Jeremias 15:13 - Marahay na Bareta Biblia

¹³ Tinaraman ako nin Kagurangnan, “Mapadara ako nin mga kaiwal tanganing hakoton an mga rogaring asin kayamanan kan sakong banwaan, bilang padusa sa ginibo nindang mga kasalan sa bilog na daga.

Jeremias 15:13 ပူးပေါင်းရင်းမြစ်များ

Salmo 44:12

Baratong ipinabakal mo an sadiri mong banwaan, na garo mayo nin halaga asin pakinabang.

Isaias 52:3

Nagsasabi an Kagurangnan Dios sa saiyang banwaan, “Ipinabakal kamo na mayo nin bayad, kaya tutuboson man kamo na mayo nin bayad.

Isaias 52:5

Arog man kaiyan an nangyari saindo sa Babilonia; sinakop kamo saka dai binayadan. Nag-orgulyo saka nagpaabaw-abaw an mga namamayo saindo asin danay na ipinahiling ninda an pag-olog-olog sako.

Jeremias 15:8

An mga babaeng balo sa daga nindo mas dakul pa ki sa baybay sa tampi kan dagat. Ginadan ko an saimong mga lalaki sa saindang pagkahoben, asin pinatios ko an saindang mga ina. Bigla kong hinampak sinda nin makuring sakit asin takot.

Jeremias 17:3

saka sa kabukidan sa kahiwasan. Papabayaan kong makua kan saindong mga kaiwal an kayamanan saka mga rogaring nindo huli kan gabos nindong kasalan na saindong ginibo sa bilog nindong daga.

Jeremias 20:5

Papabayaan kong masamsam kan mga kaiwal ninda an gabos na kayamanan kan syudad na ini asin masadiri an gabos na rogaring ninda, maski na an mga kayamanan kan mga hade nin Juda. An gabos na bagay dadarahon ninda sa Babilonia.

Ezekiel 38:13

Hahapoton ka kan mga taga Sheba, taga Dedan, asin kan mga negosyanteng hale sa mga banwa nin Espanya, ‘Tinipon mo daw an saimong hukbo asin nagsalakay tanganing manghabon saka manamsam? Plano mo daw na kuahon an plata asin bulawan, an mga hayop saka pagsadiri, dangan maghale na dara an siring na mga sinamsaman?’”

Sofonias 1:13

Sasamsamon an saindang kayamanan asin raraoton an saindang mga harong. Magtutugdok sinda nin mga harong alagad dai ninda maeerokan. Matanom sinda nin mga ubas alagad dai sinda makakainom kan arak hale diyan.”