Jeremias 17:18 - Marahay na Bareta Biblia

¹⁸ Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Jeremias 17:18 ပူးပေါင်းရင်းမြစ်များ

An Libro ni Job 16:14

Daing ontok niya akong linugadan; arog sa sarong anggot na soldados, ako saiyang sinalakay.

Salmo 35:4

Mapano logod nin sopog asin disonra an mga nagmamawot kan sakong kagadanan! Magsiribog logod asin magkarilibong an mga nagpaplano sako nin karatan!

Salmo 35:8

Bigla logod na dumatong sainda an karatan, madakop sa siod na saindang tinahoban, mahulog sa kalot na saindang inandam.

Salmo 40:14

Magkasoropog logod asin magkarilibong an mga nagmamawot na gumadan sako. Magsiribog logod asin masopogan an mga nagmamawot na ako makulogan.

Salmo 70:2

Magkasoropog logod asin magkarilibong an mga nagmamawot na gumadan sako. Magsiribog logod asin magkasoropgan an nagmamawot na ako makulogan.

Salmo 71:1

Sa saimo ako minapaili, Kagurangnan, hare nanggad ako pagpasopogan!

Jeremias 1:17

Mag-andam ka, Jeremias; lakaw asin sabihan mo sinda kan gabos na ipinagboboot kong sabihon mo sainda. Dai ka ngunyan matakot sa sainda, huli ta kun matakot ka, gigibohon kong orog kang matakot kun nasa kaibahan ka na ninda.

Jeremias 11:20

Dangan namibi ako, “Kagurangnan nin mga hukbo, saro kang matanos na hukom; binabalo mo an puso asin isip nin tawo. Ibinugtak ko an sakong kaso sa saimong kamot; kaya pahilingan sako an pagbalos mo sainda.”

Jeremias 12:3

Alagad midbid mo ako, O Kagurangnan; nahihiling mo an ginigibo ko asin kun paano taka namomotan. Guyuda an mga tampalasan na ini arog sa karnerong bubunoon; isiblag mo sinda para sa aldaw nin paggadan sainda.

Jeremias 14:17

Pinagbotan ako nin Kagurangnan na itaram ko sa banwaan an manongod sa sakong kamondoan asin magsabi: “Magbulos logod an mga luha sa sakong mga mata aldaw banggi; dai logod ako mag-ontok sa pagtangis, huli ta hararom an lugad kan sakong banwaan asin an kulog na saiyang namamatean makuring marahay.

Jeremias 16:18

Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Jeremias 17:13

Kagurangnan, ika an paglaom nin Israel; mapapasopog an gabos na nagbaya saimo. Mapapara sinda arog sa ngaran na isinurat sa alpog, huli ta binayaan ka ninda, Kagurangnan, an burabod nin buhay na tubig.

Jeremias 17:16

Alagad, Kagurangnan, dai ko hinagad saimo na padarahan mo sinda nin kasakitan. Dai ako nagmamawot nin panahon nin kahorasaan para sainda. Kagurangnan, naaaraman mo ini; naaaraman mo an sinabi ko.

Jeremias 17:19

Tinaraman ako nin Kagurangnan, “Jeremias, magduman ka asin ipahayag mo an sakong mensahe sa Trangkahan nin Banwaan, na inaagihan kan mga hade nin Juda kun sinda malaog saka maluwas sa syudad, dangan magduman ka sa gabos na trangkahan kan Jerusalem.

Jeremias 20:11

Alagad ika, Kagurangnan, kasurog taka; makosog ka saka mapangyari; an mga naglalamag sako magkakadarapa. Mawawaran sinda nin onra sagkod lamang huli ta dai sinda manggagana. An pagkawara kan saindang onra dai nanggad malilingawan.

Deuteronomio 33:11

O Kagurangnan, pakosoga an saindang tribu; akoa an gibo kan saindang mga kamot. Ronota an gabos nindang kaiwal, tanganing dai na makabangon sagkod pa man.”

Kapahayagan 18:6

Gibohon nindo saiya an ginibo niya saindo; baloson nindo nin doble an saiyang ginibo. An saiyang kopa panoon nindo nin inomon na doble an isog ki kan inandam niyang inomon para saindo.