Jeremias 16:5 - Marahay na Bareta Biblia

⁵ “Kaipuhan na dai ka maglaog sa sarong harong na igwa nin nagtatangis. Dai ka magmondo para sa kiisay man. Hinale ko na sa sakong banwaan an sakong katoninongan, an danay kong pagkamoot saka pagkaherak.

Jeremias 16:5 ပူးပေါင်းရင်းမြစ်များ

Salmo 25:6

Giromdoma, Kagurangnan, an saimong pagkaherak asin danay na pagkamoot, na ipinahiling mo poon pa kaidto.

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Jeremias 12:12

Hale sa gabos na kalangkawan nin desyerto nag-abot an mga lalaking mananamsam. Nagpadara ako nin gera tanganing raoton an bilog na daga; mayong makakapamuhay na matoninong.

Jeremias 13:14

Dangan pagtatarangkoon ko sinda na garo mga tapayan sagkod na maronot sinda gabos, gurang man o aki. Dai ako maheherak sainda maski kadikit.”

Jeremias 16:13

Kaya, itatapok ko kamo sa luwas kan dagang ini, sa sarong daga na dai nindo aram ni kan saindong mga ginikanan. Duman, aldaw-banggi kamong maglilingkod sa ibang mga dios asin dai ako maheherak saindo.’”

Mga Panambitan 3:17

An sakong kalag mayo nin katoninongan; lingaw ko na kun ano an kaogmahan.

Zacarias 8:10

Bago kan panahon na idto, mayo nin siisay man na pwedeng magtandan nin mga tawo o mga hayop, asin mayo nin ligtas sa saiyang mga kaiwal; huli ta pinangyari kong magralaban an lambang saro.

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.

Kapahayagan 6:4

Nagluwas naman an sarong kabayong pula. An nangangabayo tinawan nin kapangyarihan na magdara nin gera sa kinaban tanganing an mga tawo maggaradanan. Tinawan siya nin sarong dakulang espada.