Jeremias 2:11 - Marahay na Bareta Biblia

¹¹ Igwa daw nin nasyon na nagribay kan saiyang mga dios-dios, maski ngani an mga iyan bakong tunay? Alagad rinibayan ako kan sakong banwaan, ako na nagtao sainda nin kaomawan, irinibay sako an mga dios-dios na dai makakatabang sainda.

Jeremias 2:11 ပူးပေါင်းရင်းမြစ်များ

1 Mga Hade 11:33

Gigibohon ko ini huli ta isinikwal ako ni Solomon asin nagsamba siya sa mga dayuhan na dios: ki Astarte, an diosa nin Sidon; ki Kemos, an dios nin Moab; asin ki Molek, an dios nin Ammon. Tinalikodan ako ni Solomon; nagkasala siya asin dai niya inotob an sakong mga togon saka mga pagboot, bakong arog kan gibo kan saiyang ama na si David.

2 Mga Hade 1:3

Alagad pinagbotan kan anghel nin Kagurangnan an propetang si Elias na taga Tisbe, na sabaton an mga sugo kan hade nin Samaria dangan hapoton, “Tadaw ta mahapot kamo ki Baal-zebub, an dios nin Ekron? Sa paghona nindo, mayo nin dios sa Israel?

2 Mga Cronica 13:9

Pinahale nindo an mga padi nin Kagurangnan, an kapagarakian ni Aaron, saka an mga Levita dangan nagbugtak kamo nin mga padi arog kan ginibo kan ibang mga nasyon. An siisay man na magdolok na may darang ogbon na baka o pitong karnero, pwedeng konsagrahon bilang padi kan inaapod nindong mga dios-dios.

Salmo 106:20

Ladawan nin baka na doot an kinakakan an isinangle ninda sa kamurawayan nin Dios.

Salmo 115:4

An mga dios-dios ninda plata asin bulawan; gibo kan mga kamot nin katawohan.

Salmo 3:3

Alagad ika, Kagurangnan, an sakong kalasag; sakuyang kamurawayan asin kagtao nin kosog.

Isaias 37:19

Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Jeremias 16:20

Makakagibo daw an tawo nin sadiri niyang mga dios? Dai! Kun gumibo siya, an mga iyan dai pwedeng magin totoong dios.”

Jeremias 18:13

Nagtataram an Kagurangnan, “Hapoton mo an lambang nasyon kun may nangyari nang siring kaini kaidto. An banwaan nin Israel guminibo nin sarong mangirhat na bagay!

Jeremias 2:5

Ini an sinasabi nin Kagurangnan: “Anong karatan an nakua sako kan saindong mga ginikanan ta sinda nagharayo sako? Nagsamba sinda sa mga ladawan na mayo nin halaga kaya sinda nagin mayo na man nin halaga.

Jeremias 2:8

An mga padi dai naghapot, ‘Haen an Kagurangnan?’ Dai ako midbid kan sadiri kong mga padi. Nagrebelde sako an mga pamayo; an mga propeta nagpropesiya sa ngaran ni Baal, saka nagsamba sa mga ladawan na mayo nin halaga.

Jeremias 5:7

Naghapot an Kagurangnan, “Tadaw ta papatawadon ko an kasalan kan sakong banwaan? Binayaan ninda ako asin nagsamba sinda sa mga dios na bako man totoong dios. Pinakakan ko an sakong banwaan sagkod na sinda nabasog, alagad nakidorog sinda sa bako nindang agom saka sinayang ninda an saindang panahon sa mga babaeng maraot.

Ezekiel 14:5

Pinaharayo sa sako kan mga dios-dios na iyan an mga Israelita, alagad huli kan sakong simbag, linalaom kong magigin maimbod giraray sinda sako.

Ezekiel 5:7

Kaya dangoga, O Jerusalem, an itinataram ko, an Kagurangnan Dios: Huli ta isinikwal mo an sakong mga togon asin dai mo kinuyog an sakong mga pagboot, nagin mas maribok ka ki sa mga nasyon sa palibot mo. Sinunod mo an mga kaugalean kan ibang mga nasyon.

Mikas 4:5

An lambang nasyon nagsasamba saka nagkukuyog kan sadiri nindang dios, alagad sasambahon asin kukuyogon mi an Kagurangnan na samong Dios sagkod lamang.

Roma 1:23

Tinalikodan ninda an Dios na mayong kagadanan; an sinamba ninda iyo an mga ginibong ladawan na kabaing sa mga tawo o mga gamgam o mga hayop na apat an bitis asin mga hayop na nagkakamang.

1 Corinto 8:4

Kun siring, ini an masasabi ko dapit sa pagkakan na idinolot sa mga dios-dios: aram nyato na an mga dios-dios minarepresentar sa mga mayo nin buhay; aram nyato na saro sana an Dios.

Galacia 4:8

Kaidto na bako pa nindo midbid an Dios, oripon kamo kan mga espiritu na bakong hale sa Dios.

Deuteronomio 32:16

Pinapag-imon ninda an Kagurangnan kan saindang pagsamba sa mga dios-dios; pinaanggot siya ninda kan saindang marigsok na mga gibo.

Deuteronomio 32:21

Pinaimon ninda ako kan saindang mga dios-dios, pinaanggot kan inaapod nindang mga dios-dios. Kaya papaimonon ko sinda asin papaanggoton, huli sa sarong lolong na nasyon.

Deuteronomio 33:29

Paladan ka, O Israel! Mayo nin arog saimo, banwaan na ilinigtas nin Kagurangnan. Siya iyo an kalasag kan saimong tabang, an saimong espada nin kapangganahan. Madolok asin makikimaherak saimo an mga kaiwal, alagad sinda saimong titimaktimakan.

1 Pedro 1:18

Aram nindo kun ano an itinubos saindo tanganing makalda kamo sa mayong pakinabang nindong pamumuhay, na minana pa nindo sa saindong mga ginikanan. An itinubos saindo bakong sarong bagay na nawawara, arog kan plata o bulawan,

1 Samuel 4:21

An aki nginaranan niyang Ikabod na an olay, “Naghale na an kamurawayan nin Dios sa Israel!” huli ta nabihag an Kaban nin Dios asin nagadan an saiyang panugangan saka an saiyang agom.