Jeremias 15:17 - Marahay na Bareta Biblia

¹⁷ Dai ko sinayang an sakong panahon sa kaibahan kan mga tawo tanganing mag-ogma saka magpasiram-siram. Nagsolo-solo ako huli ta igwa ka nin ipinagboot sako, asin huli ta pinano mo ako nin kaanggotan.

Jeremias 15:17 ပူးပေါင်းရင်းမြစ်များ

Salmo 1:1

Paladan an tawo na dai nagsusunod sa hatol nin mga maraot, na dai nagsusunod sa paarog nin mga parakasala o dai nakikisumaro sa mga dai nagpapahalaga sa Dios.

Salmo 102:7

Dai ako nagkakatorog; kabaing ako sa mamondong gamgam na nasa atop.

Jeremias 1:10

Itinatao ko saimo ngunyan an kapangyarihan sa mga nasyon saka sa mga kahadean, sa paggabot saka sa pagraot, sa paggaba saka sa paglaglag, asin sa pagtugdok patin sa pagtanom.”

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 16:8

“Dai ka maglaog sa harong na igwa nin nagbabangkete. Dai ka magtukaw sa kaibahan ninda tanganing magkakan saka mag-inom.

Jeremias 6:11

An saimong kaanggotan sa sainda, Kagurangnan, naglalaad man sa sako, asin dai ko na iyan kayang pugolan pa.” Dangan tinaraman ako nin Kagurangnan, “Iula mo an sakong kaanggotan sa mga aking nasa tinampo saka sa katiriponan nin mga hoben na lalaki. Bibihagon an mga mag-agom asin dai makakaligtas maski an mga gurang.

Mga Panambitan 3:28

Kun kita nagtitios, dapat na solo sana, kitang magtukaw asin dai maggirong.

Daniel 7:28

Iyo ini an kataposan kan kasaysayan. Natakot ako nin marahay kaya nanlongsi ako, asin hinilom ko sana an gabos.

Zacarias 1:12

Dangan nagtaram an anghel, “O Kagurangnan nin mga hukbo, setentang taon na ngunyan na naaanggot ka sa Jerusalem saka sa mga syudad nin Juda. Sagkod nuarin pa kaya bago mo ipahiling sainda an pagkaherak?”

2 Corinto 6:17

“Kaya bayaan nindo sinda,” an sabi nin Dios, “sumiblag kamo sainda. Dai kamo magduta sa anoman na maati, dangan aakoon ko kamo.