Jeremias 19:11 - Marahay na Bareta Biblia

¹¹ asin sabihan sinda na nagtaram an Kagurangnan nin mga hukbo, “Papasaon ko an mga tawo saka an syudad na ini, asin makakaarog sinda sa pasang tapayan na ini na dai na mabibilog giraray. An mga gadan ilulubong maski sa Tofet huli ta mayo na nin ibang lugar na pwedeng paglubongan sinda.

Jeremias 19:11 ပူးပေါင်းရင်းမြစ်များ

Salmo 2:9

Babarion mo sinda sa paagi nin sarong sugkod na lansang; roronoton mo sinda siring sa sarong koron.”

Mga Talinhaga 6:15

Huli kaini, biglang maabot saiya an kapahamakan, asin an lugad na makukua niya dai nanggad mabobolong.

Isaias 30:14

Mapapasa kamo arog sa sarong koron saka magkakaroronot, kaya mayo nin makukuang dakulang pedaso na magagamit sa pagkua nin baga, o sa pagsadok nin tubig hale sa tapayan.”

Jeremias 13:14

Dangan pagtatarangkoon ko sinda na garo mga tapayan sagkod na maronot sinda gabos, gurang man o aki. Dai ako maheherak sainda maski kadikit.”

Jeremias 19:12

Ako nanunuga na iaarog ko sa Tofet an syudad na ini asin an mga nag-eerok digdi.

Jeremias 19:6

Kaya maabot an panahon na dai na aapodon Tofet o Kapantayan nin Hinnom an lugar na ini. Embes kaiyan, aapodon ining Kapantayan na Pinaggagadanan.

Jeremias 25:34

Maghaya kamo mga lider asin magtangis kamo nin makosog, kamong mga pastor kan sakong banwaan! Magmondo kamo saka magligid sa abo. Nag-abot na an aldaw nin paggadan saka pagwarak, asin bubunoon kamo arog sa mga lalaking karnero.

Jeremias 48:38

Sa lambang atop nin harong sa Moab asin sa gabos na plasa, mayo nin madadangog kundi an panambitan, huli ta pinasa ko an Moab arog sa sarong tapayan na mayo nin nagkakagusto.

Jeremias 51:63

Seraias, pakabasa mo kan librong ini, igakod mo sa sarong gapo, dangan itapok mo sa Salog nin Eufrates

Mga Panambitan 4:2

Kaidto mahalaga samo siring sa bulawan an mga aking lalaki nin Sion, alagad ngunyan siring na sana sinda sa dalipay na mga koron.

Mga Gibo 21:11

Nagdolok siya samo, kinua niya an hagkos ni Pablo saka ginapos kaiyan an sadiri niyang mga bitis saka mga kamot dangan nagsabi, “An Espiritu Santo nagsabi na an kagsadiri kan hagkos na ini gagaposon na arog kaini kan mga Judio duman sa Jerusalem, asin itatao sa mga pagano.”