Jeremias 19:3 - Marahay na Bareta Biblia

³ Tinaraman niya ako na magsabi, “Hinanyoga nindo, mga hade nin Juda asin mga taga Jerusalem, an sasabihon ko, an Kagurangnan nin mga hukbo, an Dios nin Israel. Dadarahan ko nin kasakitan an lugar na ini, asin mabibigla an gabos na makakadangog kaini.

Jeremias 19:3 ပူးပေါင်းရင်းမြစ်များ

Salmo 102:15

An mga nasyon matatakot sa ngaran nin Kagurangnan; an mga hade sa daga matatakot sa saiyang kamurawayan.

Salmo 110:5

Yaon sa too mo an Kagurangnan; an mga hade dadaogon niya, kun siya maanggot.

Salmo 2:10

Kaya, mga hade, hinanyoga nindo an patanid na ini; kamong mga pamayo nin kinaban, horophoropa an katukdoan na ini:

Isaias 28:19

Titioson nindo iyan aldaw-banggi. An lambang bagong mensaheng hale sa Dios magdadara saindo nin bagong kahandalan!

Jeremias 13:18

Tinaraman ako nin Kagurangnan, “Sabihan mo an hade asin an saiyang ina na bumaba sa saindang trono, huli ta nahale na sa saindang payo an magagayon nindang korona.

Jeremias 17:20

Sabihan mo an mga hade, an gabos na taga Juda asin an lambang nag-eerok sa Jerusalem, saka an naglalaog sa mga trangkahan na ini, na hinanyogon an sasabihon ko.

Jeremias 18:11

Kaya ngunyan, sabihan mo an mga taga Juda asin mga taga Jerusalem na igwa ako nin pinaplano laban sainda asin nag-aandam akong padusahan sinda. Sabihan mo sinda na ontokon na ninda an maraot nindang pamumuhay—na bagohon na ninda an saindang mga gawe asin an saindang mga ginigibo.

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 25:29

Popoonan ko an pagraot sa sadiri kong syudad. Naghohona daw sinda na dai sinda mapapadusahan? Papadusahan sinda huli ta mapadara ako nin gera sa gabos na tawo sa kinaban. Ako, an Kagurangnan nin mga hukbo, an nagtaram.

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Jeremias 44:3

huli ta naggibo nin karatan an mga nag-eerok duman saka pinaanggot ninda ako. Nagdolot sinda nin insenso saka naglingkod sa mga dios-dios na dai ninda midbid, dangan dai man nindo midbid ni kan saindong mga ginikanan.

Jeremias 6:19

Paghinanyog, kinaban! An mga tawong ini dadarahan ko nin karatan, na bunga kan saindang mga plano; huli ta dai ninda dinangog an sakong mga tataramon asin isinikwal ninda an sakong katogonan.

Ezekiel 7:5

Iyo ini an tataramon nin Kagurangnan Dios: “Sunod-sunod na kasakitan an maabot saimo.

Mateo 10:18

Iaatubang kamo sa mga gobernador asin sa mga hade dahel sako; sa paaging ini makakapagpatotoo kamo dapit kan Marahay na Bareta sa atubang ninda asin kan mga pagano.

Kapahayagan 2:29

“An may talinga, magdangog sa mga sinasabi kan Espiritu sa mga simbahan!

1 Samuel 3:11

Tinaraman nin Kagurangnan si Samuel, “Maabot an panahon na gigibohon ko an sarong bagay sa Israel; sarong bagay na makakatakot kaya mabibigla an siisay man na makadangog.