Jeremias 2:27 - Marahay na Bareta Biblia

²⁷ Sosopogon kamo gabos—kamong nagsasabi na sarong kahoy an saindong ama saka sarong gapo an saindong ina. Mangyayari ini huli ta nagtalikod kamo sako embes na magdolok. Alagad kun kamo nasa kasakitan, pinapakiolayan nindo akong magdiyan saka iligtas kamo.

Jeremias 2:27 ပူးပေါင်းရင်းမြစ်များ

2 Mga Cronica 29:6

An satong mga ginikanan dai nagin maimbod asin ginibo ninda an dai nawiwilihan kan Kagurangnan na satuyang Dios. Binayaan ninda siya asin tinalikodan an saiyang erokan.

Isaias 26:16

Pinadusahan mo an saimong banwaan, Kagurangnan, asin namibi sinda saimo sa kahorasaan.

Jeremias 10:8

Gabos sinda mangmang saka lolong. Ano an naaadalan ninda sa kahoy na mga dios?

Jeremias 18:17

Iwawarak ko an sakong banwaan sa atubang kan saindang mga kaiwal, arog sa alpog na ipinapalid kan doros hale sa sirangan. Tatalikodan ko sinda; dai ko sinda tatabangan sa panahon nin saindang kasakitan.”

Jeremias 2:24

na hidali sanang minapasiring sa desyerto. Kun hinahabagat siya, siisay an makakapugol saiya? Dai na magpapagal saiya an lalaking kamelyo huli ta danay siyang andam.

Jeremias 22:23

Matiwasay kamong nagpapahingalo sa tahaw kan mga sedrong hale sa Lebanon; alagad makaheherak kamo kun abotan na kamo nin kulog, kulog na arog kan namamatean nin sarong babaeng nangangaki.

Jeremias 3:9

Dai man lamang niya ikinasopog an saiyang gibo. Dinigtaan niya an daga, dangan nagkasala siya nin adulteryo sa pagsamba sa mga gapo asin mga kahoy.

Jeremias 30:7

Makatatakot an aldaw na iyan. Mayo iyan nin kaarog; panahon iyan nin kahaditan para sa sakong banwaan, alagad makakaligtas sinda diyan.”

Jeremias 32:33

Tinalikodan ninda ako asin maski padagos ko sindang tinutukdoan, dai sinda naghinanyog saka nag-adal.

Jeremias 37:3

Sinugo ni Hadeng Zedekias si Jehucal na aking lalaki ni Selemias, asin an padi na si Sofonias, na aking lalaki ni Maaseias, tanganing pakiolayan ako na ipamibi sa Kagurangnan na samong Dios an samong nasyon.

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Ezekiel 23:35

Kaya ini an itinataram kan Kagurangnan Dios: “Huli ta nalingawan mo ako asin nagtalikod ka sako, titioson mo an bunga kan saimong kadustaan asin karompotan.”

Ezekiel 8:16

Kaya dinara niya ako sa patyong nasa laog kan Templo, asin duman sa may pintoan kan santwaryo, sa pagultanan kan patyo asin kan altar, igwa nin beynte y singkong lalaki. Nakatalikod sinda sa santwaryo, asin nakahampang sa sirangan, nagduduko sa pagsamba sa nagsisirang na aldaw.

Daniel 9:7

Ika, Kagurangnan, danay na naggigibo kan tama, alagad danay ming dinadarahan nin kasosopgan an samong sadiri sagkod ngunyan; nangyari ini samo na nag-eerok sa Juda asin sa Jerusalem patin sa gabos na Israelita na saimong iwinarak sa mga harani saka harayong mga daga huli ta bako sindang maimbod saimo.

Oseas 4:12

Minahagad sinda nin kapahayagan sa sarong pedasong kahoy! An sarong sanga an nagsasabi sainda kan boot nindang maaraman! Tinalikodan na ninda ako. Siring sa sarong babae na nagin maraot, idinusay na ninda an saindang sadiri sa mga dios-dios.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Oseas 7:14

Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!