Jeremias 17:6 - Marahay na Bareta Biblia

⁶ Arog siya sa sarong sadit na kahoy sa desyerto, na nagtatalubo sa alang na daga, sa maasgad na daga, na mayo na nin ibang nagtatalubo. Mayo nin marahay na nangyayari saiya.

Jeremias 17:6 ပူးပေါင်းရင်းမြစ်များ

2 Mga Hade 7:2

An kapitan kan mga bantay kan hade nagsabi ki Eliseo, “Imposible iyan; maski bukasan pa nin Kagurangnan an mga bintana nin langit!” “Mahihiling mo ini, alagad dai ka makakanamit kan pagkakan,” an simbag ni Eliseo.

An Libro ni Job 20:17

Dai siya makakaligtas tanganing mahiling an mga salog nin lanang oliba o an mga sapa na nagbubulos nin gatas saka dugos.

An Libro ni Job 39:6

na tinawan ko kan kalangtadan nganing magin saiyang harong, asin kan maasin na daga nganing magin saiyang erokan?

Salmo 1:4

Alagad bakong siring kaini an mga maraot; siring sinda sa ata na pinapalid kan doros.

Salmo 107:34

An mayaman na daga ginibo niyang maasgad na kalangtadan huli kan karatan kan mga nag-eerok duman.

Salmo 92:7

maski magtalubo an mga tampalasan arog sa mga doot, asin mag-uswag an gabos na paragibong maraot; alagad gabos sinda mapupuho sagkod pa man,

Isaias 1:30

Makakaarog kamo sa hamurawon na naluluyos an dahon, asin siring sa tatamnan na mayo nin tubig.

Jeremias 48:6

‘Maghidali kamo, iligtas nindo an saindong buhay!’ an sabi ninda. ‘Magdalagan kamo arog kan lalaw na asno sa desyerto!’

Ezekiel 47:11

Alagad an tubig sa katiboan dai malilinigan; babayaan iyan sa siring na kamugtakan tanganing pagkuahan nin asin.

Sofonias 2:9

Mantang ako an Dios na buhay, an Dios nin Israel, minasumpa ako na matutunaw an Moab asin an Ammon arog sa Sodoma saka Gomorra. An mga lugar na iyan magigin mga kalot nin asin, dangan magigin raot sagkod lamang, na pano nin mga doot. An mga natatada sa sakong banwaan iyo an masamsam dangan masakop kan saindang daga.”

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.

Hukom 9:45

An ralaban nagpadagos sagkod sa hapon. Nasakop ni Abimelec an syudad, ginadan an mga tawo duman, ginaba an syudad dangan tinahoban nin asin an daga.