Jeremias 16:16 - Marahay na Bareta Biblia

¹⁶ Nagtataram an Kagurangnan, “Mapadara ako nin dakul na parasira tanganing dakopon an mga tawong ini. Dangan mapadara ako nin dakul na paraayam tanganing hanapon sinda sa lambang bukid asin bulod, saka sa mga lungib sa kagapoan.

Jeremias 16:16 ပူးပေါင်းရင်းမြစ်များ

Genesis 10:9

Sa atubang nin Kagurangnan, siya sarong dakulang paraayam, kun kaya nagkaigwa nin kasabihan, “Siring ki Nimrod na dakulang paraayam sa atubangan nin Kagurangnan!”

Isaias 2:21

Matarago sinda sa mga lungib sa kagapoan asin sa mga barana kan mga ampas sa pagdulag sa kaanggotan nin Kagurangnan, asin sa saiyang kamurawayan, sa saiyang pagtindog sa pagyugyog kan kinaban.

Isaias 7:19

Maabot sinda gabos asin maontok sa mga ampas, sa mga lungib sa kagapoan, sa gabos na binit, patin sa gabos na pasabsaban.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 4:29

Sa ribok kan mga nangangabayo saka mga parapana, an gabos madurulag. An iba madaralagan sa kadlagan; an iba masarakat sa kagapoan. An lambang banwa babayaan asin mayo na nin mag-eerok diyan.

Jeremias 49:5

Papadarahan ko kamo nin katakotan hale sa gabos na direksyon. An lambang saro saindo madulag asin mayo na nin matipon giraray kan saindong mga soldados.

Jeremias 6:9

Nagtaram sako an Kagurangnan nin mga hukbo, “Sisimoton an Israel arog sa sarong ubasan na ginunoan kan gabos na ubas. Kaya iligtas mo an gabos na kaya mong iligtas mantang igwa pa nin panahon.”

Mga Panambitan 4:18

Binantayan kami kan mga kaiwal, kaya dai kami nakalakaw sa samong mga tinampo; bilang na an samong mga aldaw, huli ta uminabot na an samong kataposan.

Mga Panambitan 4:19

An mga naglamag samo mas marikas pa ki sa mga agila sa kaitaasan; linamag ninda kami sa kabubuldan, hinipaan ninda kami sa kalangtadan.

Oseas 10:10

Sasalakayon ko an makasalan na banwaan na ini asin papadusahan ko sinda. Magkakasararo an mga nasyon laban sainda asin papadusahan sinda huli kan kadakul nindang mga kasalan.

Amos 4:2

Huli kan saiyang kabanalan, nagsumpa an Kagurangnan Dios, “Nagdadangadang an mga aldaw na guguyodon kamo paharayo sa paagi nin mga kawit; an lambang saro saindo magigin arog sa sira na nabanwit.

Amos 5:19

An aldaw na iyan makakaarog sa tawong duminulag sa leon alagad an nasabatan sarong oso; o arog sa tawong nagpuli sa harong dangan kan magkapot siya sa lanob, kinagat siya nin halas!

Mikas 7:2

Mayo na minsan sarong onestong tawo sa daga, mayo maski sarong maimbod sa Dios. An gabos naghahalat kan tamang panahon tanganing manggadan. An lambang saro naghahanap kan saiyang kapwa tanganing gadanon.

Sofonias 1:12

“Sa panahon na iyan, makua ako nin ilawan dangan malibot ako sa Jerusalem. Papadusahan ko an mga tawong mapaabaw-abaw asin nagsasaboot, ‘Mayo man nin ginigibong maraot o marahay an Kagurangnan.’

1 Samuel 24:11

Hilinga, sakong ama, hilinga an sadit na pedasong ini kan saimong gubing! Pwede taka kutanang gadanon, alagad iyo sana ining pedaso kan saimong gubing an tinabas ko. Katunayan ini na mayo akong isip na magrebelde laban saimo o magkasala. Pinaghahanap mo ako tanganing gadanon maski mayo ako nin naginibong maraot saimo.

1 Samuel 26:20

Hare pagtugotan na magadan ako sa dayuhan na daga, harayo sa atubangan nin Kagurangnan. Tano ta magdigdi an hade nin Israel sa paggadan nin sarong purgas na arog sako? Tano ta pinaglalamag niya ako na garo sarong lalaw na gamgam?”