Jeremias 18:23 - Marahay na Bareta Biblia

²³ Alagad, Kagurangnan, naaaraman mo an gabos nindang plano tanganing gadanon ako. Dai mo patawadon an saindang karatan ni pagparaon an saindang kasalan. Pabayaan mong madaog sinda sa atubangan mo; gibohon mo ini sainda sa panahon nin saimong kaanggotan.”

Jeremias 18:23 ပူးပေါင်းရင်းမြစ်များ

Salmo 119:126

Panahon na tanganing maghiro ka, Kagurangnan, huli ta linalapas nin mga tawo an saimong katogonan.

Salmo 35:4

Mapano logod nin sopog asin disonra an mga nagmamawot kan sakong kagadanan! Magsiribog logod asin magkarilibong an mga nagpaplano sako nin karatan!

Salmo 56:8

Bilang mo an sakong mga horasa; bilang mo an sakuyang mga luha. Bako daw na sa saimong libro iyan nakatala?

Salmo 59:5

O Dios nin mga hukbo, O Dios nin Israel. Bumangon ka sa pagpadusa sa mga banwaan, dai ka maherak sa kiisay, man na parapasaluib.

Isaias 10:3

Ano an saindong gigibohon kun padusahan na kamo nin Dios? Kun ipadara na niya saindo an kapahamakan na hale sa harayong lugar? Sa kiisay kamo mahagad nin tabang? Saen nindo tatagoon an saindong kayamanan?

Isaias 2:9

Kaya sosopogon asin ibababa an katawohan— hare sinda pagpatawada, Kagurangnan!

Jeremias 11:23

Nagtalaan na ako nin panahon para sa pagpadara kan kasakitan sa mga taga Anatot, asin kun mag-abot na an panahon na iyan, mayo nin matatada sainda.”

Jeremias 15:15

Dangan nagsabi ako, “Kagurangnan, ika an nakakaaram. Giromdoma ako asin tabangi. Ibalos mo ako sa mga nagpasakit sako. Dai ka magmaboot sainda huli ta tibaad magadan ninda ako. Giromdoma na nagtios ako nin kasosopgan huli saimo.

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Jeremias 17:4

Mapipiritan kamong isuko an daga na itinao ko saindo, asin papalingkodon ko kamo sa mga kaiwal nindo sa sarong daga na dai nindo aram, huli ta an sakong kaanggotan arog sa kalayo, asin maglalaad iyan sagkod lamang.”

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 26:11

Dangan tinaraman kan mga padi asin kan mga propeta an mga lider saka mga tawo, “Maninigong hatolan nin kagadanan an tawong ini huli ta nagtaram siya laban sa satong syudad siring sa nadangog nindo.”

Jeremias 26:8

Pakatapos kong magtaram kan gabos na ipinagboot sako nin Kagurangnan na itaram ko sa mga tawo, tolos akong pinugol ninda saka kinurahawan, “Dapat kang magadan!

Jeremias 37:15

Anggot sinda nin marahay sako; hinampak ninda ako saka ibinilanggo sa harong ni Jonatan, an sekretaryo, huli ta an harong niya ginibo nang sarong bilanggoan.

Jeremias 38:4

Dangan nagduman sa hade an mga opisyal saka nagsabi, “Kaipuhan ipagadan an tawong ini. Pinapaluya niya an boot kan mga soldados asin kan mga tawo na natada sa syudad huli kan mga itinataram niya. Dai siya naghihingowa na tabangan an mga tawo; an boot sana niya iyo na mapahamak sinda.”

Jeremias 6:15

Kan gibohon ninda an makauuyam na mga bagay na ini, nasopog daw sinda? Dai nanggad sinda nasopog; dai na ngani sinda namumula sa pagkasopog. Kaya mabagsak sinda, arog kan iba; iyan an magigin kataposan ninda kun padusahan ko na sinda. Ako, an Kagurangnan, an nagtaram.”

Jeremias 6:21

Kaya bubugtakan ko nin mga singkogan an banwaan na ini tanganing magkadarapa sinda. Magagadan an mga ama saka mga aking lalaki; siring man an mga magkatood saka mga magkanatad.”

Jeremias 7:20

Kaya ako, an Kagurangnan Dios, an maula kan labi-labi kong kaanggotan sa Templong ini. Iuula ko iyan sa mga tawo saka sa mga hayop, asin maski sa mga kahoy saka sa mga tinanom. Malaad an sakong kaanggotan asin mayo nin siisay man na makakasigbo kaiyan.

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Mga Panambitan 3:60

Aram mo kun gurano an pagkaongis sako kan sakong mga kaiwal asin kun paano sinda nagplano laban sako.

Mga Panambitan 3:61

“Nadangog mo sindang iniinsulto ako, Kagurangnan, asin aram mo an mga plano ninda laban sako.

Lukas 21:22

Huli ta iyo iyan an ‘Mga Aldaw nin Padusa,’ tanganing maotob an gabos na nasusurat.

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.