Jeremias 17:25 - Marahay na Bareta Biblia

²⁵ Dangan malaog sa mga trangkahan nin Jerusalem an saindang mga hade saka mga prinsipe na igwa nin kapangyarihan na pareho kan ki David. Kaiba kan mga taga Juda saka mga taga Jerusalem malunad sinda sa mga karwahe saka sa mga kabayo, asin an syudad nin Jerusalem magdadanay na pano nin tawo.

Jeremias 17:25 ပူးပေါင်းရင်းမြစ်များ

2 Samuel 7:16

Danay kang magkakaigwa nin mga kapagarakian, asin an saimong trono magdadanay sagkod lamang. Mayo nin kataposan an saimong kahadean.’”

2 Samuel 8:4

Binihag ni David an mil syete syentos sa mga nakakabayong soldados ni Hadadezer asin beynte mil kan saiyang mga soldados. Pinirilayan niya an mga kabayo, alagad nagtada siya para sa sanggatos na karwahe.

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 13:13

Dangan sabihan mo sinda na ako, an Kagurangnan, an mapano sa gabos na nag-eerok sa dagang ini nin arak sagkod na maburat sinda; sa mga hade, na mga kapagarakian ni David, sa mga padi, sa mga propeta, saka sa gabos na taga Jerusalem.

Jeremias 22:2

asin ipinasabi niya sa hade, sa mga opisyal kaini, saka sa mga taga Jerusalem na maghinanyog kaining tataramon nin Kagurangnan:

Jeremias 22:30

“An tawong ini kinondenar tanganing mawaraan nin mga aki, tanganing magin sarong tawo na dai nanggad mag-uuswag. Dai siya magkakaigwa nin mga kapagarakian na maghahade sa Juda bilang mga kasalihid ni David. Ako, an Kagurangnan an nagtaram.”

Jeremias 22:4

Kun kukuyogon nindo an pagboot ko, magpapadagos bilang mga hade an mga kapagarakian ni David. Dangan magpapadagos sinda, kaiba an saindang mga opisyal saka nasasakopan, sa paglaog sa nga trangkahan kan palasyong ini, na nakalunad sa mga karwahe saka mga kabayo.

Jeremias 25:5

Tinaraman ninda kamo na magtalikod na sa maraot nindong pamumuhay asin sa mga karatan na ginigibo nindo, tanganing magpadagos kamong nag-eerok sa daga na itinao saindo nin Kagurangnan asin sa saindong mga ginikanan bilang pamana sagkod lamang.

Jeremias 33:15

Sa panahon na iyan, pipilion ko bilang hade an sarong matanos na kapagarakian ni David. Gigibohon kan hade an tama saka matanos sa bilog na daga.

Jeremias 33:17

Ako, an Kagurangnan, nanunuga na danay na magkakaigwa nin kapagarakian ni David na maghahade sa Israel,

Jeremias 33:21

Sa siring na paagi, nakipagtipan ako sa sakong sorogoon na si David na danay siyang magkakaigwa nin kapagarakian na matukaw bilang hade, saka nakipagtipan ako sa mga padi na hale sa tribu ni Levi na danay sindang maglilingkod sako, asin an mga tipan na iyan dai nanggad mababago.

Jeremias 7:7

Kun magbago kamo, papaerokon ko kamo digdi sa daga na itinao ko sa mga ginikanan nindo bilang pamana sagkod lamang.

Deuteronomio 17:16

An hade dai dapat magkaigwa nin dakul na kabayo para sa saiyang hukbo; dai siya dapat magpadara nin mga tawo tanganing magbakal nin mga kabayo sa Egipto, huli ta ipinangalad nin Kagurangnan an pagbalik duman kan saiyang banwaan.

Hebreyo 12:22

Kundi nagdolok kamo sa Bukid nin Sion asin sa syudad kan buhay na Dios, an langitnon na Jerusalem, na may dai mabilang na mga anghel na maogmang nagtitiripon.

1 Samuel 8:11

Olay niya, “Ini an gigibohon saindo kan saindong hade: kukuahon niya an saindong mga aking lalaki dangan gigibohon na mga soldados; an iba sainda malunad sa saiyang mga karwahe, an iba sa mga kabayo, asin an iba magdadalagan sa enotan kan saiyang mga karwahe.