Jeremias 15:19 - Marahay na Bareta Biblia

¹⁹ Sinimbag ako nin Kagurangnan, “Kun magbalik ka, aakoon taka asin magigin sorogoon taka giraray. Kun magpapahayag ka nin sarong mahalagang mensahe, embes na magparataram ka kan bagay na mayo nin halaga, gigibohon taka giraray na propeta. Madorolok giraray saimo an mga tawo asin dai mo na kaipuhan na magduman sainda.

Jeremias 15:19 ပူးပေါင်းရင်းမြစ်များ

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

Exodo 4:12

Kaya lakaw na! Tatabangan takang magpahayag asin tutukdoan taka kan sasabihon mo.”

Mga Talinhaga 22:29

Itukdo mo sako an tawong marahay magtrabaho, asin itutukdo ko man saimo an tawong orog karahay sa gabos saka maninigo sa kaibahan kan mga hade.

Jeremias 1:9

Dangan inunat nin Kagurangnan an saiyang kamot, dinutaan an sakong ngoso, saka sinabihan ako, “Paghinanyog, itinatao ko saimo an mga tataramon na dapat mong itaram.

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 20:9

Alagad kun minasabi ako, “Lilingawan ko an Kagurangnan saka dai na ako mataram sa saiyang ngaran,” garo kalayong naglalaad sa puso ko an saimong tataramon. Hiningowa ko nanggad na itago iyan, alagad dai ko na iyan mapupugol.

Jeremias 35:19

Kaya ako, an Kagurangnan nin mga hukbo, an Dios nin Israel, nanunuga na si Jonadab na aking lalaki ni Recab danay na magkakaigwa nin sarong lalaking kapagarakian na maglilingkod sako.”

Jeremias 4:1

An Kagurangnan nagtataram, “Banwaan nin Israel, kun kamo mabalik, magbalik kamo sako. Kun haleon nindo an mga ladawan na kinakaongisan ko saka maogmang magmaimbod kamo sako,

Jeremias 6:29

Mainit nang marahay an pugon, alagad dai pa natutunaw an ati kan metal. Mayo nin halaga an magpadagos sa paglinig kan sakong banwaan, huli ta an mga maraot dai nahahale.

Mga Panambitan 1:11

Nag-aagrangay an saiyang banwaan mantang naghahanap nin pagkakan; an kayamanan ninda iriniribay nin tinapay tanganing padagos sindang mabuhay. “Hilinga ako, Kagurangnan,” an sabi kan syudad; “hilinga ako sa sakong kasakitan!”

Ezekiel 2:7

Itataram mo sainda an boot kong isabi mo sainda, magdangog man sinda o dai, huli ta mga rebelde sinda.

Ezekiel 22:26

Linalapas kan mga padi an sakuyang mga togon asin dai ninda ginagalangan an banal na mga bagay. Dai ninda minimidbid kun arin an banal asin kun arin an bako. Dai ninda itinutukdo an kalaenan kan mga bagay na malinig sa mga maati, asin dai ninda pinapahalagahan an sakong Sabbath. Kaya dai ako ginagalangan kan banwaan nin Israel.

Ezekiel 44:23

“Itutukdo kan mga padi sa mga tawo an kalaenan kan anoman na banal sa bako, an kalaenan kan bagay na malinig sa maati.

Levitico 10:10

Kaipuhan maaraman mo kun arin an banal saka an ordinaryo, an maati asin an malinig.

Levitico 14:57

An mga ini an magtatao nin liwanag kun an sarong bagay maati o malinig.

Jonas 3:2

Nagsabi siya, “Magduman ka sa Nineve, idtong dakulang syudad, asin ipahayag mo sa mga tawo an mensahe na itinao ko saimo.”

Zacarias 3:7

an Kagurangnan nin mga hukbo nagtaram: “Kun kukuyogon mo an sakong mga togon dangan susunodon an mga katongdan na itinao ko saimo, magpapadagos ka bilang parapamahala kan sakong Templo saka mga patyo kaiyan. Dadangogon ko an saimong mga pamibi, siring na dinadangog ko an mga pamibi kan mga anghel na nasa atubangan ko.

Lukas 1:19

Nagsimbag an anghel, “Ako si Gabriel na naglilingkod sa atubang nin Dios. Sinugo ako nganing taraman ka asin darahon saimo an marahay na baretang ini.

Lukas 10:16

Dangan nagsabi si Jesus sa saiyang mga disipulo, “An naghihinanyog saindo, naghihinanyog sako; an minasikwal saindo, minasikwal sako; an minasikwal sako, minasikwal sa nagsugo sako.”

Lukas 12:12

Huli ta sa oras na iyan, tutukdoan kamo kan Espiritu Santo kan dapat nindong sabihon.”

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Lukas 21:36

Kaya magpuka kamo sa gabos na oras; danay kamong mamibi na magkaigwa kamo nin kosog tanganing makaligtas kamo sa gabos na mangyayaring iyan, dangan makaatubang kamo sa Aki nin Tawo.”

Mga Gibo 20:27

Huli ta ibinareta ko saindo an bilog na katuyohan nin Dios; mayo akong itinago saindo.

2 Corinto 5:16

Kaya poon ngunyan, dai na kami naghuhukom sa kiisay man sosog sa sukolan nin tawo. Maski ngani kaidto hinukoman mi si Cristo sa sukolan nin tawo, dai mi na iyan ginigibo ngunyan.

Galacia 1:10

Nangangahulogan daw iyan na hinahanap ko an omaw nin mga tawo? Bako nanggad! An talagang boot ko, Dios an mag-omaw sako. Kun nagmamawot akong omawon nin mga tawo, dai kutana ako nagin sorogoon ni Cristo.

Galacia 2:5

Alagad dai nanggad kami nagpahunod sainda maski sa kadikit na panahon, tanganing an katotoohan kan Marahay na Bareta magdanay para saindo.

Hebreyo 5:14

An matagas na kakanon para sa mga nasa tama nang edad, na nakanood nang magmidbid kan marahay o maraot.

Judas 1:24

Pag-omawon siya na makakaingat saindo sa pagkahulog, asin makakadara saindo na malinig asin maogma sa atubang nin saiyang kamurawayan,