Jeremias 2:20 - Marahay na Bareta Biblia

²⁰ Nagsasabi an Kagurangnan na Makakamhan, “Israel, haloy mo nang isinikwal an kapangyarihan ko; habo mo akong kuyogon saka sambahon. sa ibabaw nin lambang halangkaw na bulod asin sa lindong nin lambang berdeng kahoy nagsamba ka arog sa sarong babaeng maraot.

Jeremias 2:20 ပူးပေါင်းရင်းမြစ်များ

1 Mga Hade 12:32

Nagselebrar man si Jeroboam nin sarong pyesta kan ikakinseng aldaw kan ikawalong bulan, siring kan pyesta sa Juda. Sa ibabaw kan altar duman sa Betel, nagdolot siya nin mga sakripisyo sa mga bulawan na baka na saiyang ginibo. Ibinugtak niya sa Betel an mga padi na naglilingkod sa mga altar na pagsasambahan na saiyang ginibo.

1 Mga Hade 14:23

Nagtugdok sinda nin mga altar para sa saindang mga dios-dios, asin nagpatindog nin mga harigi saka mga simbolo ni Asera sa ibabaw kan mga bulod saka sa limpoy nin mga kahoy.

Salmo 107:14

Hinawas niya sinda sa kamondoan asin kadikloman, saka pinaratod an saindang mga kadena.

Salmo 2:3

Olay ninda, “Putolon ta an gapos ninda sato, haleon ta an sakal na ibinugtak sato.”

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Exodo 19:8

Sarabay na nagsimbag an mga tawo, “Gigibohon mi an gabos na itinaram nin Kagurangnan,” asin ibinareta ni Moises sa Kagurangnan an simbag kan mga tawo.

Exodo 24:3

Nagduman si Moises sa mga tawo asin ipinahayag sainda an gabos na togon saka mga pagboot nin Kagurangnan. Sarabay na nagsimbag an mga tawo, “Gigibohon mi an gabos na itinaram nin Kagurangnan.”

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Isaias 1:21

Paano nagin arog sa maraot na babae an maimbod na syudad, na pano kaidto nin katanosan? Kaidto nag-erok saiya an mga matanos, alagad ngunyan mga paragadan an yaon diyan.

Isaias 10:27

Pag-abot kan aldaw na iyan, tatalingkasan ko kamo sa kapangyarihan nin Asiria, asin dai na kamo magagabatan kan sakal na ibinugtak ninda sa abaga nindo.”

Isaias 14:25

Tutunawon ko an mga taga Asiria na nasa sakong daga nin Israel, asin titimaktimakan ko sinda sa sakong kabukidan. Tatalingkasan ko an sakong banwaan sa sakal kan mga taga Asiria asin sa saindang mga magabat na pasan.

Isaias 9:4

Huli ta saimong binari an sakal na nakakapagabat sainda asin an sugkod na ipinapakol sa saindang mga abaga. Dinaog mo an nasyon na nag-api asin nandaya kan saimong banwaan, siring na dinaog mo kaidto an hukbo nin Midian.

Jeremias 13:27

Nahiling niya na ginigibo mo an mga bagay na kinakaongisan niya. Nahiling niya na nagduduman ka sa kabubuldan asin sa kaomahan sa pagsunod sa mga paganong dios-dios, arog sa sarong lalaki na nagmamawot sa agom kan saiyang kapwa, patin arog sa sarong lalaking kabayo na naghihirihiri kun nahihiling an babaeng kabayo. Herak man saimo, Jerusalem! Nuarin ka magigin malinig nanggad?

Jeremias 17:2

Ginigiromdom kan saindong mga aki an mga altar asin an mga tanda na pinatindog para sa diosang si Asera, sa kataed nin lambang berdeng kahoy, asin sa ibabaw nin haralangkaw na bulod,

Jeremias 2:31

Banwaan nin Israel, hinanyoga an sakong tataramon. Nagin daw ako siring sa sarong desyerto sa saindo, siring sa dagang madiklom saka pano nin pag-alaman? Tadaw ta nagsasabi kamo na gigibohon nindo an saindong mawilihan, na dai na kamo mabalik sako?

Jeremias 3:13

Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Jeremias 30:8

Nagsasabi an Kagurangnan nin mga hukbo, “Pag-abot kan aldaw na iyan, babarion ko an sakal na yaon sa saindang loong asin hahaleon ko an saindang kadena; dai na sinda magigin oripon kan mga dayuhan.

Jeremias 5:5

Maduman ako sa darakulang tawo, saka makikipag-olay sainda. Huli ta naaaraman ninda an kahagadan nin Kagurangnan, an boot saindang ipagibo nin Kagurangnan.” Alagad gabos man sinda nagsikwal kan kapangyarihan nin Kagurangnan asin habo nindang magkuyog saiya.

Ezekiel 16:28

“Huli ta dai ka nakontento sa iba, nakidorog ka man sa mga taga Asiria. Nagin kadorogan ka ninda, alagad dai ka man giraray nakontento sainda.

Ezekiel 16:31

Sa gilid nin lambang dalan nagtugdok ka nin mga lugar na pagsasambahan sa mga dios-dios asin mga lugar nin pagdodorogan. Alagad iba ka man sa ordinaryong maraot na babae huli ta nakikidorog ka bakong huli sa kwarta.

Ezekiel 16:41

Susuloon ninda an saimong mga harong asin papadusahan ka ninda sa atubang nin dakul na babae. Oontokon ko an saimong pagigin maraot na babae asin an pagtao mo nin mga regalo sa mga kadorogan mo.

Ezekiel 20:28

Dinara ko sinda sa daga na ipinanuga ko sainda. Kan mahiling ninda an mga halangkaw na bulod asin an mga berdeng kahoy, dinolotan ninda nin sakripisyo an mga ini. Pinaanggot ninda ako huli kan saindang mga tinutong na sakripisyo asin mga dolot na arak.

Ezekiel 23:5

Maski agom ko na si Ohola, nagpadagos pa siya sa pakidorog sa ibang lalaki asin napano siya nin marompot na kamawotan para sa mga namomoot saiya na mga taga Asiria.

Oseas 1:2

Kan an Kagurangnan enot na magtaram sa Israel sa paagi ni Oseas, sinabihan niya ini, “Lakaw dangan mag-agom ka; an agom mo magigin bakong maimbod saimo, asin an mga aki mo magigin arog man saiya. Sa parehong paagi binayaan ako kan sakong banwaan asin dai sinda nagin maimbod sako.”

Oseas 3:3

Sinabihan ko siya na sa halawig na panahon kaipuhan maglingkod siya sako saka dai dapat magin sarong maraot na babae, o makidorog sa ibang lalaki, dangan sa panahon man na iyan paglilingkodan ko siya.

Oseas 4:13

Nagdodolot sinda nin mga sakripisyo sa sagradong mga lugar sa ibabaw nin kabukidan, asin nagsusulo sinda nin insenso sa lindong nin mga haralangkaw saka marambong na mga kahoy sa kabubuldan, huli ta marahay an lindong duman! “Huli kaini, naglilingkod bilang mga maraot na babae an saindong mga aking babae, asin nagpapasambay an saindong mga manugang na babae.

Oseas 9:1

Banwaan nin Israel, ontoka an sa paganong pagselebrar nindo kan saindong pyesta. Tinalikodan nindo an saindong Dios asin dai kamo nagin maimbod saiya. Nakalakop kamo sa daga sa pagpabakal kan saindong sadiri sa dios na si Baal; arog kamo sa mga maraot na babae asin namotan nindo an trigo na sa paghona nindo ibinayad niya saindo!

Levitico 26:13

Ako an Kagurangnan na saindong Dios, na nagkua saindo hale sa Egipto tanganing dai na kamo magin mga oripon. Binari ko na an saindong sakal asin pinalakaw ko kamo na daing sukat ikasopog.”

Nahum 1:13

Babarion ko na an sakal na ibinugtak saimo kan Asiria asin puputolon ko na an kadenang iginapos saimo.”

Deuteronomio 12:2

Sa daga na saindong sasakopon, gabaon nindo an gabos na lugar na pinagsasambahan kan mga tawo sa saindang mga dios-dios: sa kabukidan, sa kabubuldan asin sa lindong nin mga kahoy.

Deuteronomio 15:15

Giromdoma nindo na mga oripon man kamo kaidto duman sa Egipto, asin tinalingkasan kamo nin Kagurangnan na saindong Dios; kaya ngunyan itinatao ko saindo ining pagboot.

Deuteronomio 26:17

Ngunyan na aldaw, ipinahayag nindo na an Kagurangnan iyo an saindong Dios; nanuga kamo na kukuyogon nindo siya, na ootobon an gabos niyang togon, asin na gigibohon an gabos niyang pagboot.

Deuteronomio 4:20

Alagad kamo an banwaan na ilinigtas niya sa Egipto, an nagkakalayong horno, tanganing gibohon niyang sadiring banwaan, na iyo kamo ngunyan.

Deuteronomio 4:34

Igwa daw nin dios na nangahas na magduman asin magkua nin sarong banwaan hale sa ibang nasyon dangan gibohon na saiyang sadiri, arog kan ginibo saindo nin Kagurangnan na saindong Dios duman sa Egipto? Sa atubang nindo, ginamit niya an saiyang kosog asin kapangyarihan huli sa mga helang saka gera, sa mga tanda sagkod ngangalasan patin sa mga mangirhat na bagay.

Deuteronomio 5:27

Magduman ka, Moises, asin dangogon mo an gabos na itataram nin Kagurangnan na satuyang Dios; dangan magbalik ka asin iosip mo samo an saiyang itinaram. An gabos samuyang dadangogon asin kukuyogon.’

Josue 1:16

Nagsimbag sinda ki Josue, “Gigibohon mi an gabos na ipinagboot mo samo asin maduman kami saen mo man kami sugoon.

Josue 24:24

Nagsimbag giraray saiya an mga tawo, “Maglilingkod kami sa Kagurangnan na samong Dios. Kukuyogon mi an saiyang mga pagboot.”

Josue 24:26

Isinurat ni Josue an mga togon na ini sa libro kan mga Togon nin Dios. Dangan nagkua siya nin sarong dakulang gapo asin pinatindog niya sa lindong kan kahoy na hamurawon na nasa santwaryo nin Kagurangnan.

Kapahayagan 17:1

Dangan nagdolok sako an saro kan pitong anghel na may pitong mangko asin nagsabi, “Madya, ipapahiling ko saimo an padusa kan pinakamaraot na babae—an dakulang syudad na nakatugdok harani sa dakul na salog.

Hukom 10:6

Nagkasala giraray sa Kagurangnan an mga Israelita. Nagsaramba sinda sa mga Baal asin sa mga Astarte, patin sa mga dios-dios kan Siria, Sidon, Moab, Ammon asin Filistia. Binayaan ninda an Kagurangnan asin dai na nagsamba saiya.

Hukom 2:11

Dangan nagkasala sa Kagurangnan an banwaan nin Israel asin nagpoon sindang magsamba sa mga Baal.

Hukom 2:13

Nag-ontok sinda sa pagsamba sa Kagurangnan asin naglingkod sa mga Baal sagkod sa mga Astarte.

1 Samuel 12:10

Dangan nag-agrangay sinda sa Kagurangnan tanganing tabangan; olay ninda, ‘Nagkasala kami, Kagurangnan, huli ta nagtalikod kami saimo asin nagsamba sa mga ladawan ni Baal saka ni Astarte. Ligtasan kami sa samong mga kaiwal asin sasambahon mi ika.’