Jeremias 17:19 - Marahay na Bareta Biblia

¹⁹ Tinaraman ako nin Kagurangnan, “Jeremias, magduman ka asin ipahayag mo an sakong mensahe sa Trangkahan nin Banwaan, na inaagihan kan mga hade nin Juda kun sinda malaog saka maluwas sa syudad, dangan magduman ka sa gabos na trangkahan kan Jerusalem.

Jeremias 17:19 ပူးပေါင်းရင်းမြစ်များ

Mga Talinhaga 8:1

Hinanyoga an pag-apod kan kadonongan asin an pagkurahaw kan pakasabot.

Mga Talinhaga 9:3

Sinugo niya an saiyang mga sorogoon na babae na magduman sa pinakahalangkaw na lugar kan banwa tanganing mag-apod nin siring:

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Jeremias 17:20

Sabihan mo an mga hade, an gabos na taga Juda asin an lambang nag-eerok sa Jerusalem, saka an naglalaog sa mga trangkahan na ini, na hinanyogon an sasabihon ko.

Jeremias 19:2

dangan ipag-iba sinda sa Kapantayan nin Hinnom, pakaluwas sa Trangkahan kan Paragibo nin Koron. Ipapahayag ko duman an mensahe na itatao niya sako.

Jeremias 26:2

tinaraman ako nin Kagurangnan, “Tumindog ka sa patyo kan Templo saka ipahayag mo an gabos na tataramon na ipinagboot kong sabihon mo sa mga tawong hale pa sa mga banwa nin Juda na nagduruman sa Templo tanganing magsamba. Dai mo pagpakulangan maski sarong tataramon.

Jeremias 36:10

Dangan binasa ni Baruc an gabos na ipinasurat ko saiya, mantang naghihinanyog an gabos na tawo. Ginibo niya ini sa laog kan Templo, sa kwarto ni Gemarias na aking lalaki ni Safan, na sekretaryo. An kwarto niya nasa itaas na patyo na harani sa palaog kan Bagong Trangkahan kan Templo.

Jeremias 36:6

Alagad boot kong dumuman ka sa masunod na pag-ayuno kan mga tawo. Basahon mo nin makosog an kasuratan, tanganing madangog ninda an gabos na itinaram sako nin Kagurangnan, na ipinasurat ko man saimo. Magtindog ka sa lugar na madadangog ka kan gabos, sagkod kan mga taga Juda na maarabot hale sa saindang mga banwa.

Mga Gibo 5:20

“Dumuman kamo sa Templo; ipahayag nindo sa mga tawo an gabos na bagay dapit sa bagong buhay na ini.”