Jeremias 2:18 - Marahay na Bareta Biblia

¹⁸ Ano an papakinabangon mo sa pagduman sa Egipto, tanganing mag-inom kan tubig kan Salog nin Nilo? Ano an papakinabangon mo sa pagduman sa Asiria, tanganing mag-inom kan tubig nin Eufrates?

Jeremias 2:18 ပူးပေါင်းရင်းမြစ်များ

2 Mga Cronica 28:16

Kan panahon na iyan, nagsugo si Hadeng Ahaz tanganing maghagad nin tabang sa emperador nin Asiria,

Isaias 23:3

sa ibong kan dagat sa pagbakal nin trigo na itinanom sa Egipto asin sa pakipagnegosyo sa gabos na nasyon.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 7:20

“Pag-abot kan panahon na iyan, matandan an Kagurangnan nin sarong barberong hale sa ibong kan Salog nin Eufrates—an hade nin Asiria—asin aarison niya an saindong barabas sagkod an buhok sa saindong payo saka hawak.

Jeremias 2:36

Hinalean mo nin halaga an saimong sadiri huli sa pagsunod sa mga dios-dios kan ibang mga nasyon. Sosopogon ka kan Egipto, siring kan ginibo saimo kan Asiria.

Jeremias 31:22

Sagkod nuarin ka magduduwa-duwa, banwaan na bakong maimbod? Naglalang ako nin bagong bagay sa ibabaw nin kinaban, siring kabago sa babae na iyo na an nag-iingat sa lalaki.”

Mga Panambitan 4:17

Nagdiklom na an samong panhiling sa paghanap nin tabang na dai man nag-abot; nagparahalat kami nin tabang hale sa sarong nasyon na mayo man nin ikakatao.

Mga Panambitan 5:6

Tanganing mabuhay, nakilimos kami nin pagkakan sa Egipto asin sa Asiria.

Ezekiel 16:28

“Huli ta dai ka nakontento sa iba, nakidorog ka man sa mga taga Asiria. Nagin kadorogan ka ninda, alagad dai ka man giraray nakontento sainda.

Ezekiel 17:15

Alagad nagrebelde saiya an hade nin Juda asin nagpadara nin mga sugo sa Egipto tanganing magkua nin mga kabayo asin nin sarong dakulang hukbo. Manggana daw siya? Makakaligtas daw an naggibo kaiyan? Pwede daw niyang salungaton an tipan asin makaligtas sa padusa?

Ezekiel 23:30

iyo an nagdara saimo kaini. Saro kang maraot na babae para sa mga nasyon asin dinigtaan mo an saimong sadiri huli kan saindang mga dios-dios.

Oseas 5:13

“Kan mamatean nin Israel an saiyang helang, asin kan mahiling nin Juda an sadiri niyang mga lugad, nagduman an Israel sa Asiria sa paghahagad nin tabang sa emperador, alagad dai niya kayang paomayan an Israel o bolongon an lugad nin Juda.

Oseas 7:11

Nakakaarog sinda sa sarong salampati, mangmang asin mayong pakasabot; pakatapos na magpatabang sinda sa Egipto, nagduman sinda sa Asiria!

Josue 13:3

siring man an bilog na teritoryo nin Avvim sa parteng habagat. (An daga poon sa sapa nin Sihor, sa pagdolonan nin Egipto, sagkod sa pagdolonan nin Ekron sa parteng amihan ibinilang na sadiri kan mga Cananeo; an mga hade kan mga Filisteo nag-eerok sa Gaza, Asdod, Askelon, Gat, saka Ekron.)