Jeremias 16:21 - Marahay na Bareta Biblia

²¹ “Kaya,” an sabi nin Kagurangnan, “ngunyan asin sagkod lamang ipapaaram ko sa mga nasyon an sakong kapangyarihan asin an sakong kosog; maaaraman ninda na ako an Kagurangnan.”

Jeremias 16:21 ပူးပေါင်းရင်းမြစ်များ

Salmo 83:18

Masabotan logod ninda na ika sana an Kagurangnan; na ika an orog kahalangkaw sa bilog na kinaban.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Exodo 14:4

Papatagason ko an saiyang puso, kaya lalamagon niya kamo, alagad an kapangganahan ko saiya asin sa saiyang mga hukbo an matao sako nin kaomawan. Dangan maaaraman ninda na ako an Kagurangnan.” Sinunod kan mga Israelita an ipinagibo sainda.

Exodo 15:3

An Kagurangnan sarong paralaban; Kagurangnan an saiyang ngaran.

Exodo 6:3

Nagpahiling ako ki Abraham, ki Isaac, asin ki Jacob bilang Dios na makakamhan sa gabos, alagad dai ako nagpamidbid sa sainda sa banal kong ngaran na Kagurangnan.

Isaias 43:3

Huli ta ako an Kagurangnan na saimong Dios, an banal na Dios nin Israel, an nagliligtas saimo. Itatao ko an Egipto bilang pantubos sa saimo; an Etiopia saka an Seba, bilang karibay mo.

Jeremias 33:2

Tinaraman ako kan Kagurangnan, na naglalang kan daga saka nagporma kaiyan, asin nagbugtak kaiyan sa tamang lugar. Siya, na Kagurangnan an ngaran, nagtaram,

Ezekiel 24:24

Dangan ako an magigin tanda para saindo. Nagtataram an Kagurangnan na kun mangyari na ini, maaaraman nindo na siya an Kagurangnan Dios.”

Ezekiel 24:27

Sa aldaw man sanang iyan, makakataram ka na asin dai na magigin pola. Makikiolay-olay ka saiya. Sa paaging iyan, magigin sarong tanda ka para sainda, asin maaaraman ninda na ako an Kagurangnan.”

Ezekiel 25:14

An sakong banwaan nin Israel mabalos sa Edom para sako, asin ipapamate ninda sa Edom an dakula kong kaanggotan. Maaaraman kan Edom na ako an Kagurangnan, kun ipahiling ko na sainda an pagbalos ko sainda.” An Kagurangnan Dios an nagtaram.

Ezekiel 6:7

An mga tawo gagadanon maski saen na lugar, asin an mga matatada magmimidbid na ako iyo an Kagurangnan.

Amos 5:8

An Kagurangnan an naggibo kan mga bitoon, kan Pleiades asin kan Orion. Pinapangagin niyang kaliwanagan an kadikloman, asin an aldaw pinapangagin niyang banggi. Inaapod niya an katubigan kan dagat dangan inuula niya iyan sa kinaban. Kagurangnan an saiyang ngaran.