Jeremias 2:14 - Marahay na Bareta Biblia

¹⁴ “Bakong oripon an Israel; dai siya namundag sa kaoripnan. Alagad tadaw ta linalamag siya kan saiyang mga kaiwal?

Jeremias 2:14 ပူးပေါင်းရင်းမြစ်များ

Genesis 15:3

Dai mo ako tinawan nin aki, asin sarong oripon na namundag sa sakong harong an sakong magigin eredero.”

Exodo 12:49

Sakop kan mga pagboot na ini an gabos na Israelita asin an mga dayuhan na nakikihimanwa saindo.”

Exodo 4:22

Kaya sabihan mo siyang ako, an Kagurangnan, nagtaram kaini, ‘An Israel iyo an matua kong aking lalaki.

Parahulit 2:7

Nagbakal ako nin mga oripon na lalaki saka babae, asin igwa nin mga oripon na namundag sa laog kan sakong harong. Nasadirihan ko an dakul na hayop, na mas dakul ki sa mga pagsadiri kan mga naenot sa sakong naghade sa Jerusalem.

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Jeremias 17:4

Mapipiritan kamong isuko an daga na itinao ko saindo, asin papalingkodon ko kamo sa mga kaiwal nindo sa sarong daga na dai nindo aram, huli ta an sakong kaanggotan arog sa kalayo, asin maglalaad iyan sagkod lamang.”

Jeremias 5:19

Kun sinda maghapot saimo, Jeremias, kun tadaw ta ginibo ko an gabos na ini, sabihan mo sinda na siring na tinalikodan ninda ako dangan naglingkod sa mga dayuhan na mga dios sa sadiri nindang daga, maglilingkod man sinda sa mga dayuhan sa sarong daga na bako nindang sadiri.”