Jeremias 17:1 - Marahay na Bareta Biblia

¹ Nagsasabi an Kagurangnan, “Mga taga Juda, an saindong mga kasalan isinurat sa paagi kan lansang na pluma; inukit iyan nin sarong pang-ukit na dyamante sa saindong mga puso saka sa mga sungay kan saindong mga altar.

Jeremias 17:1 ပူးပေါင်းရင်းမြစ်များ

Mga Talinhaga 3:3

Padanaya saimo an kaimbodan; ikulintas mo iyan sa saimong liog asin isurat sa saimong puso.

Mga Talinhaga 7:3

Ibugkos mo iyan sa saimong mga muro asin isurat mo sa saimong puso.

Isaias 49:16

Jerusalem, dai taka nanggad malilingawan! Isinurat ko sa sakong mga palad an saimong ngaran.

Jeremias 11:13

An mga dios-dios kan mga taga Juda arog kadakul kan saindang mga syudad asin an mga altar na itinugdok kan mga nag-eerok sa Jerusalem para sa makauuyam na dios-dios na si Baal arog kadakul kan mga tinampo nin Jerusalem.

Jeremias 2:22

Maski ka pa maggamit nin lihiya saka dakul na sabon sa paghugas, mahihiling ko man giraray an digta kan saimong kasalan.

Jeremias 31:33

Siring kaini an gigibohon kong tipan sa mga taga Israel: Ibubugtak ko an sakong togon sa saindang isip saka isusurat ko iyan sa saindang puso. Ako an magigin Dios ninda, asin sinda an magigin banwaan ko.

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Oseas 12:11

Alagad an pagsamba sa mga dios-dios ginigibo sa Gilead, asin magagadan an mga nagsasamba sainda. Nagsasakripisyo sinda nin mga torong baka sa Gilgal, asin magigin mga tambak nin gapo sa kaawagan an mga altar duman.”

Oseas 7:2

Dai lamang naglaog sa saindang isip na magigiromdoman ko an gabos na karatan na ini; alagad napapalibotan sinda kan saindang mga kasalan, asin dai pwedeng dai ko mahiling an mga iyan.”

Oseas 8:11

“Kan nagdakul an altar na itinugdok kan banwaan nin Israel para sa paghale nin kasalan, nagdakul man an mga lugar para sa saindang pagkasala!

Levitico 4:25

Idodotdot kan padi an saiyang muro sa dugo kan kanding asin lalahidan niya an mga sungay kan altar, dangan iuula niya an matatadang dugo sa pamitisan kan altar.

Zacarias 7:12

asin pinatagas an saindang mga puso. Huli ta habo nindang dangogon an katukdoan na ipinadara ko sa paagi kan mga propeta na nabuhay kaidtong panahon. Kaya naanggot ako nin marahay.

2 Corinto 3:3

Malinaw na si Cristo mismo an nagsurat kaiyan; kami sana an nagdara. Dai iyan isinurat sa tinta, kundi sa paagi kan Espiritu nin Dios na buhay; dai iyan isinurat sa mga pedasong gapo kundi sa puso nin tawo.