Jeremias 15:9 - Marahay na Bareta Biblia

⁹ Nanluya an ina na nawaraan nin pitong aki asin nadismayo siya. Nagin madiklom para saiya an liwanag; sinopog siya asin hinalean nin onra. Tutugotan ko an saindong mga kaiwal na gadanon an natatadang buhay pa saindo. Ako, an Kagurangnan, an nagtaram.”

Jeremias 15:9 ပူးပေါင်းရင်းမြစ်များ

Isaias 47:9

Alagad sa madaling panahon, sa laog nin sarong aldaw, an duwang bagay na ini mangyayari. Maski gamiton mo pa an gabos na salamangka, mawawaraan ka nin agom asin mga aki.

Jeremias 19:7

Sa lugar na ini hahalean ko nin halaga an mga plano kan mga taga Juda saka mga taga Jerusalem. Ipapadaog ko sinda asin ipapagadan sa saindang mga kaiwal. An saindang mga bangkay itatao ko sa mga gamgam saka sa mga lalaw na hayop bilang kakanon.

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 44:27

Babantayan ko nanggad na dai kamo mabuhay kundi magadan. Gabos kamo magagadan sa gera o sa peste, sagkod na mayo saindo nin matada.

Jeremias 50:12

alagad mapapasopog asin mawawaraan nin onra an dakula nindong syudad. An Babilonia magigin pinakahuri sa mga nasyon, sarong alang saka mayong pakinabang na desyerto.

Jeremias 6:4

Masabi sinda, “Mag-andam kita sa pagsalakay sa Jerusalem! Pag-andam, asin pagkaodto salakayon ta sinda!” Alagad masabi sindang bigla, “Mayo na kita nin panahon. Nagsosolnop na an aldaw asin nagdidiklom na.

Jeremias 7:19

Alagad ako daw an nakukulogan ninda? Bako, kundi sinda man sana an nakukulogan asin nasosopgan.

Mga Panambitan 1:1

Mapungaw na nagtutukaw an Jerusalem, na dating pano nin mga tawo! Dakula siya kaidto sa gabos na nasyon, ngunyan arog na sa sarong babaeng balo! Kaidto saro siyang prinsesa sa tahaw nin mga syudad, ngunyan saro nang oripon.

Mga Panambitan 4:10

Sa makuring kasakitan na nag-abot sa sakong banwaan, linuto kan mga mamomoton na ina an saindang kaakian tanganing magin kakanon.

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Ezekiel 5:13

“An gabat kan sakong kaanggotan mamamatean mo sagkod na makontento ako. Kun mangyari na an gabos na ini, maaaraman mo na ako, an Kagurangnan, an nagtaram saimo huli ta anggot ako sa saimong bakong pagkamaimbod.

1 Samuel 2:5

An mga tawong dating barasog nagpapatandan ngunyan, tanganing makakua sana nin pagkakan, alagad an mga dating nagugutom, basog na ngunyan. An babaeng baog nangaki nin pito, alagad an ina nin dakul dai natadaan maski saro.