Jeremias 17:13 - Marahay na Bareta Biblia

¹³ Kagurangnan, ika an paglaom nin Israel; mapapasopog an gabos na nagbaya saimo. Mapapara sinda arog sa ngaran na isinurat sa alpog, huli ta binayaan ka ninda, Kagurangnan, an burabod nin buhay na tubig.

Jeremias 17:13 ပူးပေါင်းရင်းမြစ်များ

Salmo 22:4

Sa saimo nagsarig an samong mga ginikanan, nagsarig, kaya tinawan mo nin kaligtasan.

Salmo 69:29

Alagad ako nasasakitan asin nakukulogan; O Dios, iitaas logod ako kan saimong kaligtasan!

Salmo 71:5

Ika, Kagurangnan, an sakuyang paglaom; sakong pagsarig poon kan ako aki pa.

Salmo 73:27

Magagadan nanggad an mga harayo saimo; ginagadan mo an mga bakong maimbod saimo.

Salmo 97:7

Sinosopog an gabos na nagsasamba sa mga ladawan, na naghahambog kan saindang mga dios na mayo nin halaga; gabos na dios minaduko sa atubang niya.

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Mga Talinhaga 14:14

An tawong maraot mag-aani kan maninigo saiya, alagad an marahay na tawo babalosan huli sa saiyang mga gibo.

Isaias 1:28

Alagad sarabay na roronoton nin Kagurangnan an mga rebelde saka an mga makasalan asin an mga nagtalikod saiya magkakagaradan.

Isaias 66:5

Dangoga nindo kun ano an sinasabi nin Kagurangnan, kamo na may pagkatakot asin nagkukuyog saiya: “Huli ta maimbod kamo sako, naoongisan kamo kan saindong mga kahimanwa asin isinisikwal. Pinag-oolog-olog kamo asin nagsasabi sinda, ‘Ipahiling logod nin Kagurangnan an saiyang kadakulaan asin iligtas kamo, tanganing mahiling mi kamo na nag-oogma.’ Alagad sinda man sana an mapapasopog!

Jeremias 14:8

Ika sana an paglaom nin Israel; ika an nagliligtas samo sa panahon nin kasakitan. Tadaw ta arog ka sa sarong dayuhan sa samong daga, arog sa sarong parabaklay na nakikitorog sana sa laog nin sarong banggi?

Jeremias 17:17

Dai ka logod magin sarong katakotan para sako; ika an sakong pailihan sa aldaw nin kahorasaan.

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Jeremias 17:5

Nagtataram an Kagurangnan, “Kokondenaron ko an tawong minatalikod sako asin minasarig sa saiyang kapwa, sa kosog nin sarong tawo na magagadanon.

Jeremias 19:4

Gigibohon ko ini huli ta binayaan ako kan banwaan asin dinigtaan ninda an lugar na ini sa pagdolot ninda digdi nin mga sakripisyo sa ibang mga dios, na dai man ninda midbid, ni kan saindang mga ginikanan asin kan mga hade nin Juda. Pinano ninda an lugar na ini nin dugo kan mga tawong mayo nin sala.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Jeremias 2:17

Israel, ika an nagdara kaini sa saimong sadiri! Tinalikodan mo ako, an Kagurangnan na saimong Dios, kan pinapangenotan ko kamo sa saindong pagbaklay.

Jeremias 50:7

Sinalakay sinda kan gabos na nakanumpong sainda. Nagsabi an saindang mga kaiwal, ‘Nagkasala sinda sa Kagurangnan, kaya bakong maraot an samong ginibo. Nagsarig sa Kagurangnan an saindang mga ginikanan, asin kutana, nagdanay man sindang maimbod saiya.’

Ezekiel 13:9

Papadusahan ko kamong mga propeta na naglaladawan nin bakong totoong mga bisyon asin kaputikan na pahayag manongod sa maabot na panahon. Dai kamo makakaayon sa pagtiripon kan sakong banwaan tanganing maggibo nin mga desisyon; an saindong mga ngaran dai makakabilang sa listahan kan mga syudadano nin Israel. Dai nanggad kamo makakabalik sa saindong daga. Dangan maaaraman nindo na ako an Kagurangnan Dios.

Ezekiel 16:63

Papatawadon ko an mga karatan na naginibo mo, alagad magigiromdoman mo an mga iyan asin masosopog ka maski sa pagbuka kan saimong ngoso.” An Kagurangnan Dios an nagtaram.

Ezekiel 36:32

O Israel, boot kong maaraman mo na ginigibo ko an gabos na ini bakong huli saimo. Boot kong mamatean mo an kasosopgan saka an pagkawara nin onra huli kan mga ginigibo mo. Ako, an Kagurangnan Dios, an nagtaram.”

Daniel 12:2

Mabubuhay giraray an kadaklan sa mga gadan na; an nagkapira mabubuhay sagkod pa man, mantang an iba magtitios nin daing kataposan na kasosopgan.

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Zacarias 13:1

“Pag-abot kan panahon na iyan,” nagtataram an Kagurangnan nin mga hukbo, “bubukasan an sarong burabod tanganing linigan kaini kan saindang kasalan saka karigsokan an mga kapagarakian ni David asin an mga nag-eerok sa Jerusalem.

Zacarias 9:12

Magpuli na kamo, mga itinapok na ngunyan igwa nang paglaom; magpuli kamo sa ligtas nindong mga harong. Ngunyan tinataraman ko kamo na babayadan ko nin dobleng bendisyon an gabos na tinios nindo.

Lukas 10:20

Alagad mag-ogma kamo bakong huli ta nagkukuyog saindo an mga maraot na espiritu kundi huli ta nasusurat sa langit an saindong mga ngaran.”

Juan 4:10

Nagsimbag si Jesus, “Kun aram mo sana an balaog nin Dios asin kun siisay an naghahagad saimo nin inomon, ika kutana an mahagad saiya. Tatawan ka kutana niya kan tubig na nagtatao nin buhay.”

Juan 4:14

alagad an siisay man na uminom kan tubig na itatao ko, dai na nanggad mapapaha. Huli ta an tubig na itatao ko magigin sarong burabod na magtatao saiya nin buhay na daing kataposan.”

Mga Gibo 28:20

Iyo ini an dahelan kun tadaw ta hinagad ko na mahiling kamo asin makipag-olay saindo. Nakakadenahan ako dahel saiya, na iyo an paglaom kan mga Israelita.”

1 Timoteo 1:1

Surat na hale ki Pablo na apostol ni Cristo Jesus huli sa kabotan nin Dios na satong Paraligtas asin ni Cristo Jesus na satong paglaom.

Kapahayagan 20:15

An siisay man na an ngaran dai nasusurat sa libro nin buhay itinapok sa danaw nin kalayo.

Kapahayagan 21:6

Dangan nagsabi siya, “Natapos na! Ako an Alfa asin an Omega; ako an kapinonan asin an kataposan. An siisay man na napapaha, mayong bayad na papainomon ko hale sa burabod nin tubig na nagtatao nin buhay.

Kapahayagan 22:1

Ipinahiling pa sako kan anghel an salog kan tubig nin buhay, nagkikintab siring sa kristal, na nagbubulos hale sa trono kan Dios asin kan Kordero,

Kapahayagan 22:17

“Madya!” an sabi kan Espiritu asin kan Nobya. An makadangog kaini dapat man magsabi, “Madya!” Magdolok an siisay man na napapaha; an nagmamawot, mayong bayad na makakakua kan tubig nin buhay.

Kapahayagan 7:17

huli ta an Kordero na nasa tahaw kan trono iyo an saindang pastor. Dadarahon niya sinda sa mga burabod nin tubig na nagtatao nin buhay, asin papahidon nin Dios an gabos na luha sa saindang mga mata.”