Jeremias 17:10 - Marahay na Bareta Biblia

¹⁰ Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Jeremias 17:10 ပူးပေါင်းရင်းမြစ်များ

1 Mga Hade 8:39

hale sa langit na saimong erokan hinanyoga sinda saka patawada; itao mo an tamang balos sa saindang mga gibo, huli ta ika an nakakaaram kan nasa saindang puso,

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

1 Mga Cronica 29:17

O Dios ko, aram kong binabalo mo an puso asin nawiwilihan mo an matanos. Sa malinig na puso, boluntad na idinodolot ko ini gabos, asin nahiling ko an saimong banwaan na maogma saka bulahos na nagdodolot saimo.

2 Mga Cronica 6:30

hale sa langit na saimong erokan hinanyoga siya asin patawada; itao mo sa lambang saro an maninigo sa saiyang mga gibo, huli ta ika sana an nakakaaram kan nasa puso nin mga tawo;

An Libro ni Job 34:11

Binabalosan niya an tawo sosog sa saiyang gibo, asin tinatratar sinda sosog sa maninigo.

Salmo 44:21

dai mo daw iyan maisihan, huli ta aram mo an mga hilom nin puso?

Salmo 44:22

Alagad huli saimo kami ginagadan sa bilog na aldaw, inaarog sa mga karnerong bubunoon.

Salmo 62:12

asin an danay na pagkamoot. Ika, Kagurangnan, an mabalos sa kiisay man sosog sa saiyang mga gibo.

Salmo 7:10

An kalasag ko iyo an Dios, na nagliligtas sa mga matanos.

Salmo 7:9

O Dios na matanos, ika na naghuhukom kan samong kaisipan asin kamawotan. Paontoka an karatan kan mga tampalasan; alagad bendisyonan mo an mga banal.

Mga Talinhaga 12:14

Babalosan ka sosog sa saimong mga tataramon saka mga gibo; makakamtan mo an maninigo sa saimo.

Mga Talinhaga 17:3

Binabalo sa kalayo an bulawan saka an plata, alagad an minabalo kan puso nin tawo iyo an Kagurangnan.

Parahulit 9:3

Pareho an kataposan kan gabos na tawo, asin ini saro man na karatan arog kan ibang nangyayari sa kinaban na ini. Mantang nabubuhay pa an mga tawo, an saindang isip pano nin karatan saka karungawan, dangan nagagadan sinda tolos.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Jeremias 11:20

Dangan namibi ako, “Kagurangnan nin mga hukbo, saro kang matanos na hukom; binabalo mo an puso asin isip nin tawo. Ibinugtak ko an sakong kaso sa saimong kamot; kaya pahilingan sako an pagbalos mo sainda.”

Jeremias 12:13

An sakong banwaan nagtanom nin trigo, alagad doot an inani; nagpagal sinda nin marahay, alagad dai sinda nagkinabang. Huli kan sakong labi-labing kaanggotan mayo sinda nin inani sa saindang mga tinanom.”

Jeremias 20:12

Alagad, Kagurangnan nin mga hukbo, matanos mong binabalo an mga tawo; naaaraman mo an nasa saindang mga puso saka isip. Kaya pabayaan mong mahiling ko an pagbalos mo sa sakong mga kaiwal, huli ta ibinugtak ko sa saimong mga kamot an sakong ipinaglalaban.

Jeremias 21:14

Alagad papadusahan taka sa ginibo mo. Susuloon ko an saimong palasyo, asin an gabos sa palibot kaiyan. Ako, an Kagurangnan, an nagtaram.”

Jeremias 23:2

Iyo ini an itinaram nin Kagurangnan, an Dios nin Israel, manongod sa mga pamayo na dapat kutana nag-aataman kan saiyang banwaan: “Dai nindo inataman an banwaan ko; iwinarak nindo sinda saka isinubol sa harayo. Papadusahan ko kamo ngunyan huli kan karatan na saindong ginibo.

Jeremias 32:19

dakula an saimong katuyohan asin makangangalas an saimong mga gibo. Nahihiling mo an ginigibo kan tawo, asin binabalosan mo sinda sosog sa saindang gibo.

Ezekiel 11:5

Napasairarom ako kan espiritu nin Kagurangnan asin tinaraman niya akong itao an mensaheng ini sa mga tawo: “Banwaan nin Israel, aram ko kun ano an pinagsasabi nindo asin kun ano an saindong pinaplano.

Ezekiel 14:5

Pinaharayo sa sako kan mga dios-dios na iyan an mga Israelita, alagad huli kan sakong simbag, linalaom kong magigin maimbod giraray sinda sako.

Mikas 7:13

Alagad magigin sarong desyerto an daga huli kan karatan kan mga nag-eerok diyan.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Mateo 6:4

tanganing magin hilom an saindong paglimos; asin babalosan kamo kan saindong Ama na nakakahiling sa hilom.

Juan 2:25

Dai na kaipuhan na sabihan pa siya dapit sa mga tawo, huli ta aram na niya kun ano an nasa puso ninda.

Mga Gibo 1:24

Dangan namibi sinda, “Kagurangnan, aram mo an nasa puso kan gabos na tawo. Kaya tukdoan samo kun siisay sa duwang ini an pinili mo

Roma 6:21

Alagad anong karahayan an nakua nindo sa paggibo kan mga bagay na idto na ngunyan ikinakasopog nindo? An bunga kan mga bagay na idto, kagadanan!

Roma 8:27

An Dios na nakakaaram kan nasa puso nin tawo, nakakaaram kan boot sabihon kan Espiritu, huli ta an Espiritu namimibi sosog sa kabotan nin Dios para sa mga banal.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.

Kapahayagan 20:12

Pakatapos, nahiling ko an mga gadan, dakula asin sadit, na nakatindog sa atubangan kan trono. Binuklat an mga libro, dangan binuklat man an saro pang libro na iyo an libro nin buhay. An mga nagadan hinukoman sosog sa ginibo ninda na nakasurat sa mga libro.

Kapahayagan 22:12

“Hinanyoga ako!” an sabi ni Jesus. “Madali na akong umabot! Dara ko an mga premyo na itatao ko sa lambang saro sosog sa saiyang ginibo.

1 Samuel 16:7

Alagad tinaraman siya nin Kagurangnan, “Dai ka maghiling sa saiyang pagkanigwapo o pagkanihalangkaw, huli ta hinaboan ko siya. Dai ako naghuhukom siring sa paghukom nin tawo. Hinihiling nin tawo an panluwas na porma, alagad an hinihiling ko iyo an puso.”