Jeremias 18:18 - Marahay na Bareta Biblia

¹⁸ Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 18:18 ပူးပေါင်းရင်းမြစ်များ

2 Samuel 15:31

Kan maosipan si David na uminiba si Ahitofel sa pagrebelde ni Absalom, namibi siya, “O Kagurangnan, namimibi ako saimo na mamugtak logod sa kalolongan an mga hatol ni Ahitofel!”

2 Samuel 17:14

Nagsabi si Absalom asin an gabos na Israelita, “Mas marahay an hatol ni Husai ki sa hatol ni Ahitofel.” Pinangyari nin Kagurangnan na dai pagsunodon an marahay na hatol ni Ahitofel, tanganing kapahamakan an mag-abot ki Absalom.

1 Mga Hade 22:24

Dangan nagdolok an propetang si Zedekias asin sinampaling si Micaias. An sabi niya, “Kasuarin pa ako binayaan kan espiritu nin Kagurangnan asin nagtaram saimo?”

2 Mga Cronica 24:21

Alagad nagkasararo sinda laban ki Zacarias asin sa pagboot kan hade, ginapo siya ninda duman sa patyo kan Templo.

Salmo 21:11

Kun magplano sinda nin maraot tumang saiya, o magmawot nin karibokan, mayo nin mangyayari sa mga iyan.

Salmo 52:2

Bilog na maghapon iniisip mo an pagpakaraot nin iba, an dila mo siring sa matarom na labaha, ika na parapasaluib.

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Salmo 64:3

Tinatais ninda siring sa espada an saindang mga dila; an saindang mga tataramon garong mga bosog na pinapatama.

Mga Talinhaga 18:21

An itinaram mo pwedeng magligtas o magraot nin buhay; kaya dapat mong kakanon an mga bunga kan saimong mga tataramon.

Isaias 32:7

An sarong maraot na tawo naggigibo nin mga maraot na bagay; nagpaplano siyang raoton an mga dukha huli sa kaputikan, asin olangon sinda sa pagkamit kan saindang deretso.

Jeremias 11:19

Garo ako mahuyong kordero na dinara pasiring sa bunoan, asin dai ko aram na laban sako an pinaplano nindang karatan. Nagsabi sinda, “Palodon ta an kahoy mantang namumunga; gadanon ta siya tanganing mayo na nin makagiromdom saiya.”

Jeremias 18:11

Kaya ngunyan, sabihan mo an mga taga Juda asin mga taga Jerusalem na igwa ako nin pinaplano laban sainda asin nag-aandam akong padusahan sinda. Sabihan mo sinda na ontokon na ninda an maraot nindang pamumuhay—na bagohon na ninda an saindang mga gawe asin an saindang mga ginigibo.

Jeremias 18:19

Kaya namibi ako, “Kagurangnan, hinanyoga an sinasabi ko saka dangoga an mga sinasabi kan sakong mga kaiwal manongod sako.

Jeremias 2:8

An mga padi dai naghapot, ‘Haen an Kagurangnan?’ Dai ako midbid kan sadiri kong mga padi. Nagrebelde sako an mga pamayo; an mga propeta nagpropesiya sa ngaran ni Baal, saka nagsamba sa mga ladawan na mayo nin halaga.

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Jeremias 26:11

Dangan tinaraman kan mga padi asin kan mga propeta an mga lider saka mga tawo, “Maninigong hatolan nin kagadanan an tawong ini huli ta nagtaram siya laban sa satong syudad siring sa nadangog nindo.”

Jeremias 37:13

Alagad kan mag-abot ako sa Trangkahan nin Benjamin, pinugol ako ni Irias, na aking lalaki ni Selemias saka makoapo ni Ananias; siya an pamayo kan mga bantay sa trangkahan na iyan. Nagsabi siya, “Nagdudulag ka tanganing mag-apil sa mga taga Babilonia!”

Jeremias 43:2

nagsabi sako si Azarias na aking lalaki ni Osaias, si Johanan na aking lalaki ni Kareas, asin an gabos na mapalangkaw na lalaki, “Nagpuputik ka. Dai ka sinugo nin Kagurangnan na satong Dios tanganing sabihan kami na dai magduman saka mag-erok sa Egipto.

Jeremias 44:16

“Dai mi hihinanyogon an sinasabi mo samo sa ngaran nin Kagurangnan.

Jeremias 44:17

Gigibohon mi an samong mga ipinanuga. Magtututong kami nin insenso sa reyna nin langit, saka mag-uula kami nin mga dolot na arak para saiya, arog kan dati nyamong ginigibo asin kan samong mga ginikanan, kan samong hade saka mga lider, sa mga banwa sa Juda asin sa mga tinampo nin Jerusalem. Kadakul kaidto kan samong pagkakan, mauswag kami asin mayo nin nag-abot samong kasakitan.

Jeremias 8:8

Paano nindo nasasabi na madonong kamo saka naaaraman nindo an mga katogonan ko? Alagad an mga togon binago kan mga madayang eskriba.

Mga Panambitan 3:62

Bilog na aldaw ako an saindang pinag-oorolayan asin naggigibo nin mga plano laban sako.

Ezekiel 7:26

Sunod-sunod na maabot an kasakitan asin an maraot na bareta. Makikimaherak sinda sa mga propeta na ipahayag sainda an bisyon na nahiling ninda. An mga padi mayo nang ikakatukdo sa mga tawo, asin an mga kamagurangan mayo nang ikakataong hatol.

Levitico 10:11

Kaipuhan tukdoan mo an gabos na tawo nin Israel kan mga ipinagboboot ko saimo sa paagi ni Moises.”

Mikas 3:6

“Mga propeta, harani na an saindong kataposan; madali nang magsolnop an aldaw para saindo. Dai na kamo magkakaigwa nin mga bisyon, huli ta linagalag nindo an sakong banwaan, asin dai na kamo makakahula.”

Mikas 3:7

An mga naghuhula kan maabot na panahon mawawaraan nin onra huli ta dai mangyayari an saindang hula. Gabos sinda magkakasoropog huli ta dai sinda sisimbagon nin Dios.

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Lukas 11:45

Nagsabi an saro kan mga abogado kan Katogonan, “Maestro, sa itinaram mong iyan, pati kami sinosopog mo!”

Juan 9:40

Nadangog ini kan nagkapirang Fariseo sa harani niya, kaya hinapot ninda siya, “An boot mong sabihon buta man kami?”