Jeremias 16:7 - Marahay na Bareta Biblia

⁷ Mayo na nin makakan o mainom na kahampang kan tawong nawaraan nin sarong namomotan sa buhay. Mayo na nin makikidamay maski sa sarong nagadanan nin ama o ina.

Jeremias 16:7 ပူးပေါင်းရင်းမြစ်များ

An Libro ni Job 42:11

Dinalaw si Job kan gabos niyang tugang na lalaki saka babae asin mga dating katood; ipinahiling ninda an saindang pakidumamay saiya asin rinanga ninda siya sa gabos na kasakitan na dinara nin Kagurangnan saiya. An lambang saro nagtao saiya nin kwarta asin bulawan na singsing.

Parahulit 4:1

Dangan hiniling ko giraray an gabos na inhustisya na ginigibo sa kinaban. Nagtatangis an mga inaapi asin mayo nin minaranga sainda, huli ta an mga nag-api sainda iyo an igwa nin kapangyarihan.

Jeremias 22:10

Banwaan nin Juda, dai nindo pagtangisan si Hadeng Josias; dai nindo ipagmondo an saiyang pagkagadan. Alagad pagtangisan nindo nin mapait si Joahaz, na saiyang aking lalaki; dinara ninda siya sa harayo, dai na nanggad siya makakabalik, asin dai na nanggad niya mahihiling an daga na saiyang namundagan.

Mga Panambitan 1:9

An saiyang ati madaling nahiling; alagad dai niya pinahalagahan an saiyang kataposan. Mangirhat an saiyang pagkarumpag; mayo nin pwedeng magranga saiya. Nanggana an saiyang mga kaiwal, asin naghahagad siya nin pagkaherak sa Kagurangnan.

Ezekiel 24:17

Mag-agrangay ka, alagad dai dapat madangog iyan; dai ka nanggad magpahiling na ika nagmomondo. Dai ka mag-aris nin buhok ni magtangkas kan sandalyas. Dai mo pagtahoban an saimong lalawogon o magkakan kan kakanon nin mga nagmomondo.”

Oseas 9:4

Sa mga dayuhan na dagang idto dai sinda makakapagdolot nin arak sa Kagurangnan; dai sinda makakadara saiya nin mga sakripisyo. Madidigtaan an siisay man na magkakan kan saindang kakanon, arog kan kakanon na kinakakan sa harong na may gadan. Huli ta an kakanon ninda panhale sana kan gutom; dai iyan dadarahon bilang dolot sa Templo nin Kagurangnan.

Deuteronomio 26:14

Dai ako nagkakan nin ano man na himoloan kan ako nagmomondo; dai ko ilinuwas sa harong an arin man kaiyan kan ako bakong malinig; dai ko inatang an arin man kaiyan para sa mga gadan. Kinuyog taka, O Kagurangnan; sinunod ko an gabos mong pagboot manongod sa himoloan.