmang asin mayong pakasabot; pakatapos na magpatabang sinda sa Egipto, nagduman sinda sa Asiria!