Jeremias 19:7 - Marahay na Bareta Biblia

⁷ Sa lugar na ini hahalean ko nin halaga an mga plano kan mga taga Juda saka mga taga Jerusalem. Ipapadaog ko sinda asin ipapagadan sa saindang mga kaiwal. An saindang mga bangkay itatao ko sa mga gamgam saka sa mga lalaw na hayop bilang kakanon.

Jeremias 19:7 ပူးပေါင်းရင်းမြစ်များ

2 Mga Hade 21:14

Papabayaan ko an kadikit na matadang buhay, asin itatao ko sinda sa saindang mga kaiwal, na masakop sainda saka masamsam kan saindang daga.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 29:14

Kaya uya, magibo giraray ako nin makangangalas na mga bagay sa banwaan na ini. An saindang mga madonong mahahayag na mga lolong, asin an bilog nindang katusohan mawawaraan nin halaga.”

Isaias 8:10

Maggibo kamo nin mga plano! Alagad dai mangyayari an mga iyan. Mag-orolay kamo sagkod na boot nindo! Alagad an gabos mayo nin halaga, huli ta an Dios nasa sato.

Jeremias 15:2

Kun hapoton ka ninda kun saen sinda dapat mapaduman, sabihan mo sinda na nagtaram akong: An iba sainda itinalaan nang magadan sa helang— iyan an saindang padudumanan! An iba sainda itinalaan nang magadan sa gera— iyan an saindang padudumanan! An iba sainda itinalaan nang magadan sa gutom— iyan an saindang padudumanan! An iba sainda itinalaan sa pagkabihag— iyan an saindang padudumanan!

Jeremias 15:9

Nanluya an ina na nawaraan nin pitong aki asin nadismayo siya. Nagin madiklom para saiya an liwanag; sinopog siya asin hinalean nin onra. Tutugotan ko an saindong mga kaiwal na gadanon an natatadang buhay pa saindo. Ako, an Kagurangnan, an nagtaram.”

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 18:21

Alagad ngunyan, Kagurangnan, pabayaan mong magadan sa gutom an saindang mga aki; magadan logod sinda sa gera. Pabayaan mong mawaraan nin agom saka mga aki an mga babae; magadan logod sa helang an mga lalaki saka magadan sa gera an mga hoben nindang lalaki.

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 22:19

Arog kan paglubong sa asno an gigibohon na paglubong saiya; guguyodon siya sa harayo saka itatapok sa luwas kan mga trangkahan nin Jerusalem.”

Jeremias 22:25

Itatao taka sa mga tawong kinakatakotan mo, sa mga tawong boot gumadan saimo. Itatao taka ki Hadeng Nebukadnezzar nin Babilonia asin sa saiyang mga soldados.

Jeremias 32:28

Itatao ko an syudad na ini ki Hadeng Nebukadnezzar nin Babilonia saka sa saiyang hukbo; sasakopon ninda ini

Jeremias 34:20

Itatao ko sinda sa mga kaiwal ninda, na boot gumadan sainda, asin an bangkay ninda kakakanon kan mga gamgam asin kan mga lalaw na hayop.

Jeremias 46:26

dangan itatao ko sinda sa mga tawong boot gumadan sainda, ki Hadeng Nebukadnezzar nin Babilonia saka sa saiyang hukbo. Pakatapos, mag-eerok giraray sa Egipto an mga tawo arog kan ginibo ninda kaidtong panahon. Ako, an Kagurangnan, an nagtaram.

Jeremias 7:33

An mga bangkay magigin pagkakan kan mga gamgam saka mga lalaw na hayop; mayo nin mabugaw sainda.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Jeremias 8:8

Paano nindo nasasabi na madonong kamo saka naaaraman nindo an mga katogonan ko? Alagad an mga togon binago kan mga madayang eskriba.

Jeremias 8:9

Napapasopog an mga madonong nindang tawo; nariribong sinda saka nasisiod. Isinikwal ninda an mga tataramon ko; anong kadonongan an yaon pa sainda ngunyan?

Mga Panambitan 3:37

Mayo nin siisay man na nakapagboot asin nakagibo nin anoman kun bakong huli sa kabotan nin Kagurangnan.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Levitico 26:25

Dadarahan ko kamo nin gera huli sa pagtalikod nindo sa satong tipan, asin kun magdurulag kamo pasiring sa saindong mga syudad, papadarahan ko kamo nin mga helang na mayong karahayan, dangan mapipiritan kamong magsuko sa saindong mga kaiwal.

Roma 3:31

Isinisikwal ta na daw an Katogonan huli sa pagtubod na ini? Dai; kundi pinapakosog ta iyan.

Roma 4:14

Kun an mga nag-ootob kan Katogonan iyo an tatawan nin pamana, mayo nin pakinabang an pagtubod nin tawo asin mayo nin halaga an panuga nin Dios.

1 Samuel 17:46

Ngunyan man sanang aldaw, itatao ka nin Kagurangnan sa sakong kamot; dadaogon taka asin pupugoton ko an saimong payo. Itatao ko sa mga gamgam asin sa mga hayop an mga bangkay kan mga Filisteong soldados. Dangan maaaraman kan bilog na daga na igwa nin sarong Dios an Israel.