Jeremias 17:8 - Marahay na Bareta Biblia

⁸ Arog siya sa sarong kahoy na nagtatalubo harani sa sapa, na an mga gamot pasiring sa tubig. Dai ini natatakot sa pag-abot kan tig-init, huli ta nagdadanay na berde an saiyang mga dahon; mayo ini nin kahaditan kun mayo nin uran; padagos ining namumunga.

Jeremias 17:8 ပူးပေါင်းရင်းမြစ်များ

An Libro ni Job 29:19

Arog ako sa sarong kahoy na an mga gamot danay na may tubig, na an mga sanga bilog na bangging igwa nin ambon.

An Libro ni Job 8:16

“Siring sa mga doot, an mga maraot minatalubo sa saldang nin aldaw, arog sa mga doot na nakakalakop sa bilog na tatamnan.

Salmo 1:3

Siya siring sa sarong kahoy na nagtatalubo sa kataed nin tubig na nagbubulos, na minabunga sa tamang panahon, asin dai naaalang an mga dahon. Minauswag siya sa gabos niyang gibo.

Mga Talinhaga 11:28

An nananarig sa saiyang kayamanan mararakdag arog sa alang na dahon, alagad mag-uuswag an matanos arog sa berdeng tinanom.

Isaias 58:11

Danay ko kamong papangenotan asin tatawan kan marahay na mga bagay. Papakosogon ko kamo asin dai papahelangon. Makakaagid kamo sa sarong tatamnan na danay na binabaribi, siring sa burabod na dai nanggad nagmamara.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Jeremias 39:18

Ililigtas taka; dai ka magagadan. Ililigtas ko an saimong buhay bilang regalo nin ralaban huli ta nanarig ka sako. Ako, an Kagurangnan, an nagtaram.”

Ezekiel 31:3

Ibabaing taka sa sarong kahoy na sedro nin Lebanon, na may magayon saka marambong an mga sanga, halangkaw na kahoy na an poro abot sa mga panganoron.

Ezekiel 47:12

Sa mag-ibong na pangpang kan sapa matalubo an gabos na klase nin kahoy tanganing magtao nin kakanon. Dai maaalang an mga dahon kaiyan asin dai iyan mawawaraan nin bunga. Mabunga iyan bulan-bulan, huli ta natutubigan iyan kan sapa na nagbubulos hale sa Templo. An saindang bunga magigin pagkakan asin saindang mga dahon gagamiton sa pagbolong.”