Jeremias 16:18 - Marahay na Bareta Biblia

¹⁸ Magbabayad sinda nin doble para sa saindang mga kasalan asin katampalasanan, huli ta dinigtaan ninda an sakong daga kan saindang mga dios-dios na arog sa mga bangkay na mayo nin buhay; pinano ninda an daga kan saindang mga bakong totoong dios.”

Jeremias 16:18 ပူးပေါင်းရင်းမြစ်များ

Salmo 106:38

Ginadan ninda idtong mga inosenteng kaakian, kaya an daga nadigtaan nin dugo kan siring na panggagadan.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Isaias 61:7

Tapos na an saindong kasosopgan asin an pagkawara nin onra. Mag-eerok kamo sa sadiri nindong daga, asin madodoble an saindong kayamanan; an saindong kaogmahan magdadanay sagkod lamang.

Isaias 65:6

“Aram ko an gigibohon kong padusa sainda, asin nakasurat na an saindang sentensya. Dai ko papawaraan nin halaga an saindang ginibo; papadusahan ko sinda

Isaias 65:7

huli kan mga kasalan ninda, asin kan kasalan kan saindang mga ginikanan. Nagtutong sinda nin mga insenso sa paganong mga lugar na pagsasambahan asin pinakaraot ako. Kaya papadusahan ko sinda sosog sa saindang mga ginibo.”

Jeremias 17:18

Sopogon mo an mga nagpapasakit sako, alagad iligtas mo ako, Kagurangnan. Raoton mo sinda, alagad dai mo ako pagtakoton. Darahan mo sinda nin kasakitan, asin ronoton mo sinda.

Jeremias 2:7

Dinara ko sinda sa sarong matubang na daga, tanganing magpakabasog sinda sa mga bunga asin sa iba pang marahay na mga bagay na makukua duman. Alagad paglaog ninda, rinaot ninda an sakong daga; dinigtaan ninda an dagang itinao ko sainda.

Jeremias 3:9

Dai man lamang niya ikinasopog an saiyang gibo. Dinigtaan niya an daga, dangan nagkasala siya nin adulteryo sa pagsamba sa mga gapo asin mga kahoy.

Jeremias 44:4

Padagos kong sinugo saindo an mga propeta na sakong mga sorogoon. Sinabihan ninda kamo na dai nindo paggibohon an makauuyam na bagay na ini na ikinakaongis ko.

Jeremias 7:30

“Guminibo nin karatan an mga taga Juda. An mga ladawan na kinakaongisan ko ibinugtak ninda sa sakong Templo asin dinigtaan ninda ini.

Ezekiel 11:18

Pagbalik ninda, kaipuhan haleon ninda an mga maati saka makauuyam na mga dios-dios na saindang nakua.

Ezekiel 11:21

Alagad papadusahan ko an mga namomoot na magsamba sa mga maati saka makauuyam na mga dios-dios. Papadusahan ko sinda huli kan saindang ginibo.” An Kagurangnan Dios an nagtaram.

Ezekiel 36:18

Kaya inula ko sa sainda an labi-labi kong kaanggotan huli kan dakul na dugo na pinabulos ninda sa daga, asin huli kan mga dios-dios na nagin dahelan kan pagdigta ninda sa daga.

Ezekiel 5:11

“Kaya, mantang ako an Dios na buhay—iyo ini an tataramon nin Kagurangnan Dios—huli ta dinigtaan mo an sakong Templo sa paagi kan gabos na maraot saka makauuyam mong mga gibo, pupuhoon taka. Dai ako mapahiling nin anoman na pagkaherak.

Oseas 9:7

Nag-abot na an panahon nin pagpadusa, an panahon na maako an mga tawo kan maninigo sainda. Kun mangyari na iyan, maaaraman iyan kan mga Israelita! Nagsasabi kamo, “Lolong an propetang ini. Bua an tawong ini na pinasabongan nin espiritu.” Anggot kamo sako huli ta dakulang marahay an saindong kasalan.

Levitico 26:30

Raraoton ko an mga lugar na saindong pinagsasambahan sa kabubuldan, gagabaon ko an mga altar nin insenso, dangan itatapok ko an saindong mga bangkay sa ibabaw kan tumba nindong mga dios-dios. Sa kaanggotan,

Mikas 2:10

Bangon kamo asin lakaw; mayo na nin kaligtasan digdi para sa saindo. Ipinahamak kan saindong mga kasalan an lugar na ini, kaya raraoton ini.

Kapahayagan 18:6

Gibohon nindo saiya an ginibo niya saindo; baloson nindo nin doble an saiyang ginibo. An saiyang kopa panoon nindo nin inomon na doble an isog ki kan inandam niyang inomon para saindo.