Jeremias 18:16 - Marahay na Bareta Biblia

¹⁶ An dagang ini ginibo nindang sarong bagay na katakotan, na dapat na isikwal sagkod lamang. An gabos na maaragi digdi magkakamorongnan huli sa mahihiling ninda; magkokoyongkoyong sinda sa pagngalas.

Jeremias 18:16 ပူးပေါင်းရင်းမြစ်များ

1 Mga Hade 9:8

An Templo na ini magigin sarong tambak nin mga raot, asin an lambang mag-agi digdi matitikbahan saka mangalas. Mahapot sinda, ‘Tano ta siring an ginibo nin Kagurangnan sa dagang ini asin sa Templong ini?’

2 Mga Cronica 29:8

Kaya an kaanggotan nin Kagurangnan uminabot sa Juda saka sa Jerusalem, asin an ginibo niya sa mga ini nagin sarong bagay na pinagtakotan, nginalasan saka ikinasopog nin lambang saro, siring sa nahiling nindo.

Salmo 109:25

Ako nagigin ngingisihan kan mga nagsumbong tumang sako; nagtatango-tango kun nahihiling ninda ako.

Salmo 22:7

Inoolog-olog kan mga nakakahiling sako; nagtutuyatuya sinda na nagtatango-tango kan payo,

Salmo 44:14

Itinugot mong pagbansagan kami kan mga nasyon, ginibong ngingisihan sa tahaw nin katawohan.

Isaias 37:22

na an Kagurangnan nagsabing, “Pinagngingisihan ka, Senakerib, kan syudad nin Jerusalem, asin pinag-oolog-olog.

Isaias 6:11

Naghapot ako, “Sagkod nuarin ini magigin siring, Kagurangnan?” Nagsimbag siya, “Sagkod na magkararaot an mga syudad asin mayo nang mag-erok diyan, sagkod na an mga harong diyan mayo na nin nag-eerok—sagkod na an daga dai na mapakinabangan.

Jeremias 19:8

Dadarahon ko sa lugar na ini an sarong makangingirhat na pagkagaba, kaya an siisay man na mag-agi digdi mamomongnan saka magngangalas.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 42:18

“Nagtataram an Kagurangnan, an Dios nin Israel, ‘Kun paano ko inula an sakong labi-labing kaanggotan sa mga taga Jerusalem, siring man iuula ko an sakong kaanggotan sa saindo kun magduman kamo sa Egipto. Kamo magigin sarong nakakatakot na tanawon; susubahan kamo kan mga tawo asin gagamiton ninda an saindong ngaran bilang sarong maldisyon. Dai na nanggad nindo mahihiling an lugar na ini.’”

Jeremias 44:12

Tutunawon ko an gabos na natada sa Juda na nagpirit nanggad na magduman saka mag-erok sa Egipto. Sinda gabos, dakula man o sadit, magagadan sa Egipto; magagadan sinda sa gera o sa gutom. Magigin sarong tanawon sinda na nakakatakot; pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 48:27

Moab, giromdoma kan pagtuyatuyaon mo an banwaan nin Israel. Ibinilang mo sinda siring sa mga tawong nadakop na kaiba kan mga mahabon.

Jeremias 49:13

Isinumpa ko na sa sakong sadiri na an syudad nin Bozra magigin sarong tanawon na nakakatakot asin sarong desyerto; pagsusubahan ini kan mga tawo saka gagamiton an ngaran kaini bilang sarong maldisyon. An gabos na baryo na nasa harani kaini magigin raot sagkod lamang. Ako, an Kagurangnan, an nagtaram.”

Jeremias 49:17

Nagtaram an Kagurangnan, “Makangirhat an karatan na maabot sa Edom kaya mamomongnan saka matitikbahan an lambang mag-agi duman.

Jeremias 50:13

Huli sa sakong kaanggotan mayo nin mag-eerok sa Babilon; papabayaan iyan na raot, asin an mag-aaragi diyan magkakamorongnan saka magngangaralas.

Jeremias 51:37

An nasyon na iyan magigin sarong tambak nin mga raot, na pag-eerokan nin mga lalaw na hayop. Siya magigin sarong tanawon na nakakatakot; mayo na nin mag-eerok duman, asin an gabos na makahiling saiya magkakamorongnan.

Jeremias 51:43

An mga banwa nagin sarong tanawon na nakakatakot. Garo sinda mga desyertong mayo nin tubig, na mayo nin siisay man na nag-eerok ni nag-aagi.

Jeremias 9:11

Nagtataram an Kagurangnan, “An Jerusalem gigibohon kong sarong tambak nin mga raot, sarong lugar na eerokan nin mga lalaw na ayam; an mga syudad nin Juda magigin sarong desyerto, lugar na mayong nag-eerok na tawo.”

Mga Panambitan 1:12

“Kamo na mga nag-aagi, mayo daw nin halaga ini saindo? Hilinga kun igwa nin kamondoan arog kan sakuyang kamondoan, na dinadara sako nin Kagurangnan kan aldaw nin labi-labi niyang kaanggotan.

Ezekiel 12:19

Sabihan mo an bilog na nasyon na iyo ini an mensahe kan Kagurangnan Dios para sa banwaan nin Jerusalem, na nag-eerok pa sa saindang daga. Magtatakig sinda mantang nagkakakan asin magkokobogkobog sa takot mantang nag-iinom. Huhubaan an saindang daga, huli sa kadahasan kan mga nag-eerok duman.

Ezekiel 27:36

Mayo ka na, mayo na sagkod pa man, asin an gabos na negosyante sa bilog na kinaban natatakot, ta tibaad makaarog sinda saimo.”

Ezekiel 36:3

“Kaya magpropesiya ka asin isabi mo na ini an itinataram ko, an Kagurangnan Dios: Kan an kabukidan nin Israel sakopon asin samsaman kan mga kataraed na nasyon, an Israel pinag-olog-olog kan gabos na banwaan.

Ezekiel 6:14

Uunaton ko an sakong kamot laban sainda. An saindang daga raraoton ko asin gigibohon na mamondo, magpoon sa kalangtadan sa habagat sagkod sa syudad nin Ribla sa amihan; mayo akong papaligtason sa arin man na lugar na pinag-eerokan kan mga Israelita. Dangan maaaraman kan gabos na ako an Kagurangnan.”

Levitico 26:32

Raraoton ko nanggad an saindong daga kaya ngangalasan kan saindong mga kaiwal na masakop kaiyan an siring na kamugtakan.

Levitico 26:43

Alagad kaipuhan haleon ngona sinda sa daga tanganing mahingaloan iyan asin tanganing mabayadan ninda an padusa sa pagsuhay kan sakong mga togon saka mga pagboot.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Mateo 27:39

An mga tawong nag-aaragi nagtatango-tango na nagtutuya-tuya saiya,

Markos 15:29

Pinagtuya-tuya siya kan mga nag-aragi, na nagtatango-tango na nagsarabi, “Gagabaon mo an Templo asin papatindogon sa laog nin tolong aldaw!

Deuteronomio 28:59

kamo sagkod an saindong mga kapagarakian papadarahan niya nin mga helang na dai mabobolong asin mga peste na mayong kataposan.

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.