Jeremias 16:4 - Marahay na Bareta Biblia

⁴ Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 16:4 ပူးပေါင်းရင်းမြစ်များ

2 Mga Hade 9:10

Si Jezebel kakakanon kan mga ayam sa daga kan Jezreel asin mayo nin malubong saiya.’” Pakasabi kaini, nagluwas siya sa kwarto asin nagdulag.

Salmo 78:64

Huli sa espada, an saindang mga padi nagkagaradan; asin an saindang mga balo dai nakapanambitan.

Salmo 83:10

Dinaog mo sinda duman sa Endor, asin an saindang mga bangkay nalapa sa daga.

Isaias 18:6

An bangkay kan saindang mga soldados magkakawaralat sa mga gamgam saka sa mga lalaw na hayop. Sa tig-init, kakakanon kan mga gamgam an saindang mga bangkay, asin sa tig-lipot, an mga lalaw na hayop an magibo kaiyan.”

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Jeremias 19:7

Sa lugar na ini hahalean ko nin halaga an mga plano kan mga taga Juda saka mga taga Jerusalem. Ipapadaog ko sinda asin ipapagadan sa saindang mga kaiwal. An saindang mga bangkay itatao ko sa mga gamgam saka sa mga lalaw na hayop bilang kakanon.

Jeremias 21:6

Gagadanon ko an mga nag-eerok sa syudad na ini; magin tawo o hayop parehong magagadan sa makuring peste.

Jeremias 25:33

Sa aldaw na iyan, magkakawararak magpoon sa sarong poro kan daga sagkod sa ibong na poro an mga bangkay kan mga tawong ginadan nin Kagurangnan. Dai sinda tatangisan, titiponon saka ilulubong; magigin sinda garo tambak nin odo sa ibabaw kan daga.

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Jeremias 34:20

Itatao ko sinda sa mga kaiwal ninda, na boot gumadan sainda, asin an bangkay ninda kakakanon kan mga gamgam asin kan mga lalaw na hayop.

Jeremias 36:30

Kaya ngunyan, ako, an Kagurangnan, nagsasabi saimo, Hadeng Jehoiakim, na mayo nin siisay man sa mga kapagarakian mo na maghahade sa kahadean ni David. Itatapok sa luwas an saimong bangkay asin tanganing mabalad kun aldaw saka maambonan kun banggi.

Jeremias 44:12

Tutunawon ko an gabos na natada sa Juda na nagpirit nanggad na magduman saka mag-erok sa Egipto. Sinda gabos, dakula man o sadit, magagadan sa Egipto; magagadan sinda sa gera o sa gutom. Magigin sarong tanawon sinda na nakakatakot; pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 44:27

Babantayan ko nanggad na dai kamo mabuhay kundi magadan. Gabos kamo magagadan sa gera o sa peste, sagkod na mayo saindo nin matada.

Jeremias 7:33

An mga bangkay magigin pagkakan kan mga gamgam saka mga lalaw na hayop; mayo nin mabugaw sainda.

Jeremias 9:22

Nagwararak maski saen an mga bangkay, na garo mga tambak nin ati sa kaomahan, na garo mga paroy na inasyab kan mga paraani dangan binayaan na mayo nin minatipon. Ini an ipinapataram sako nin Kagurangnan.”

Mga Panambitan 4:9

Mas marahay pa an mga nagadan sa gera ki sa nagadan sa gutom, na luway-luway na nagagadan huli ta mayo sinda nin makakakan.

Ezekiel 24:21

na itao ko sa saindong mga Israelita an mensaheng ini: Hilinga, didigtaan ko an Templo, an orgulyo kan saindong kapangyarihan, an nawiwilihan kan saindong mga mata asin kamawotan kan saindong kalag. An saindong mga aking lalaki saka babae, na binayaan nindo sa Jerusalem, gabos magagadan sa gera.

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Sofonias 1:17

An Kagurangnan nagtataram, “Dadarahon ko sa katawohan an siring na mga kasakitan tanganing an lambang saro maglakaw na garo buta. Nagkasala sinda sako, kaya an saindang dugo mabulos na garo tubig, asin an saindang mga bangkay magkakawararak sa daga.”

Deuteronomio 28:22

Hahampakon niya kamo nin mga nakakaolakit na helang, kalentura, paggatok kan hawak; mapadara siya nin labi-labing init sagkod bagyo na maraot kan saindong mga tinanom. Dai kamo oontokan kan mga iyan sagkod na dai kamo magadan.

Deuteronomio 28:26

Kun garadan na kamo, an saindong mga bangkay kakakanon kan mga gamgam asin mga lalaw na hayop, asin mayong maalaw sainda.