Jeremias 17:3 - Marahay na Bareta Biblia

³ saka sa kabukidan sa kahiwasan. Papabayaan kong makua kan saindong mga kaiwal an kayamanan saka mga rogaring nindo huli kan gabos nindong kasalan na saindong ginibo sa bilog nindong daga.

Jeremias 17:3 ပူးပေါင်းရင်းမြစ်များ

2 Mga Hade 24:13

asin dinara sa Babilonia an gabos na kayamanan sa Templo saka sa palasyo. Siring kan ipinahayag kaidto nin Kagurangnan, pinarasa ni Nebukadnezzar an bulawan na mga kagamitan sa Templo na ipinagibo ni Hadeng Solomon.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Jeremias 12:12

Hale sa gabos na kalangkawan nin desyerto nag-abot an mga lalaking mananamsam. Nagpadara ako nin gera tanganing raoton an bilog na daga; mayong makakapamuhay na matoninong.

Jeremias 15:13

Tinaraman ako nin Kagurangnan, “Mapadara ako nin mga kaiwal tanganing hakoton an mga rogaring asin kayamanan kan sakong banwaan, bilang padusa sa ginibo nindang mga kasalan sa bilog na daga.

Jeremias 20:5

Papabayaan kong masamsam kan mga kaiwal ninda an gabos na kayamanan kan syudad na ini asin masadiri an gabos na rogaring ninda, maski na an mga kayamanan kan mga hade nin Juda. An gabos na bagay dadarahon ninda sa Babilonia.

Jeremias 21:13

Nagtutukaw ka, Jerusalem, sa itaas kan mga kapantayan, arog sa gapo na nasa tahaw nin kahiwasan. Alagad ako kalaban mo. Sinasabi mo na mayo nin makakasalakay saimo o maglaog sa saimong mga bantayan.

Jeremias 26:18

“Kan si Ezekias iyo an hade nin Juda, tinaraman ni Mikas na taga Moreset an gabos na tawo na nagtaram an Kagurangnan nin mga hukbo, ‘An Sion aaradohon arog sa sarong oma; an Jerusalem magigin sarong tambak nin mga raot, asin an bulod na natitindogan kan Templo magigin sarong kadlagan.’

Mga Panambitan 1:10

Sinamsam kan kaiwal an gabos niyang kayamanan. Nahiling niya an paglaog kan mga kaiwal sa saiyang Templo, an lugar na ipinangalad nin Kagurangnan na laogon nin mga pagano.

Ezekiel 16:39

Itatao taka sa saindang kapangyarihan, asin rurumpagon ninda an mga lugar saen nagsamba ka asin nakidorog. Kukuahon ninda an saimong mga gubing saka mga alahas, dangan babayaan ka nindang huba nanggad.

Ezekiel 23:46

Ini an itinataram nin Kagurangnan Dios: “Magdara ka nin sarong hukbo laban sainda tanganing takoton saka samsaman sinda.

Ezekiel 6:3

Sabihan mo an kabukidan nin Israel na magdangog sa tataramon kan Kagurangnan Dios—na magdangog sa tataramon ko, an Kagurangnan Dios, sa kabukidan asin kabubuldan, sa mga ampas saka mga kapantayan: Mapadara ako nin espada tanganing raoton an mga lugar na pinagsasambahan kan mga tawo nin mga dios-dios.

Levitico 26:30

Raraoton ko an mga lugar na saindong pinagsasambahan sa kabubuldan, gagabaon ko an mga altar nin insenso, dangan itatapok ko an saindong mga bangkay sa ibabaw kan tumba nindong mga dios-dios. Sa kaanggotan,

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Sofonias 1:13

Sasamsamon an saindang kayamanan asin raraoton an saindang mga harong. Magtutugdok sinda nin mga harong alagad dai ninda maeerokan. Matanom sinda nin mga ubas alagad dai sinda makakainom kan arak hale diyan.”