Jeremias 16:11 - Marahay na Bareta Biblia

¹¹ Dangan taraman mo sinda na an Kagurangnan nagsabi, ‘Nagtalikod sako an saindong mga ginikanan dangan nagsamba sinda saka naglingkod sa mga dios-dios. Binayaan ninda ako saka dai ninda kinuyog an sakong mga katukdoan.

Jeremias 16:11 ပူးပေါင်းရင်းမြစ်များ

1 Mga Hade 9:9

Masimbag an mga tawo, ‘Huli ta binayaan ninda an Kagurangnan na saindang Dios na nagluwas kan saindang mga ginikanan sa Egipto. Nagsunod sinda, naglingkod, asin nagsamba sa mga dios-dios, kaya dinara sainda nin Kagurangnan an karatan na ini.’”

2 Mga Cronica 7:22

Masimbag an mga tawo, ‘Huli ta binayaan ninda an Kagurangnan na saindang Dios na nagluwas kan saindang mga ginikanan sa Egipto. Nagsunod sinda, naglingkod, asin nagsamba sa ibang mga dios, kaya dinara sainda nin Kagurangnan an gabos na karatan na ini.’”

Jeremias 13:22

Kun maghapot ka kun tadaw ta nangyari ini saimo—kun tadaw ta ginirisi an saimong gubing asin linupigan ka—ini huli kan magabat mong kasalan.

Jeremias 2:8

An mga padi dai naghapot, ‘Haen an Kagurangnan?’ Dai ako midbid kan sadiri kong mga padi. Nagrebelde sako an mga pamayo; an mga propeta nagpropesiya sa ngaran ni Baal, saka nagsamba sa mga ladawan na mayo nin halaga.

Jeremias 22:9

Dangan masirimbag sinda, ‘Huli ta tinalikodan ninda an tipan nin Kagurangnan na saindang Dios, asin sinamba ninda saka pinaglingkodan an ibang mga dios.’”

Jeremias 44:3

huli ta naggibo nin karatan an mga nag-eerok duman saka pinaanggot ninda ako. Nagdolot sinda nin insenso saka naglingkod sa mga dios-dios na dai ninda midbid, dangan dai man nindo midbid ni kan saindong mga ginikanan.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Jeremias 9:14

Embes kaiyan, nagmatagas sinda saka nagsamba kan mga ladawan ni Baal arog kan itinukdo sainda kan saindang mga ama.

Mga Panambitan 5:7

Nagkasala an samong mga ginikanan, asin mayo na sinda ngunyan, alagad kami an nagtitios para sa saindang mga kasalan.

Ezekiel 11:21

Alagad papadusahan ko an mga namomoot na magsamba sa mga maati saka makauuyam na mga dios-dios. Papadusahan ko sinda huli kan saindang ginibo.” An Kagurangnan Dios an nagtaram.

Amos 2:4

Nagtataram an Kagurangnan, “Paulit-ulit na nagkasala an mga taga Juda, asin huli kaiyan, papadusahan ko sinda. Tinalikodan ninda an sakong mga katukdoan asin dai inotob an sakong mga pagboot. Linagalag sinda kan parehong mga dios-dios na pinaglingkodan kan saindang mga ginikanan.

Malakias 3:7

Kamo, siring kan saindong mga ginikanan na naenot saindo, nagtalikod sa sakong mga togon asin dai nindo iyan inotob. Magbalik kamo sako, asin mabalik man ako saindo. Alagad minahapot kamo, ‘Ano an kaipuhan ming gibohon tanganing makabalik sa saimo?’

1 Pedro 4:3

Kanigoan nang panahon an ginamit nindo kaidto sa paggibo kan ginigibo kan mga pagano. Namuhay kamo sa karigsokan, sa mga kamawotan nin laman, sa bururatan, sa sobrang karakanan, sa irinoman asin sa pagsamba sa mga ipinangangalad na dios-dios.

Hukom 2:11

Dangan nagkasala sa Kagurangnan an banwaan nin Israel asin nagpoon sindang magsamba sa mga Baal.