Jeremias 15:8 - Marahay na Bareta Biblia

⁸ An mga babaeng balo sa daga nindo mas dakul pa ki sa baybay sa tampi kan dagat. Ginadan ko an saimong mga lalaki sa saindang pagkahoben, asin pinatios ko an saindang mga ina. Bigla kong hinampak sinda nin makuring sakit asin takot.

Jeremias 15:8 ပူးပေါင်းရင်းမြစ်များ

Isaias 3:25

An saimong mga lalaki magkakagaradan sa espada, asin an saimong makokosog na mga lalaki magkakagaradan sa gera.

Isaias 3:26

Magtatangis asin magmomondo an mga trangkahan nin Jerusalem dangan siring sa sarong babae, huba na matukaw siya sa daga.

Isaias 4:1

Pag-abot kan panahon na iyan, pupugolon nin pitong babae an sarong lalaki asin sasabihan, “Kami na an bahala kan samong kakakanon saka gugubingon, alagad pabayae kaming apodon kang samong agom, tanganing mahale sa samo an kasosopgan sa dai pagkakaigwa nin agom.”

Jeremias 16:3

Sasabihan taka kan mangyayari sa mga aking mamumundag digdi saka sa saindang mga magurang.

Jeremias 18:21

Alagad ngunyan, Kagurangnan, pabayaan mong magadan sa gutom an saindang mga aki; magadan logod sinda sa gera. Pabayaan mong mawaraan nin agom saka mga aki an mga babae; magadan logod sa helang an mga lalaki saka magadan sa gera an mga hoben nindang lalaki.

Jeremias 22:7

Mapadara ako nin mga tawong magaba kaiyan; an lambang saro sainda may darang patok. Puputolon ninda an magagayon na hariging sedro kaiyan saka itatapok sa kalayo.

Jeremias 4:16

Nagdatong sinda tanganing patanidan an mga nasyon saka sabihan an Jerusalem na nagdadangadang an mga kaiwal hale sa sarong harayong lugar. An mga kaiwal na ini makurahaw laban sa mga syudad nin Juda,

Jeremias 5:6

Kaya gagadanon sinda kan mga leon na hale sa kadlagan; roronoton sinda kan mga lobo na hale sa desyerto, saka maglilibot sa mga banwa ninda an mga leopardo. Kun magluwas an mga tawong idto, roronoton sinda, huli ta kadakul na kan saindang kasalan asin kadakul nang beses na tinalikodan ninda an Dios.

Jeremias 6:26

Tinataraman nin Kagurangnan an saiyang banwaan, “Magsulot kamo nin sako saka magligid kamo sa abo. Magtangis kamo na pano nin kapaitan, arog kan pagtangis para sa bugtong na aking lalaki, huli ta madali nang mag-abot saindo an paragadan.

Mga Panambitan 5:3

An samong mga ama ginadan kan mga kaiwal, asin an samong mga ina balo na ngunyan.

Ezekiel 22:25

An mga lider nakakabaing sa mga leon na nag-uungal sa ibabaw kan mga hayop na ginadan ninda. Ginagadan ninda an mga tawo, sinasamsam an gabos na kwarta saka mga pagsadiri na pwede nindang makua. Huli kan panggagadan ninda, dakul an nagigin balo.

Oseas 4:5

Aldaw-banggi, mayo kamong gibong matanos; an mga propeta siring man saindo. Raraoton ko an Israel, an saindong ina.

Lukas 21:35

huli ta maabot iyan sa gabos na tawo sa bilog na kinaban.