Jeremias 18:10 - Marahay na Bareta Biblia

¹⁰ alagad an nasyon na iyan dai magkuyog sako asin maggibo nin karatan, dai ko idadagos an sinabi kong gigibohon ko.

Jeremias 18:10 ပူးပေါင်းရင်းမြစ်များ

Salmo 125:5

Alagad kun padusahan mo na an mga tampalasan, padusahan mo man an mga minasuhay sa saimong mga dalan. An katoninongan mapasa-Israel!

Ezekiel 18:24

“Alagad kun an sarong matanos na tawo mag-ontok sa paggibo nin marahay dangan magpoon sa paggibo nin maraot saka makauuyam na mga bagay na ginigibo kan mga tampalasan, padagos daw siyang mabubuhay? Dai! Mayo sa mga matanos na bagay na ginibo niya an magigiromdoman. Magagadan siya, huli ta dai siya nagin maimbod asin huli kan saiyang mga kasalan.

Ezekiel 33:12

“Aki nin tawo, taraman mo an saimong banwaan na kun magkasala an sarong matanos na tawo, dai siya ikakaligtas kan karahayan na saiyang ginibo. Kun an sarong tampalasan mag-ontok sa paggibo nin karatan, dai siya papadusahan, asin kun an sarong matanos magpoon na magkasala, dai niya ikakaligtas an saiyang buhay.

Ezekiel 33:18

Kun ontokon kan sarong matanos an paggibo nin marahay dangan maggibo siya nin karatan, magagadan siya huli kaiyan.

Ezekiel 45:20

Sa ikapitong aldaw kan bulan, ini man an gigibohon nindo para sa kiisay man na nagkasala na dai man tinutuyo o huli sa dai pakaaram. Sa paaging ini lilinigan nindo an Templo.

Sofonias 1:6

Pupuhoon ko an mga nagtalikod asin dai na nagsusunod sako; an mga dai na nagdodolok sako o nakikimaherak na giyahan ko sinda.”

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mga Bilang 14:23

Dai nanggad sinda makakalaog sa dagang ipinanuga ko sa saindang mga ginikanan. Mayo nin siisay sa mga nagsikwal sako na makakalaog duman.

Mga Bilang 14:34

Babayadan nindo an saindong kasalan sa laog nin kwarentang taon, sangtaon sa lambang aldaw kan kwarentang aldaw na ipinagsiyasat nindo kan daga. Maaaraman nanggad nindo an kahulogan kan pagtumang nindo sako!

1 Samuel 13:13

Sinimbag ni Samuel si Saul, “Sala an ginibo mo; dai mo kinuyog an togon na itinao saimo nin Kagurangnan na saimong Dios. Kun nagkuyog ka, kutana tinugotan ka asin an saimong kapagarakian na maghade sa Israel sagkod lamang.

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.

1 Samuel 15:35

Mantang nabubuhay si Samuel, dai na nanggad siya nakipaghilingan ki Saul, alagad nagmondo siya para ki Saul. Nagbasol an Kagurangnan kun tadaw ta ginibo niyang hade si Saul sa Israel.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.