Jeremias 17:27 - Marahay na Bareta Biblia

²⁷ Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 17:27 ပူးပေါင်းရင်းမြစ်များ

2 Mga Hade 22:17

Tinalikodan ninda ako asin nagtutong sinda nin insenso para sa mga dios-dios kaya pinaanggot ninda ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

2 Mga Hade 25:9

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

2 Mga Cronica 36:19

Sinulo niya an Templo, rinumpag an mga kudal nin Jerusalem, sinulo an mga palasyo asin an gabos na kayamanan duman.

Salmo 122:7

Magkaigwa logod nin katoninongan sa laog nin saimong mga kudal, asin katiwasayan sa saimong mga bantayan!”

Isaias 1:20

Alagad kun maghabo ka asin magrebelde, an espada an magadan saimo, huli ta ako, an Kagurangnan, an nagtaram.”

Isaias 1:31

Siring na an dagami nasusulo kan manok-manok nin kalayo, mapapahamak man an mga mapangyaring mga tawo huli kan saindang maraot na gibo asin mayo nin makakaontok kan saindong pagkaraot.

Jeremias 17:24

“Sabihan mo an mga tawong ini na dapat nindang kuyogon an gabos kong pagboot. Dai nanggad sinda magdara nin anoman sa paglaog sa mga trangkahan kan syudad na ini kun Sabbath. Dapat nindang ipaglehe an Sabbath bilang sarong banal na aldaw asin dai nanggad sinda magtrabaho.

Jeremias 17:4

Mapipiritan kamong isuko an daga na itinao ko saindo, asin papalingkodon ko kamo sa mga kaiwal nindo sa sarong daga na dai nindo aram, huli ta an sakong kaanggotan arog sa kalayo, asin maglalaad iyan sagkod lamang.”

Jeremias 18:1

Tinaraman ako nin Kagurangnan,

Jeremias 21:14

Alagad papadusahan taka sa ginibo mo. Susuloon ko an saimong palasyo, asin an gabos sa palibot kaiyan. Ako, an Kagurangnan, an nagtaram.”

Jeremias 22:5

Alagad kun dai kamo maghinanyog kan sakong mga tataramon, minasumpa ako saindo na mararaot an palasyong ini. Ako, an Kagurangnan, an nagtaram.

Jeremias 32:29

saka susuloon. Susuloon ninda ini kaiba an mga harong saen pinaanggot ako kan mga tawo huli kan pagtutong ninda nin insenso para ki Baal sa saindang mga atop, saka pag-ula nin arak na dolot sa mga dios-dios.

Jeremias 39:8

Sinulo kan mga taga Babilonia an palasyo kan hade asin an mga harong kan mga tawo, dangan rinumpag ninda an mga kudal kan Jerusalem.

Jeremias 44:16

“Dai mi hihinanyogon an sinasabi mo samo sa ngaran nin Kagurangnan.

Jeremias 49:27

Susuloon ko an mga kudal kan Damasco saka tututongon ko an palasyo ni Hadeng Ben-hadad. Ako, an Kagurangnan nin mga hukbo, an nagtaram.”

Jeremias 52:13

Sinulo niya an Templo, an palasyo, asin an mga harong kan gabos na mahalagang tawo sa Jerusalem.

Jeremias 6:17

An Kagurangnan nagbugtak sa Israel nin mga bantay na saiyang tinaraman, “Dangogon nindo an tanog kan trompeta!” Alagad nagsabi sinda, “Dai mi iyan dadangogon.”

Jeremias 7:20

Kaya ako, an Kagurangnan Dios, an maula kan labi-labi kong kaanggotan sa Templong ini. Iuula ko iyan sa mga tawo saka sa mga hayop, asin maski sa mga kahoy saka sa mga tinanom. Malaad an sakong kaanggotan asin mayo nin siisay man na makakasigbo kaiyan.

Mga Panambitan 2:6

Rinaot niya an Templo, an lugar na pinagsasambahan mi saiya. Hinale niya an mga pyesta asin an Sabbath. Ipinamate niya sa hade asin sa padi an kosog kan saiyang kaanggotan.

Mga Panambitan 4:11

Pinaluwas nin Kagurangnan an bilog niyang kaanggotan; nagpagkot siya nin kalayo sa Sion na tuminutong sagkod kan mga pundasyon.

Ezekiel 16:41

Susuloon ninda an saimong mga harong asin papadusahan ka ninda sa atubang nin dakul na babae. Oontokon ko an saimong pagigin maraot na babae asin an pagtao mo nin mga regalo sa mga kadorogan mo.

Ezekiel 21:15

An espadang iyan nakakapaluya kan boot kan sakuyang banwaan asin nakakapatumba sainda. An saindang syudad hinuhomaan ko nin sarong espada na nagsisilyab siring sa kikilat asin andam sa paggadan.

Ezekiel 21:3

na ako, an Kagurangnan, an nagtataram: Kalaban nindo ako. Huhugkoton ko an sakong espada asin gagadanon ko kamo gabos, matanos man o maraot.

Ezekiel 22:8

Dai nindo pinapahalagahan an mga banal na lugar asin an Sabbath.

Ezekiel 23:38

Bako sana iyan, dinigtaan ninda an sakuyang Templo asin linapas an Sabbath sa pareho man sanang aldaw.

Oseas 8:14

“Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Amos 1:10

Kaya papadarahan ko nin kalayo an mga kudal kan syudad nin Tiro asin susuloon ko an mga bantayan kaiyan.”

Amos 1:12

Kaya papadarahan ko nin kalayo an syudad nin Teman asin susuloon ko an mga bantayan nin Bozra.”

Amos 1:14

kaya papadarahan ko nin kalayo an mga kudal kan syudad nin Rabba asin susuloon ko an mga bantayan kaiyan. Dangan magkakaigwa nin kinurahaw sa aldaw nin gera, asin an ralaban magigin mangirhat siring sa sarong bagyo.

Amos 1:4

Kaya papadarahan ko nin kalayo an palasyo na pinatindog ni Hadeng Hazael asin susuloon ko an mga bantayan ni Hadeng Ben-hadad.

Amos 1:7

Kaya papadarahan ko nin kalayo an mga kudal kan syudad nin Gaza asin susuloon ko an mga bantayan kaiyan.

Amos 2:2

Papadarahan ko nin kalayo an daga nin Moab asin susuloon ko an mga bantayan nin Keriot. An mga taga Moab magagadan sa tahaw nin karibokan nin gera mantang nagkukurahaw an mga soldados asin nagtatanog an mga trompeta.

Deuteronomio 32:22

Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?