Jeremias 18:19 - Marahay na Bareta Biblia

¹⁹ Kaya namibi ako, “Kagurangnan, hinanyoga an sinasabi ko saka dangoga an mga sinasabi kan sakong mga kaiwal manongod sako.

Jeremias 18:19 ပူးပေါင်းရင်းမြစ်များ

2 Mga Hade 19:16

Hinanyoga ako, O Kagurangnan. Hilinga an nangyayari samo. Dangoga an mga tataramon ni Senakerib, na nagsugo sa pag-olog-olog saimo, an buhay na Dios.

Nehemias 6:9

Boot sana ninda kaming takoton tanganing maontok an trabaho. Dangan namibi ako, “O Dios, pakosoga man ako!”

Salmo 109:28

Maldisyonon man ninda ako, alagad ako bebendisyonan mo. Mapasopog logod an mga nang-aapi sako; asin mag-ogma logod an sorogoon mo.

Salmo 109:4

Bilang balos sa sakong pagkamoot, sinasalungat ninda ako; mantang sinda ipinapamibi ko.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 18:20

An karatan iyo daw an bayad sa karahayan? Alagad nag-andam sinda nin kalot na paghuhulogan ninda sako. Giromdoma kun paano ako nagtindog sa atubangan mo asin nakiolay para sainda, tanganing dai mo ipamate sainda an saimong kaanggotan.

Jeremias 20:12

Alagad, Kagurangnan nin mga hukbo, matanos mong binabalo an mga tawo; naaaraman mo an nasa saindang mga puso saka isip. Kaya pabayaan mong mahiling ko an pagbalos mo sa sakong mga kaiwal, huli ta ibinugtak ko sa saimong mga kamot an sakong ipinaglalaban.

Mga Panambitan 3:59

Aram mo an karatan na ginibo sako, kaya tawan mo ako nin katanosan.

Mikas 7:8

Mayong dahelan tanganing pagngisihan kami kan samong mga kaiwal. Nagkaturumba kami, alagad mabangon giraray kami. Nasa kadikloman kami ngunyan, alagad tatawan kami nin liwanag kan Kagurangnan.