Jeremias 18:7 - Marahay na Bareta Biblia

⁷ Kun nagtaram ako sa sarong panahon na sakong gagaboton, ibabagsak o raraoton an arin man na nasyon o kahadean,

Jeremias 18:7 ပူးပေါင်းရင်းမြစ်များ

Genesis 6:6

nagmondo siya saka nagbasol kun tadaw ta ginibo pa niya an mga tawo dangan ibinugtak sa daga.

Jeremias 1:10

Itinatao ko saimo ngunyan an kapangyarihan sa mga nasyon saka sa mga kahadean, sa paggabot saka sa pagraot, sa paggaba saka sa paglaglag, asin sa pagtugdok patin sa pagtanom.”

Jeremias 26:3

Tibaad maghinanyog an mga tawo saka talikodan ninda an maraot na pamumuhay. Kun gibohon ninda iyan, babagohon ko an sakong desisyon manongod sa paggaba na inisip kong dadarahon sainda huli kan gabos na karatan na ginigibo ninda.”

Jeremias 31:28

Kun paano ako nagin maingat kan sinda sakong gaboton, gabaon, pabagsakon, raoton saka pahaleon, maingat ko man sindang itatanom saka papatindogon.

Jeremias 42:10

‘Kun magdanay kamo sa dagang ini, papatindogon ko kamo asin dai rurumpagon; itatanom ko kamo asin dai gagaboton. An karatan na dinara ko saindo nagin dahelan kan dakulang kamondoan ko.

Jeremias 45:4

“Alagad ako, an Kagurangnan, an naggagaba kan sakong itinugdok saka naggagabot kan sakong itinanom. Gigibohon ko ini sa bilog na daga.

Ezekiel 33:14

Pwede kong patanidan an sarong tampalasan na siya magagadan, alagad kun ontokon niya an saiyang pagkakasala dangan maggibo siya nin matanos saka marahay—

Daniel 11:4

Alagad sa panahon nin kakosogan kan saiyang imperyo, mababanga iyan sa apat. An mga hade na bako niyang kapagarakian iyo an maghahade sa saiyang lugar, alagad dai sinda magigin mapangyari siring sa saiya.

Amos 9:8

Ako, an Kagurangnan Dios, nagmamasid sa makasalan na kahadean na ini nin Israel, asin paparaon ko iyan sa ibabaw kan daga. Alagad dai ko pupuhoon an kapagarakian ni Jacob.

Jonas 3:10

Nahiling nin Dios an ginibo ninda; kun paano sinda nagtalikod sa maraot nindang gawe. Kaya nagbago siya nin isip asin dai na niya sinda pinadusahan siring sa sinabi niyang gigibohon niya.

Jonas 3:4

Nagpoon sa paglakaw sa syudad si Jonas, asin pakalakaw niya nin sarong aldaw, nagpahayag siya, “Matutunaw an Nineve pakalihis nin kwarentang aldaw!”