Jeremias 17:23 - Marahay na Bareta Biblia

²³ An saindang mga ginikanan dai naghinanyog sako ni nagkuyog. Nagin matagas an saindang payo; habo nindang magdangog o magpatukdo sako.

Jeremias 17:23 ပူးပေါင်းရင်းမြစ်များ

Salmo 50:17

Habo kang sagweon; tinalikodan mo an mga pagboot ko.

Mga Talinhaga 1:3

Tutukdoan kamo kaini kan matanos na paagi nin pamumuhay, pagigin onesto, matanos, asin mayong pagpapalaen sa kapwa.

Mga Talinhaga 1:5

An mga talinhagang ini makakadagdag sa naaaraman kan mga madonong asin makakagiya sa mga tawong may inadalan,

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Mga Talinhaga 5:12

Masabi kamo, “Tadaw ta ikinaongis ko an saindang mga hatol? Tadaw ta isinikwal ko an saindang mga pagsagwe?

Mga Talinhaga 8:10

Pilion nindo an sakong katukdoan embes na plata; an pakasabot ki sa pinong bulawan.

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Jeremias 11:10

Binalikan ninda an mga kasalan kan saindang mga ginikanan, na habong maghinanyog kan sakong mga tataramon; nagsamba sinda sa ibang mga dios. Linapas kan Israel saka kan Juda an tipan na ginibo ko sa saindang mga ginikanan.

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 32:33

Tinalikodan ninda ako asin maski padagos ko sindang tinutukdoan, dai sinda naghinanyog saka nag-adal.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Jeremias 6:8

Mga taga Jerusalem, magin patanid logod saindo an mga kasakitan na ini. Huli ta kun dai kamo maghinanyog, papabayaan ko kamo. Gigibohon kong sarong desyerto an saindong syudad, sarong lugar na mayo nin nag-eerok.”

Jeremias 7:28

Sasabihan mo sinda na an nasyon ninda dai minakuyog sako, an saindang Kagurangnan Dios, ni minaako nin pagsagwe. Mayo na sa sainda an katotoohan; dai na ngani ninda ini nasasambit.

Ezekiel 20:13

Alagad maski sa kalangtadan, sinuhay ninda ako. Dai sinda naglakaw sosog sa sakong mga pagboot asin tinalikodan ninda an sakong mga togon, na nagtatao nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Ezekiel 20:16

Nagsumpa ako huli ta isinikwal ninda an sakong mga pagboot. Dai sinda naglakaw sosog sa sakong mga togon asin linapas ninda an Sabbath. Pinaorog ninda an pagsamba sa mga dios-dios.

Ezekiel 20:21

“Alagad an henerasyon na idto nagtumang man sako. Dai sinda naglakaw sosog sa sakong mga pagboot asin sinuhay ninda an sakong mga togon, na nagdadara nin buhay sa kiisay man na nagkukuyog kan mga iyan. Linapas ninda an Sabbath. Andam na kuta akong iula sainda an labi-labi kong kaanggotan duman sa kalangtadan asin gadanon sinda.

Sofonias 3:7

Naghona ako na an sakong banwaan magalang sako asin maako kan sakong pagdidisiplina, na dai nanggad ninda malilingawan an adal na itinukdo ko sainda. Alagad dai nahaloy, nagbalik sinda sa dati nindang maraot na mga gibo.

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Hukom 6:10

Tinaraman ko kamo na ako an Kagurangnan na saindong Dios, asin na dai kamo magsamba sa mga dios-dios kan mga Amoreo na dating kagsadiri kan dagang pinag-eerokan nindo ngunyan. Alagad dai kamo nagdangog sako.”