Jeremias 18:11 - Marahay na Bareta Biblia

¹¹ Kaya ngunyan, sabihan mo an mga taga Juda asin mga taga Jerusalem na igwa ako nin pinaplano laban sainda asin nag-aandam akong padusahan sinda. Sabihan mo sinda na ontokon na ninda an maraot nindang pamumuhay—na bagohon na ninda an saindang mga gawe asin an saindang mga ginigibo.

Jeremias 18:11 ပူးပေါင်းရင်းမြစ်များ

Genesis 11:7

Magduman kita asin ribongon ta an saindang lengwahe tanganing dai na sinda magkasinarabotan.”

1 Mga Hade 22:23

Nagpadagos si Micaias, “Iyo ini an nangyari. Ibinugtak nin Kagurangnan an espiritung nagpuputik sa ngoso kan saimong mga propeta. Alagad siya mismo an nagtalaan kan saimong kagadanan!”

2 Mga Hade 17:13

An Kagurangnan nagpadara nin mga sugo saka mga propeta tanganing patanidan an Israel asin an Juda: “Talikodan na nindo an saindong mga maraot na gawe. Kuyogon nindo an sakong mga pagboot na nasusurat sa Katogonan na itinao ko sa saindong mga ginikanan, dangan itinao ko man saindo sa paagi kan mga propeta na sakong mga sorogoon.”

2 Mga Hade 22:13

“Magduman kamo dangan hapoton nindo an Kagurangnan para sako para sa banwaan, asin para sa gabos na taga Juda manongod sa mga tataramon na yaon sa librong ini. Anggot sato an Kagurangnan huli ta dai kinuyog kan satong mga ginikanan an dapat na gibohon siring sa sinasabi kan librong ini.”

2 Mga Hade 5:5

Nagsabi an hade, “Magduman ka sa hade nin Israel asin darahon mo saiya an surat na ini.” Kaya nagduman si Naaman; igwa siya nin darang treynta mil na pedaso nin plata, seis mil na pedaso nin bulawan, asin sampolong magayon na gubing.

Isaias 5:5

“Ini an gigibohon ko sa sakong ubasan: Hahaleon ko an kudal sa palibot kaiyan, asin papabayaan kong kakanon iyan saka timaktimakan kan mga lalaw na hayop.

Isaias 57:1

Nagagadan an mga matanos na tawo, asin mayong nakakasabot o nagmamakulog. Alagad pagkagadan ninda mayo na nin kasakitan na makakadotdot sainda.

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 11:19

Garo ako mahuyong kordero na dinara pasiring sa bunoan, asin dai ko aram na laban sako an pinaplano nindang karatan. Nagsabi sinda, “Palodon ta an kahoy mantang namumunga; gadanon ta siya tanganing mayo na nin makagiromdom saiya.”

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 19:3

Tinaraman niya ako na magsabi, “Hinanyoga nindo, mga hade nin Juda asin mga taga Jerusalem, an sasabihon ko, an Kagurangnan nin mga hukbo, an Dios nin Israel. Dadarahan ko nin kasakitan an lugar na ini, asin mabibigla an gabos na makakadangog kaini.

Jeremias 25:2

Sinabihan ko an mga taga Juda saka mga taga Jerusalem,

Jeremias 25:5

Tinaraman ninda kamo na magtalikod na sa maraot nindong pamumuhay asin sa mga karatan na ginigibo nindo, tanganing magpadagos kamong nag-eerok sa daga na itinao saindo nin Kagurangnan asin sa saindong mga ginikanan bilang pamana sagkod lamang.

Jeremias 26:13

Dapat nindong bagohon an saindong mga gawe asin mga gibo, dangan kuyogon nindo an Kagurangnan na saindong Dios. Kun gibohon nindo iyan, babagohon niya an saiyang desisyon manongod sa paggaba na itinaram niyang dadarahon saindo.

Jeremias 26:3

Tibaad maghinanyog an mga tawo saka talikodan ninda an maraot na pamumuhay. Kun gibohon ninda iyan, babagohon ko an sakong desisyon manongod sa paggaba na inisip kong dadarahon sainda huli kan gabos na karatan na ginigibo ninda.”

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Jeremias 3:22

Magbalik kamo gabos na nagtalikod sa Kagurangnan; bobolongon niya kamo saka gigibohon na mga maimbod. Nagsasabi kamo, “Madolok kami sa Kagurangnan, huli ta siya an samong Dios.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 36:3

tanganing kun madangog kan mga taga Juda an gabos na karatan na boot kong darahon sainda, tibaad magbakle sinda sa mga maraot nindang gawe. Dangan papatawadon ko sinda kan mga karatan asin kasalan ninda.”

Jeremias 36:7

Tibaad mamibi sinda sa Kagurangnan asin talikodan ninda an maraot nindang pamumuhay huli ta pinatakot nin Kagurangnan an saiyang banwaan kan saiyang nakakatakot na kaanggotan asin kabangisan.”

Jeremias 4:1

An Kagurangnan nagtataram, “Banwaan nin Israel, kun kamo mabalik, magbalik kamo sako. Kun haleon nindo an mga ladawan na kinakaongisan ko saka maogmang magmaimbod kamo sako,

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Jeremias 4:23

Hiniling ko an daga—mayo ini nin porma saka laog; an kalangitan—mayo ini nin ilaw.

Jeremias 4:6

Tukdoan an dalan pasiring sa Sion! Magdurulag kamo! Dai na kamo mag-abala! Hale sa amihan may dara an Kagurangnan na karatan saka dakulang pagraot.

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Ezekiel 13:22

“Huli kan saindong kaputikan, pinapaluya nindo an boot kan mga matanos na tawo na habo ko man na kulogan. Inoolang nindo an mga maraot na tawo sa pag-ontok kan maraot nindang gibo asin ikaligtas an saindang buhay.

Ezekiel 18:23

Sa paghona mo naoogma ako kun nagagadan an sarong maraot na tawo?” an hapot kan Kagurangnan Dios. “Dai, mas boot ko pang magsolsol siya dangan mabuhay.

Jonas 3:8

An gabos na tawo saka hayop dapat na magsulot nin sako. An lambang saro kaipuhan maigot na magpamibi sa Dios, asin talikodan an saiyang maraot na ugale saka maraot na mga gawe.

Mikas 2:3

Kaya nagsasabi an Kagurangnan, “Nagpaplano ako nin kapahamakan laban saindo, asin dai kamo makakaligtas diyan. Manunumpongan na sana nindo an saindong sadiri na nasa kahaditan. Dai na nanggad kamo makakapaabaw-abaw.

Zacarias 1:3

alagad sinasabihan ko kamo, ‘Magbalik kamo sako asin mabalik ako sa saindo.

Mga Gibo 26:20

Naghulit ako, enot sa Damasco, sunod sa Jerusalem dangan sa bilog na rehiyon nin Judea. Naghulit man ako sa mga pagano, tanganing magbakle saka magbalik sinda sa Dios, asin ipahiling sa gibo na sinda nagbakle.

Santiago 4:13

Hinanyoga nindo ako, kamong mga nagsasabi, “Ngunyan na aldaw o sa aga, maduman kami sa siring na syudad; duman magnenegosyo kami sa laog nin sarong taon saka mapayaman kami.”

Santiago 5:1

Hinanyoga nindo ako, mga mayaman! Magtangis saka maghaya kamo sa mga kasakitan na madatong saindo!