Jeremias 17:16 - Marahay na Bareta Biblia

¹⁶ Alagad, Kagurangnan, dai ko hinagad saimo na padarahan mo sinda nin kasakitan. Dai ako nagmamawot nin panahon nin kahorasaan para sainda. Kagurangnan, naaaraman mo ini; naaaraman mo an sinabi ko.

Jeremias 17:16 ပူးပေါင်းရင်းမြစ်များ

Jeremias 12:3

Alagad midbid mo ako, O Kagurangnan; nahihiling mo an ginigibo ko asin kun paano taka namomotan. Guyuda an mga tampalasan na ini arog sa karnerong bubunoon; isiblag mo sinda para sa aldaw nin paggadan sainda.

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 15:15

Dangan nagsabi ako, “Kagurangnan, ika an nakakaaram. Giromdoma ako asin tabangi. Ibalos mo ako sa mga nagpasakit sako. Dai ka magmaboot sainda huli ta tibaad magadan ninda ako. Giromdoma na nagtios ako nin kasosopgan huli saimo.

Jeremias 18:20

An karatan iyo daw an bayad sa karahayan? Alagad nag-andam sinda nin kalot na paghuhulogan ninda sako. Giromdoma kun paano ako nagtindog sa atubangan mo asin nakiolay para sainda, tanganing dai mo ipamate sainda an saimong kaanggotan.

Jeremias 20:7

Kagurangnan, dinaya mo ako, asin ako nadaya mo. Mas makosog ka ki sa sako, asin dinaog mo ako. Nagin ngingisihan ako sa bilog na aldaw; pinag-oolog-olog ako kan lambang saro.

Jeremias 20:9

Alagad kun minasabi ako, “Lilingawan ko an Kagurangnan saka dai na ako mataram sa saiyang ngaran,” garo kalayong naglalaad sa puso ko an saimong tataramon. Hiningowa ko nanggad na itago iyan, alagad dai ko na iyan mapupugol.

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Amos 5:10

Banwaan nin Israel, naoongis kamo sa kiisay man na dai minaoyon sa inhustisya asin minatuga kan bilog na katotoohan.

Mga Gibo 20:20

Dai ako nagpabaya sa paghulit saindo kan ikakarahay nindo; tinukdoan ko kamo sa publiko saka sa saindong mga harong.

Mga Gibo 20:27

Huli ta ibinareta ko saindo an bilog na katuyohan nin Dios; mayo akong itinago saindo.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

2 Corinto 2:17

Bako kaming arog sa ibang tawo na an paghulit kan tataramon nin Dios garo sana pagpabakal nin baratong paninda; sinugo kami nin Dios, kaya tudok sa puso kaming nagtataram sa atubangan niya bilang sorogoon ni Cristo.

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.

Santiago 3:1

Mga tugang ko, dai dapat na magkaigwa diyan saindo nin dakul na paratukdo, huli ta aram nindo na kaming mga paratukdo huhukoman nin orog na makuri ki sa iba.