Jeremias 18:20 - Marahay na Bareta Biblia

²⁰ An karatan iyo daw an bayad sa karahayan? Alagad nag-andam sinda nin kalot na paghuhulogan ninda sako. Giromdoma kun paano ako nagtindog sa atubangan mo asin nakiolay para sainda, tanganing dai mo ipamate sainda an saimong kaanggotan.

Jeremias 18:20 ပူးပေါင်းရင်းမြစ်များ

An Libro ni Job 6:27

Riniripahan pa nindo an mga oripon na ilo asin nagpapayaman kamo huli sa saindong mga katood!

Salmo 106:23

Kan siya magtaram na tutunawon niya an saiyang banwaan, si Moises na saiyang pinili nagtindog sa saiyang atubang, nakimaherak na dai sinda tunawon kan saiyang kaanggotan.

Salmo 119:95

Naghihipa an mga tampalasan tanganing gadanon ako, alagad naghohorophorop ako kan saimong mga katogonan.

Salmo 35:12

Karatan an balos ninda sa karahayan; an sakuyang kalag nawawaran nin paglaom.

Salmo 35:7

Mayong dahelan na nagbugtak sinda nin siod para sako; mayong dahelan na nagkalot sinda sa pagdakop sako.

Salmo 38:20

An mga minabalos nin karatan para sa karahayan sakong kaiwal, huli ta mawot ko an karahayan.

Salmo 57:6

Mga kaiwal ko nag-andam nin litag sa sakuyang agihan, an kalag ko napapano nin kapurisawan. Nagkalot sinda sa sakuyang lalakawan, alagad sinda man sana an nahulog duman.

Salmo 7:15

Alagad sa mga kalot na inaandam niya para sa iba, an nahuhulog siya man sana.

Mga Talinhaga 17:13

Kun karatan an ibabalos nin sarong tawo sa karahayan, an karatan dai mahahale sa saiyang harong.

Mga Talinhaga 26:27

An nagbubugtak nin siod para sa iba iyo man sana an madadakop kaiyan. An nagpapaligid nin gapo iyo man sana an matatamaan kaiyan.

Parahulit 10:8

Kun magkalot ka nin bubon, mahuhulog ka diyan; kun maglusot ka sa sarong kudal, pwedeng makagat ka nin halas.

Jeremias 11:14

Jeremias, dai mo ipagpamibi an mga tawong ini, ni ipakimaherak sinda sako, huli ta dai ko sinda dadangogon kun mag-apod sinda sako sa panahon kan saindang kasakitan.”

Jeremias 14:20

Nagkasala kami saimo, Kagurangnan; ikinukumpisal nyamo an samong mga kasalan asin an mga kasalan kan samong mga ginikanan.

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Jeremias 18:19

Kaya namibi ako, “Kagurangnan, hinanyoga an sinasabi ko saka dangoga an mga sinasabi kan sakong mga kaiwal manongod sako.

Jeremias 18:22

Magpadara ka nin mga tawo na mayo nin patanid na masamsam kan saindang mga harong; pakurahawa sinda sa takot. Nagkalot sinda tanganing mahulog ako asin nagbugtak sinda nin mga litag tanganing madakop ako.

Jeremias 27:18

Kun totoong mga propeta sinda saka yaon sainda an sakong mensahe, pabayae sindang makiolay sako, an Kagurangnan nin mga hukbo, na dai ko itugot na darahon sa Babilonia an mga kayamanan na nawalat sa Templo saka sa palasyo kan hade.” (

Jeremias 5:26

“Nag-eerok sa tahaw kan sakong banwaan an mga maraot na tawo; nanghihipa sinda arog kan mga tawong nagbibiklad nin hikot tanganing magdakop nin mga gamgam, alagad an litag na ibinugtak ninda pandakop nin tawo.

Jeremias 7:16

Nagtaram an Kagurangnan, “Jeremias, dai mo ipagpamibi an mga tawong ini. Dai ka maghibi ni mamibi para sainda; dai ka makimaherak sako huli ta dai taka dadangogon.

Mga Panambitan 3:59

Aram mo an karatan na ginibo sako, kaya tawan mo ako nin katanosan.

Juan 10:32

Kaya sinabihan niya sinda, “Kadakul kan karahayan na ipinahiling ko saindo sosog sa ipinagboot sako kan Ama; arin kaiyan an dahelan ta boot nindo akong gapoon?”

Juan 15:25

Nangyayari ini tanganing maotob an nasusurat sa saindang Katogonan, ‘Ikinaongis ako ninda na mayo nin anoman na dahelan.’

1 Samuel 19:4

Kaya inomaw ni Jonatan si David ki Saul asin nagsabi, “Dai ka man logod magkasala sa sorogoon mong si David. Mayo siyang naginibong maraot saimo; an totoo, an gabos na ginibo niya anas nakatabang saimo.