Jeremias 15:15 - Marahay na Bareta Biblia

¹⁵ Dangan nagsabi ako, “Kagurangnan, ika an nakakaaram. Giromdoma ako asin tabangi. Ibalos mo ako sa mga nagpasakit sako. Dai ka magmaboot sainda huli ta tibaad magadan ninda ako. Giromdoma na nagtios ako nin kasosopgan huli saimo.

Jeremias 15:15 ပူးပေါင်းရင်းမြစ်များ

Nehemias 13:22

Pinagbotan ko an mga Levita na maglinig kan sadiri dangan magduman saka magbantay sa mga trangkahan tanganing mapabanal nanggad an Sabbath. Giromdoma ako, Dios ko, para sa bagay na ini, asin iligtas mo ako sosog sa kadakulaan kan danay mong pagkamoot.

Nehemias 13:31

Ihinusay ko an pagdadara kan mga kahoy para sa mga atang sa talaan na mga panahon, siring man an pagdadara kan mga tawo kan trigo, saka enot na mga bunga nin kahoy. Giromdoma an gabos na ini, Dios ko, asin itao mo sako an maninigong balos.

Nehemias 5:19

O Dios, namimibi ako, na para sa karahayan ko, giromdomon mo an gabos na ginibo ko para sa banwaan na ini.

Nehemias 6:14

Namibi ako, “O Dios, giromdoma an ginibo ni Tobias saka ni Sanballat, asin padusahan mo sinda. Giromdoma an babaeng propetang si Nodias asin an gabos na propetang naghingowang takoton ako.”

An Libro ni Job 10:7

Aram mong mayo ako nin kasalan, saka mayo nin magligtas sako sa saimong kapangyarihan.

Salmo 102:24

Olay ko, “O Dios, hare ako pagkuaha ngunyan, bago ako gumurang, ika na nabubuhay sagkod pa man sa gabos na kapagarakian.”

Salmo 106:4

Giromdoma ako, Kagurangnan, kun tinatabangan mo an saimong banwaan. Ibahan ako kun sinda tinatawan mo nin kaligtasan.

Salmo 119:84

Sagkod nuarin ako maghahalat? Nuarin mo papadusahan an mga nagpapasakit sako?

Salmo 17:3

Kun baloon mo an sakong puso, kun dalawon mo ako pagbanggi, kun baloon mo ako, mayo kang makukuang karatan sako. Dai nagkasala an sakuyang ngoso,

Salmo 39:13

Magtalikod ka sako, tanganing magkaigwa ako nin kaogmahan, bago ako maghale asin mawara sagkod lamang.

Salmo 44:22

Alagad huli saimo kami ginagadan sa bilog na aldaw, inaarog sa mga karnerong bubunoon.

Isaias 38:3

“Giromdoma, Kagurangnan, na maimbod asin bilog na puso takang pinaglingkodan; ginibo ko an matanos sa saimong atubang.” Dangan nagtangis siya nin makuri.

Jeremias 12:3

Alagad midbid mo ako, O Kagurangnan; nahihiling mo an ginigibo ko asin kun paano taka namomotan. Guyuda an mga tampalasan na ini arog sa karnerong bubunoon; isiblag mo sinda para sa aldaw nin paggadan sainda.

Jeremias 15:10

Mamondo ako nin marahay! Tadaw ta inaki pa ako kan sakong ina sa kinaban na ini? Danay akong may kaiwal asin kadiskutiran sa bilog na daga. Dai ako nagpasubli nin kwarta ni nagsubli, alagad minamaldisyon ako kan gabos.

Jeremias 15:20

Para sa mga tawong ini, gigibohon takang pusog na kudal na bronse. Makikiiwal sinda saimo, alagad dai ka ninda madadaog, huli ta iibahan taka tanganing ingatan asin iligtas.

Jeremias 17:16

Alagad, Kagurangnan, dai ko hinagad saimo na padarahan mo sinda nin kasakitan. Dai ako nagmamawot nin panahon nin kahorasaan para sainda. Kagurangnan, naaaraman mo ini; naaaraman mo an sinabi ko.

Jeremias 18:23

Alagad, Kagurangnan, naaaraman mo an gabos nindang plano tanganing gadanon ako. Dai mo patawadon an saindang karatan ni pagparaon an saindang kasalan. Pabayaan mong madaog sinda sa atubangan mo; gibohon mo ini sainda sa panahon nin saimong kaanggotan.”

Jeremias 20:11

Alagad ika, Kagurangnan, kasurog taka; makosog ka saka mapangyari; an mga naglalamag sako magkakadarapa. Mawawaran sinda nin onra sagkod lamang huli ta dai sinda manggagana. An pagkawara kan saindang onra dai nanggad malilingawan.

Jeremias 20:12

Alagad, Kagurangnan nin mga hukbo, matanos mong binabalo an mga tawo; naaaraman mo an nasa saindang mga puso saka isip. Kaya pabayaan mong mahiling ko an pagbalos mo sa sakong mga kaiwal, huli ta ibinugtak ko sa saimong mga kamot an sakong ipinaglalaban.

Jeremias 20:8

Kun ako minataram, kaipuhan kosogon ko an sakong tingog saka kumurahaw, “Kadahasan! Pagkagaba!” Kagurangnan, tinutuyatuya ako asin dinudusta sa gabos na panahon huli ta ipinapahayag ko an saimong tataramon.

Mga Panambitan 3:64

“Padusahan mo sinda, Kagurangnan, sosog sa saindang mga gibo.

Mga Panambitan 3:66

Sa kaanggotan, lamagon mo sinda asin paraon sa daga, O Kagurangnan!”

Mateo 10:22

Ikakaongis kamo kan gabos dahel sako. Alagad an magdanay sagkod sa kataposan makakaligtas.

Mateo 19:29

An siisay man na nagbaya kan saiyang pamilya o mga tugang na babae asin lalaki, ama saka ina, mga aki o mga rogaring dahel sako, maako nin labi pa sa sanggatos na doble, asin magmamana kan buhay na daing kataposan.

Lukas 21:17

Ikakaongis kamo kan gabos na tawo dahel sako.

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

Roma 8:35

Siisay an makakapasuhay sato sa pagkamoot ni Cristo? Makapasuhay daw sato an kahaditan, o kadipisilan, o pagpasakit, o kagutoman, o kaya kadukhaan, o pag-alaman, o kagadanan?

2 Corinto 5:11

Kaya huli ta aram mi kun ano an kahulogan kan pagkatakot sa Kagurangnan, sinasadol mi an mga tawo. Aram nin Dios an pagkatawo mi; naglalaom ako na midbid man nindo ako nin marahay.

2 Timoteo 4:14

Dakulang karatan an ginibo sako ni Alejandro na panday nin mga metal; babalosan siya nin Kagurangnan sosog sa saiyang ginibo.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 6:10

Nagkurahaw sinda, “Mapangyaring Kagurangnan, banal asin totoo! Nuarin mo huhukoman asin papadusahan an mga tawong guminadan samo?”

Hukom 16:28

Dangan namibi si Samson, “O Kagurangnan Dios, giromdoma ako; maherak ka man sako, O Dios, asin pakosoga giraray ako, maski ngunyan na sana, tanganing makabalos ako sa mga Filisteo na nagbuta sako.”